Yesus ibwo Bwarakat ro Ha Sabat ¹ Ro ra bwau, Yesus tyara ro romi potang ro ha sabat, tya ne romawa aniau bwau tyoru timbaribwan, impa tira po kakutu gandum mo bwau me tiran. ² Mena, hinontarai Farisi tindeho ra bwau tinta Bwei, '' Rena, nemu romawa aniau bwau tyoru tiron pi bwe bwe mahi bwa bwe tirona ro ha Sabat.'' ³ Mena, Yesus tito bwe tyoru, ''Myande ho bwui payai bwe roan Daud tyar bwe awarei bwau tyoru ro timbaribwan bwau bwae, ⁴ hyua ro Bwarakat ne manu tya dyan roti persembahan bwe tiranan kayei bwe dyan pe mena hinontarai tau bwe awarei rabwau tyoru tato, bwe imam bwau tyoru mehari? ⁵ Piebwa mora, myande ho bwui bwe payai bweroan Hukum Taurat, bwe ro ha sabat imam bwer Bait Allah tinadwain kutu sabat me timbe sasar bwa? ⁶ Bwape, Yau ibweroana bwe mintoru bwe bwe bwa bwa hehar Bait Allah ryo di nine. ⁷ Impa, ro mintoru myararyut tarai pei to:' Yau hane tatoa aninyari bwa bwei me samson bwa bwei bwa', mintoru imbe myambe hukum bwe sasar pehi bwa. ⁸ Tutir, Romawa Hinontarai mora Bwarakat ro ha Sabat.' Yesus Tyawan bwe huhi ro ha Sabat. ⁹ Ryaro rawane ma, Yesus ryo manu tiren karuna. ¹⁰ Myandea, mawan pehi bwarah habwaru pyayar. Tyar tindama tirautan Yesus tironto,'' Mahi ye tintawan bwe huni ro ha Sabat?'' Bwa ro sasar bwau bwu Yesus. ¹¹ Tyar, tito bwe tyoru,'' Hinontarai pai ni yei mintoru bwe ne domba pehi, tya domba bwa bwei hyu ro kamiryei bwa bwei ro ha Sabat, me rya kiou tya ryu bwaharei bwae? ¹² Hinontarai mahihoi tine taryai bwarihu domba pehi! Impa, mahi mantaun taron bwebwe hanai ro ha Sabat.'' ¹³ Impateri, Yesus tito bwe hinontarai bwa bwei,''Tubwa bwaramu pa ma.'' Hinontarai bwa bwei tyubwa bwaran bwau a tya dyona panan mantau parari bwara habwa ru bwa bwei. ¹⁴ Mena, hinontarai Farisi bwau tyoru tinda bwarihu ra bwau a tisanewai kosiri timbarui Bwei, de timuni topano. Yesus, Hamba Bwarakat diria. ¹⁵ Mena Yesus, haneraho pi nini, bwi bwu bwari hu rawane. Timpau tirawarei tya dyon tyoru timpanan kuira. ¹⁶ Inte piyai kepan tyoru bwaro timberoan nei bwa. ¹⁷ Pi rani rama bwa ro payai mahi pi bwe nabi Yesaya piyaya. ¹⁸ ''Myandea, ne Hamba bwe yiria pai, bwe haneho, ryu aninu hane bwinyenei, Yau yon ryuaninu ni bwei, imbe I piyai bweroan bwe mahi bwe nu tau rawane anane. ¹⁹ I' bwibyahari bwa, ete birua, tya hinontarai pehi taraho raupui bwau bwa ro rayan. ²⁰ Kambubwu bwe takahi dyo ni tikahi bwa, tya sumbu de bwe mayo dyoni miyo bwa, kao dyon bwe mahi bwau apipyor, ²¹ tya ro hanon bwau, nu tau rawane tisane tyarei.'' Yesaya 42 : 1-4 Paya Yesus nembau rapeno Bwarakat ne awiya bwe mahi ²² Impateri hinontarai bwebwe pi bwibwobwi yua ro bwabwei, repipu kont bwe mou tirinti he Yesus. tyar, Yesus dyon bwe re pipu tya bwe mou tito tya rea. ²³ Hinontarai rabwau tyoru tira pipyori ma tirautan, '' I' mo Daud antun peina?'' ²⁴ Mena, hinontarai Farisi tintarahoi tindama tintato bwei, ''Hinontarai rani dya ryut kuasa ro Beelzebul bwa mora imbe dya dyawar pi bwibwio bwi bwa, pi bwibwio bwi tine bwea bwa bwa bwei.'' ²⁵ Yesus haneaho bwe tisanea ho bwau kont tito bwe tyoru,''Ro mahihoi bwe tara bwihihyei kadyou ta bweri bwe tyoru, timba bwura ro bendar kont yabwa tato embihihyei, kadyou tabwe ri tyoru kont paya bwa. ²⁶ Inte kerbion dyadyawar bwabwe maunauni mora dembihihyei. Topa rane mora inte ne mahihoi ni pyaya topano? ²⁷ Impa ro Yau, yadyawa aw koan ro Beelzebul, tutir teini antu tyoru tiradyawa tyoru? Interi, tyoru imbe hakim au ²⁸ Wape ro rane