Yesus Dyawan Romawa Bweawarei Tyoru 1 Yesus hihau riruir ne romawa bweawarei bwau tyoru ma pia paya pyatar bwe tyoru ho pyatar bwe ne paya bwa me tirentadyawai ra ma tirenton panan bwe huhi tau kuira. 2 Romawa haura heha koiru bwau tinsomi parari retenag Simon bwe tisahau Petrus, kont Andreas neta bwabwei, kont Yakobus Sebedus antu, kont neta Yohanes, 3 Filipus, kont Bartolomeus, Tomas, kont Matius bwe ruri kat, Alfeus antu Yakobus kont Tadeus. 4 Simon hinontarai selot kont Yudas Iskaryot bwe on marabwa bwe Yesus. 5 Yesus dyawan romawa haura heha koiru rane tyoru dyonto myanda bwarihu rayan bomu bwero wondi rawane tyoru myansua bwarihu bendar raro hinontarai Samari. 6 Me myanda bwura peno Domba bwebwe kyain bwera harata ro Bomu Israel tinu raro wane tyoru. 7 Kont ro myanda rane myanpaya topano, mahihoi warnus rora kikyeuto. 8 Bwe huhi myaron tyoru timpanang, Bwekarya myaron tyoru timbihyen, myandoih tetapir bwe hararepa kont myaradyawar awia-awia bwe hanaibwa. Mintoru myararyut mahi-mahi kei, myarona muna ro mahi-mahi kei. 9 Han myang ko Emas, ete perak, ete tembaga, ete ma kureh kepanei ro horande bwa, 10 Ete rotansyon ro rayan ete, hasun rawa koiru, patar aiban, aitityoi ete tutir hinontarai pehi. 11 Ro bendar ete ro pandu pai niyei myansuei pa, myan sane nanuhar hinontarai painiei mihi pa mora myandoro rabwuyan kao myantapot. 12 Ha myansua ro manu rani, myan somi 13 Mahi bwe manu rani mora Hanai bwiabwei, me mahi bwei wa mora hanai hom rane tabweri bwe mantaun naun. 14 Me tei dipe dyon hora pe bwe au bwa ete tingkarai tinta raho bwe myampayaya, mopra ha myamati bwarihu manu ete Bendar rabwabwei mora twetab ain hakou. 15 Yau payai bwe mahi bwe mintoru tutir ha bwe riria autan wani, kakopa Sodom kont Gomora, mahiha bwe huru, bwarihu Bendar rahi. Hasyeunt-Hasyeunt bwe Romawane Tinson 16 '' Remuma, yau yawa mintoru myamahihapeno Domba bwur woan bwabwa bwebarui wane tinuraro. impa hanen anyanung mahi tawai kont haneng riryeri kakabwi mahi andobwa mandung. 17 Wape myan sane kakepa bwo kawasa hinontarai antireno tingko mintoru to manunu warnus Sanhendrin inte tindah mintoru ro tine manu-manu ari. 18 Tutir hanone tingko mintoru bwur mananu mahihoi warnus kont warwarnus bwe anyawa bwe tyoru kont mahihoi, Bomu-bomu warnus. 19 Wape rak tirong mintoru myasua wane, han myansane hihyu bwa. Tutir tohan de myan payayane, bwape ro ha rabwabwei tato bwe myang beroana pa inte rama. 20 Tutir myare myantato pa bwa, awia mahi Bwarakat andi titopa. 21 Mambe neta tintubwa bwabwe tyoru bwur karirya kont Taman bwur antu, kont romawah tiimparahe bwe tintamami tyoru. 22 Imbe tingkararapi mintoru tutir hanone, bwape hinontarai pehi nukakepana, dyona matitui kao kairoane mora dyaryt hanai mararisin. 23 Raka timamuna bwe mintoru ro bendar pehi, mora bwubwu bwerato Bendar pehi muna, yau payai bweroan bwe mahi bwe mintoru bwo han mintaron pitau rane rakai rawain hehar bendar-bendar Israel kao hinontarai antun pai rima. 24 Romawah anyau han riwain mananu anyau ni bwa, mahiha peno awana pehi bwur mananu mahihoi pehi bwa. 25 Mahihato, bwaro romawa anyau pehi de ria mihi pe mananu aniau kont awana de mihi pe mananu aniau kont awana de mihipe mananu mahihoi, me de timpayai bweroan Mananu Mahihoi manu rani Beelzebul hanai bwa naria muna bwe, bwero manuraro rabwabwei. Tamatai Bwurape Allah, Bwe ahinontarai bwa 26 ''Ro rabwau han myamatai tyoru bwa tutir pianehe anuwa bwa bwe han timpar bwa bwe aniwa bwe bwe han tisibyaibwa. 27 Tohan tepe weroana we mintoru ro mamant raro, taraho rotu mora myan tara dyaung, myan tato tutirei ro nandaun manu karu puyang. 28 Myamatai bwemun nutarai ne tyorubwa, Bwape han timun haseni kont nutari ni ro aruntan bwa-bwa wani bwa. 29 Mahihape andobwa karampisi koiru tirabwayanei bwur abwayana korisih tyar kapa hanhyuto kakopa bwa bwi ro Bwondi Awiya Bwarakat. 30 Ryunandaun bwero Rinsina bwabwei tato rioro atora kuira. 31 Impa han myamatai bwa tutir mintoru ne atora trayai heha andobwa karampisi tau rani. Awawo bwe Yesus ro Ehe Tiraropon 32 Impa teidipe dyawawoh Yau ro bomi kawasa aropon mora Yau tato yentawawohei ro yai aropon rora yehei. 33 Wape tei dipe dyaka Yau ro bomu kawasa aropon mora yau tato yentakarei ro yai aropon ro rora yehei. Weonamo Yesus Rima 34 Han myansanetato myaromba irama bwe hanai yendirui ro nu bwabwoni Yau irama iko Hanai bwe riruira bwa bwape humbe. 35 Yau irama rane ira ma Ipau bwihihyei mawang bwarihu tamani romawa bwabwin bwarihu hinani bwabwin rewar bwarihu neo bwabwin. 36 Kont bweko Amoming bwe hinontarai pehi pano hinontarai bwero manu raro bwabwei 37 Tei dipe haneho tamani kont hinani heha Yau mora Hano mahi yau bwa kont teidipe hahneho antu mawang ete antu bwabwing hehar yau mora naho mahio yau bwa. 38 Kont tei dipe hiyo hiryo aitabwaya ni, me Dyentawar yau bwa mora hanai bwei bwe yau bwa. 39 Tei dipe myayar bwihyenpei bwa mora bwihyei pei imbe ryo Bwarihuei, kont tei dipe Bwihyen empei imbe ryo tutir Hanone Mora imbe dyaryuta Bwibwai Rape Allah 40 Tei dipe dyamaman bwe mintoru pa mora, dyamam bwe yau kont tei dipe dyaman bwe Yau, pa mora dayaman bwe, bwe awan yau wani. 41 Tei dipe dyaman bwe mananu awana mamara mora ro wahan mananu awana mamara mora dyaryuta bwibwai ro mananu awana mamara. Kont tei dipe dyamaman ro hinontarai bwe mahi mora dyaryuta ro bwibwai hinontarai bwe mahi. 42 Kont tei dipe Bwiob Unung pehe bwe ehi pinoma ro hinontarai bwe haho rani tutir byob dya bwe ryeha ro bwabwin bwe unung pehi ro wahan romawa anyau ranehi mora, yau bweroan bwe mahi mantau bwe mintoru, I bwibwai nerane han robwa.