¹ Yesusi dion anindera matitui ve ne romawa aniau haura heha koiru vau tyoru pateri, ria ro ravauma dyaniau ma dyoha hihawa ro tine bendar wane. Yesus Tyar Yohanes Pembaptis ² Ravau, Yohanes, rio di pe manu mamant, taraho Kristus ne pitau dionavau, dyaninde ro ne romawa dyanyau vau tyoru. ³ Ma dyautan ve i,''impa au ruma ravau, ete antaranona ehe timbihyei ye?'' ⁴ Yesusi piya ve tioru,''myanda myampayai veroana ve Yohanesi, pi myantaraho tyar myandeho vau, ⁵ ve rekave tinde kavieiha, ve mampyar tyara, ve huhi pihararepa dyupi tetava, ve taraparo tintaraho, ve karya tintavaha, tyar veve ne pieva timpayai veroan Injil. ⁶ Tyar, varatarai hinongtarai ve awa yau pai varo hidyairava.'' ⁷ Impate, tindanto, Yesusi piyai veroan Yohanesi ve kawasa vavei.''Pipaniei de myandehoi ro vuva tabuyan wani ne? wanang pai kir kambuvu ru pehi? ⁸ Pitohan de myanda myande ho ne? hinongtarai pehi hisun hasun ve kikyahae? ve hasun hasun ve kikyaha pe tindo dimanu raja. ⁹ De myanda myande ho pitohan dina? Nabi pe hendina e? ya, i paya ve mintoru, viva hehar nabi pehi. ¹⁰ Tutir, andipe timbui hai pa: 'mandea! ya natu ne dwiwanani pipon au, andipe piduru nemu jayan vau pampon aupa.' Maleakhi 3:1 ¹¹ Paya ve mahi mantaun ve au, veve vavin timahoi tutira ne tioru, e hi ryayei viva hehar Yohanis pembaptisi vami. mena, vehaho mantaun ro rora vemara, imbe viva hehar el. ¹² Raro hyahan Yohanis pembaptis pe rama rainta ro rane, rora vemara yehei rioro barirui, tyar hinontarai vebarui ravau tyoru tiravuvita. ¹³ Tutir, nabi vau tyoru kuira tya anindera taurat tiranindera ma rainta ro hyahan Yohanesi. ¹⁴ Tya, de myansenevei myangkowi mora, verama ravavei Elia nanto. ¹⁵ Tei ve taradyaun pa taraho, impa taraho ravau! ¹⁶ Mena, pitohandi yoni yentato hyahan rani ne? timparari romawa antitui ve mahoiro rabuyan kawasa pyaurowane, vehahau vene manivovi wane tyoru. ¹⁷ Me veonto, antambui seruling ve mintoru, mena myamaha va antandoi roi karirya, mena myamahoiro mambat va.' ¹⁸ Tutir Yohanesi rima dyampi va, dyunung va tato, tyar tironto,'pivivyovi tinduvari.' ¹⁹ Mena, roma hinantarai rima dyampi tya dyunung, tya tironto,'myandea, hinontarai ve anantau tya vemaheru, veve manivovi kon vera virirui vivai vu verut kawasa tya hinontarai veve sasar,'Mena, anyau ve tarya payai veroana pi dyona ravau mahi.'' Hor Vu Hinontarai Ve Karai Vehane Tityar ²⁰ Impate Yesusi tito kakih bendar tau Ria dyon apipyori rovau, tutir timaror va. ²¹ ''Khorazim mintoru imbe miando! Betsaida, mintoru miando!! Tutir piapipyori tau ve mati ve mintoru pe mati tato ro Tirus tya Sidon, timarar hora pehi to tisasun hasun veve mahoi mambat tya wavu. ²² Mena, i paya ve mintoru vo haha ariria wani teri, Tirus tya sidon hun saryoa varihu mintoru. ²³ Tya, mintoru, Kapernaum, imbe tindu vaha mintorua myandainta rora yehei? pieva, mintoru vo imbe tindiya mintoru a mindo dipenu karirya vavei, tutir piapipyori tau myande hope ro sodom tato, bendar ravavei imbe hyo kao hani. ²⁴ Mena, I paya vemintoru vo ha ariri wani, kakopa sodom imbe hiryoa baruiha varihu mintoru.'' Hinontarai Veta Vu Yesusi Ma Vau Tyoru Tisane Marera ²⁵ Ro ravau Yesusi piyaya,''I hom au, yai, varakat veawi rora ma huni, tutir waniwa pitau rane varihu hinontarai tau ve anyau taryai ma ve hane mati, tya pyoreraha ve romawa antitui. ²⁶ Yai, ro ravau pa epe mahi ve auapa. ²⁷ Pitau-tau kuira yai diona ve yauto tya, hinontarai pehi re veroan romawani va, yai peno, hinontarai pehi reveroan yai wa antu vavei peno tya tei romava vavei hanevihyenei ve pyoreraha vei. ²⁸ Myanda he yauma, veve karora tya vene pitau veve mamambati myanda kuirama, inte yon mintoru myasane marera. ²⁹ Huryo kareha ro raukaro ve i kareha ni, me wanyau ro pai yau, tutir yau nara vavinta ma yare yau va, ma imbe myararyut marera ro myansanewai raro. ³⁰ Tutir, kareho ro rau karo i kareha ni myawa tya pive mamambati yonani, tipiha.''