Roh Allah, Yau yentadyawa awi koan, swarper Allah ryahe mintoru. ²⁹ Ete, topano hinontarai pehi hyua to bwepaya pehi yabwa nempei me kyo pitau bwe roroi rabwau me rabwau abwit hinontari bwe paya rabwa bwei pampon? Ro rabwau, i' tato hyua dyengko pi bwe ro yabwa rabwabwei tato. ³⁰ Tei dipe rima ryo kont Yau bwapa, kidyou tabweri bwe yau. Kont tei dipe riruira kont yau bwapa, tingketu bwihihye yei ³¹ Impa ro ra bwau, Yau payai bweroana bwe mintoru hope bwe marabwa kont koryai hinontarai tindoi pir rahi, bwape koryai bwur Roh i bwe pir pebwa. ³² Kont, tei dipe piyai beroan pia nehe kadyou taberi bwe Hinontarai Antun pai mora pir bwei, bwape tei dipe tito kidyou tabweri bwe Roh Kudus mora pir pe bwei bwa, hanai ro hyahan rani kont hyahan bwera ma wane.'' Ai bwe tande bweanei mora ropa bon bwau. ³³ "Ai pehi hinai mora bon bwu tato hanai. Bwape ai rabwa bwei hinai bwa mora bon bwa bwei densanai bwa tato. Tutir, Ai pehi tande bweroanei ropa bon bwau. ³⁴ Mintoru abwina tawai beludak, myasanewai bwau hanai bwa me myampayai bwe hanai ro mya swapan bwau. ³⁵ Hinontarai bwe hanai dyon bwe hanai, hinontarai bwe barui bwe dyona harea bwau barui tato. ³⁶ Ro rane, Yau payai beroana au tutir tato bwe mahi bwa, bwe piyaya bwe hinontarai, tyoru tintato tutira ro ha penghakiman bwau. ³⁷ Tutir tato bwe puya mahi mora mahi tabweri bwe au, impa tato bwe hanai bwa tabweri bwe au tabweri bwe au, mintoru imbe hukum. Hinontarai Farisi kont Ahli Taurat Tirebwa Kaman ³⁸ Interi, ahli Taurat timbe yanehe kont hinontarai Farisi tintato bwur Yesus, " Guru, antoru de nandeho kaman bwe ra ro Au.'' ³⁹ Inte, Yesus tito tabweri bwe tyoru, ''Hyahan bwe barui kont bwe on riryawia rani dyabwubwit kaman pehi. Kont, han kaman pehe naria muna bwe tyoru bwa, mora rope kaman bwe Nabi Yunus. ⁴⁰ Mahipe, Yunus ryoro dian bwabwa bwabwei hanewai raro ha pe toru kont robwi pe toru, mahiha pe hinontarai antun pai ryoro ha pe toru robwi pe toru ro nuni bwa bwo ni. ⁴¹ Hinontarai Niniwe tindirui ma tutir hyahan rani ro ha penghakiman wane imbe timbe hukum i. Tutir tintara ho Yunus bwe Khotba bwau timaror. Renso, bwe bwabwa heha Yunus ryo di rane. ⁴² Ratu bwe raro selatan tibwaha kont hyahan rani ro ha penhakiman wane imbe timbe hukum i tutir i ryapeno nuni retepu wani ma dyentaroho hikmat Salomo kont renso bwe bwebwabwa heha salomo ryo di rane. Mariybwi tutir hahihoi bwe kakawi. Ro ha awikoan miti bwa rihu hinontarai, I ryarawain nu bwebwe dyabwa medyeng karawe nu bwe ria karora, bwa pe dyaruta bwa. Ra bwa tito yau imbe taweri to tabwa ne, Nu mati ro. Kont, I ra yaryut yabwa rabwabwei kikawi, tirirarei, kont tyeinanuharei. Nariamuna, awikoan rabwei ria kyokontei awia pe itu bwe baru heharei, tinsua tindoroi. Ro rabwa, hinontarai rabwabwau dyarut bwe bwe hanai bwa bwa rihu bwe bwe pamponpe. Mahihapeno bwe bwe tiraryuta ro hiahan bwe bwe barui rani. Yesus ne yawa raro bwe mahi. Yesus tito bwe hinontarai bwe paur bwa tyoru rahi me ,rena, hinani kont neta bwau tioru ro wondiri, tirawuwi de tintato bwei. Hinontarai pehi tito bwei rena hinani kont neta bwau tioru tiroha ro wondiri tirawuwi tintato kont Au. Wape Yesus tito bwe hinontarai bwe bwe roana bwa bwei dyonto, Hinapei kont neta pa tireno? Impateri ryubwaha bwara tyubwara wur ne romawa anyau bwau tioru, Yesus tito, hinani kont neta pe tyoru antirerane! Tutir tei dipe dyon awia yai ne bwerora yehei, Andipe ne neta mawan kont ne neta bwabwin kont hinani.