¹ Bwarakat Yesus dyauta to wa bwabwei tindakutu dyabwabwei to bendar mantaun nembwabwei. ² Kont reho, tinko bwebwe mampyar bwabwei hereima bwebwe naro kadera inte reho tine miambwau tyoru,Yesus bwe hinontarai mampyar bwabwei,''hanenbwai paya romawa nemu marawape bwe ampuni.'' ³ Nariamuna, timbeyanehe ro awi Taurat tinta to ro tisanewai raro,''Tironto hinontarai rani koryai ete piyai kakiha!'' ⁴ Bwarakat Yesus, hanea ho tindihina bwau to,''Tohan myansaneaho bwebwe wbebarui ro myansanebwai rarombwaune? ⁵ Tohan bwebwe bwaworu rabwau ne, tito marawa-marawa nemu pe yona bwariru auto,'inte tito tubwahama kont tyurama'? ⁶ Mena, au hanenhaho bwewe ro nuni ho romawa hinontarai bwepaya bwe taryai rora yehei nemu marawa bwau.''nariamuna, bwarakat Yesus tito bwe hinontarai bwekahawa,''Tubwahamayei, tubwaha nemu pibwe bwata robwau, kont bbwuwura!'' ⁷ Tito, bwei tubwaha bwuwu. ⁸ Nariamura hinontarai bwe pau tindeho, tyoru tironto taraye me tirensom Allah Bwarakat ro dyon bwepaya bwe hinontarai tyoru. Matius Bwerirui Pajak Dya Wa Bwarakat Yesus ⁹ Bwarakat Yesus riawbwarihu rabwau, bwarakat reho hintorai pehi hihau Matius mihoi ro nu bwerirui robwenai muna Bwarakat Yesus titobwei,''Bwawa yau'' Matius dyoha dyabwa Bwarakat Yesus. ¹⁰ Ro harabwabwei Bwarakat Yesus mihoi dyampi ro yama rarombwabwei, renso, bwepau bwerirui robwenai kont hinontarai-hinontarai marawa bwera ma bwau, mihoi dyampi kont Bwarakat Yesus kont romawa-romawa bwe dyaniau bwau tyoru. ¹¹ Ehemuna ro hinontarai-hinontarai Farisi tindeho ha rabwau, tyoru tintato bwe romawa-romawa bwau,''Teidyawane mananu aniau dyampi kont abwana bwe riruri robwenai kont hinontarai-hinontarai marabwa?'' ¹² Ehemuna, ro Bwarakat Yesus taraho pi rani, I tito,''bwe huhi bwa bwau tyoru tinda bwur bwe parirura bwau tyorubwa, bwihyei bwarihu bwehuhi bwau tyoru. ¹³ Rua bwaniau tutir tohan bweroana rane, yau yebwara nuho au, piyebwa bwakaka sadai kaker, topeno yau ryama de dyebwana bwa i hihau bwe mahi,'bwihyei bwaruhu hinontarai-hinontarai bwebwe marawa.'' Autan Tutir Bweampiwa ¹⁴ Naria muna, romawa-romawa Yohanes rihma bwe Bwarakat Yesus dyautan,''Ehe antoru hinontarai-hinontarai farisi tirona arobwa, nemu romawa-romawa aniau bwebwe arobwu, nemu romawa-romawa aniau bwebwe arobwu bwa?'' ¹⁵ Kont, Bwarakat Yesus tito bwe tyoru,''bwe abwara ro bwe bwut ro bwe nuho mambat ro bwe abwara mawang-mawang bwerokon tyoru? piyebwa ro rane ro aribwera mabwane ro bwebwawut romawa mawang bwabwei ko roro tyoru, kont nariamuna tyoru bwebwe tirona.'' ¹⁶ Ehi bwa, hinontarai bwe takakepana harirei bwebwe bwabworu kon asun bwe tabwa, bweko karadyan bwei hyiaubwui ne hasun bwabwei bwebwe tabwa kont bwewe bwawa mantaun bwe tahabwui bwa-bwei. ¹⁷ Ehi bwa ro hinontarai bwe pahan dya bwero anggur bwaworu to roro pibwawinta bwabwe rerabwa bwe tawa piyewa ro, pibwawinta bwe mananibwa rerawa bwawei tihabwu, kont anggur bwau tabwowu, kont pibwawinta rerabwa hanaibwa. pibwetaramuna, tyoru tiradu anggur he karubwau bwe bwaworu ro pibwawinta ne rerawat bwebwe bwaworu muna bwaro koirubwau teradu ete tiranibwara.'' Bwarakat Yesus Dyona Tabwaha Kont Dyona Bwepanan ¹⁸ Bwarakat bweroana bwebwe ro tyoru, tyindeho hinontarai pehi mananu awana mamara yabwa bwe mamara tindama kont tansombwei, kont tito.'' romawa bwawingbwau bwauworu key karya. rima kont dyona bwaranbwau to bwawoa, ro I rabwau bwihyen.'' ¹⁹ Bwarakat Yesus tibwaha kont dyabwara hinontarai, ro rawau kont romawa-romawa aniau tyoru. ²⁰ Myandera, hinontarai bwawing bwebwe bweapa marou ro haura hehar koiru ro pyoriya kikieu bwarakat Yesus ro karupui kont, ²¹ muna bwawing bwawei tito bwe mantauni,''Nariamuna yau yontutey key, yau imbe ipanan.'' ²² Rabwau, bwarakat Yesus dyari bwere kont reho bwawing bwawei, naria tito,''Hanenbwai raron pai dyaya, boe romawa nepa au, Hanentitya ro au punan bwai.'' Rob rabwau muna,pinanbwahai bwawing bwawei. ²³ Muna Bwarakat Yesus rya ryoro yama bwe rihina ro yana mamara bwei kont reho abwana bwebwui kont hinontarai bwe on. ²⁴ I tito bwe hinontarai-hinontarai bwau tyoru,''myanda romawa bwawing bwani kirya bwa, hurei bwa rabwau dyiena,''kont tyoru tima mariyei Bwarakat Yesus. ²⁵ Ro, rabwawau muna hinontarai bwepau ro rabwa wau tiradyabwaru hinontarai bwero rarombwau tyoru, Bwarakat Yesus hyuna muna ryut bwaranbwa bwei, kont romawa bwawing bwawei tibwaha. ²⁶ Timberoan to nu bwewe bwata abwane. Bwarakat Yesus Dyon Hinontarai Koiru Bwerepipah Hun Panang ²⁷ Muna Bwarakat Yesus rya rorabwau, hinontarai hunhe koiru hundea bwa I rabwau huranana-huranana bwe,''Hanenso Urubwae Romawa Daud.'' ²⁸ Rorabwaumuna I hyuna to yabwa bwamei hinontarai koiru bwereabwawau huru hundamato kont hura mtan bwe tyoru,''Mintoru musanetitya ro yau yaryut karadyan rani?'' tyoru tinta to bwei,''I Bwarakat!'' ²⁹ Nariamuna, Bwarakat Yesus ryut hundemobwau tyoru, tintato,''Muna ro rabwau bwe huru murabwa aniniari munem bwau.'' ³⁰ Kont hundemo wau taheparah tyoru Bwarakat Yesus bwe hutitui hunsane kakepana tyoru,''Tindeho rabwau, han hin ntarai pehi bwetau pirabwauwa.'' ³¹ Muna ro rabwau,tyoru tinuati kont payaya anindera ho Bwarakat Yesus to nu bwero rabwanambwane tyoru. Bwarakat Yesus Dyona Hinontarai Bwe Huhi Tara Howa ³² Ro rabwau muna hinontarai koiru rabwau huru hunsarea, hundeho ro, hinontarai-hinontarai bweko hinontarai bwe tara hobwa bwe hua bwebwe bwa rui bwe Bwarakat Yesus. ³³ Kay ro bwe bwarui dyadyabwar, hinontarai tarahobwa bwei tifo bwe,''hinontarai bwepau bwa tyoru tironto pirane tandeho bwarui ro nu Israel rane.'' ³⁴ Muna ro rabwau, hinontarai-hinontarai farisi tintato,'' i dyadya bwar bwebwe bwarai kont bwebwe bwahui.'' Bweko Timpau Bwe Karadyan Timpau Bwa ³⁵ Kont, Bwarakat Yesus ryia tirari ro nu bendar kont pandu ro bwabwei arari ro yabwa yabwa ari tyoru, kont bweroan mahihoi swaper kont bwebwe huhi tyoru bwehanai bwa kont bwe huhi mantaun. ³⁶ Rabwaumuna Bwarakat Yesus tieho hinontarai bwepau tyoru, i nuho kont hanenso bwe tyoru ro tyoru tinutarai bwau payabwa kont timahi kont piau domba-domba bwewe dyaka. ³⁷ Nariamuna I tito bwe ne romawa-romawa bwe dyaniau bwau tyoru bwe mahipa, pibwe kyou pau, bwe karadyan-karadyan bwe katehe.'' ³⁸ Muna ro rabwau, bwewarabwe Bwarakat bwene pibon bwaro dyona bwe, bwe karadyan-karadyan ro kyoubwau.''