Apotatoa Tutir 1 Ro harabwabwei, Yesus hirea ro manu bwabwei ari mihoi ro karihyari bwabwei dye. 2 Bomu bwe pau tindirui hereima pamora, dyauta ayei mihoi ro wa bwabwei, me bomu bwepaur tiroha ro karihyari dye. 3 I' tito bweroan pitau bwe tyoru ro apotatoa dyonto" Hinontarai Bwerau de ryaupi, 4 Ro ha ryanpe de ryau rorane, ehe hu ro rayan dye, andobwa tindama tiran kai, 5 Pi ryau rane ehe hu ro nu bwe kamikami, bwe kakopa kahira bwa, bwe hadya bwami me tipu bwabwa mena kakopa tipei kahira bwa, 6 Pamora, wo tipira myas, riatei tutir bwe wawari bwami impa pitantanan rani myaha. 7 Pi ryau rane ehe hu ro nanimpu bwe makako, rane bwabwa kepani. 8 Naria muna ehe hu ro kakopa bwe hanai bwape mareb, bwe bo ehe dyauta bwe pyarin, ehe dyautabwe pya toru, ehe dyautabwe pyarehi heha haura. 9 Tei dipe bwe taradyaun pa mora taraho. Yesus Dyawau ro Apotatoa 10 Yesus ne romawa aniau tindama tirautan bwei "Topeno bwo Tuto bwe tyoru ro Apotatoa ne? Yesus hinani kont netane tirobareto tyo yanehe, me tinsanetatoa bwaromi tirinti timbabwu. 11 Yesus tito bwe tyoru, ''bwur mintoru paya hanai pei bwiahai ma bwe mintoru myaren sane aho kapu bwero mahihoi swarper rora yehei. Bwape bwe tyoru ehe bwa. 12 Tutir ehi ne mora, tirona bwei pau hehara muna, me ehi ne bwa mora pitau ne rabwau tingko bwarihuei. 13 Rane ona mora, I' bweroana bwe tyoru ro Apo Tatoa bwaro tindeho bwape tisibyai bwa, kont tintaraho bwape tintaraho bwa kont tinsane hihyu. 14 Impa rane tyoru, mahiha peno tato anindera Yesaya bweroana ro kateyamaunpe dyonto, Myandeho bwape imbe myan sane hibwai bwa. 15 Tutir marep bomu rani hane wai kararihi, tintaradyaun hasyeun bwe tintaraho, kont tingkarung kepan tindemo. Toparanebwa, mora imbe tindeho ro tindemo, tintaraho ro tintaradyaun, tinsane tatoa mahi ro tinsanebwairaro, mora tintabweri bwe yau interi panan pehe bwe tyoru. 16 Bwape ro rane, Bwarakat bwe myandemo waro myandeho kont myantaradyaun bwaro myantaro. 17 Yau bweroan bwe mahi bwe mintoru tutir mananu mamara timpau kont hinontarai bwe mahi tisanebwe de tindeho bwe demyandeho, rane, bwape tindeho bwa, kont tinsanebwe tintaraho bwe myantaraso rane bwape tintaraho bwa. Bwenindoan Tutir Apotatoa Bwerau 18 Impa rorane, myatarakakepana. Apo kapu bwero Apotatoa tutir bwe raw 19 Ro hinontarai bwe taraho irawi Swarper me tinsane hibyabwa, bwe hanaibwa rima Prosyar bwe timbwuibwara bwebwataro ro hinontarai rabwau bwei hane raro. Rani mora hinontarai bwene abwa timbwuibwara ro rayan dye. 20 Timbwuibwara ro nubwe kamkami, rane mora hinontarai bwe taraho Irawi bweau bwe mamara tutirei. 21 Bwape rane bwe bwabwari ro nutarai roro rabwau kont ryoro katehe kei me mambiri pehi rima tutir irawi nimora tisuabwahai. 22 Abwa bwe huru nanimpu raro bwe makako rane hinontarai bwetaraho Irawi, pateri tutir hanehihyu bwero nuni kon akakar robwenai awbubwit Irawi, impa bwe bo bwa. 23 Bwene abwa timbubwara ro kakopa bwe hanai rane tyoru mora hinontarai bwetaraho Irawi, abwar nanuhara rane epe bwebo onapau dyat bwe pyat ring 100 ,yanehe pya toru 60, yanehe pya ehi heha haura 30. Apotatoa Tutir Nanimpu Bwondi Kont Gandum 24 Yesus pyai bweroan apotatoa pehi naria bwe tyoru me dyonto Swarper rora rani tironi bwe Apotatoa mihihape hinontarai bwera bwe bwubwar piabwa bwe hanai ro romi ne. 25 Mena ro roha kawasa dyena rahime hinontarai pehi dyen dama dyenbwubwar piabwa, nanimpu tate piabwa bwe Gandum bwau me ria. 26 Raka piawa baraya bwekamai bwawarayei nanimpu bwe makako ni tato dyembwabwa rayei. 27 Impa awana mananu bwero romi rani dyautan bwei piawa bwe hanai peno bwubwara ro romi pei rawane me topeno nanimpu bwe makako rawani. 28 I' tito bwe tyoru me dyonto ; ' bwe amoming pehi andi dyona pa impa Awana bwau tintato bwei tironto, topeno antanda antandiruira ? 29 Mena mananu rani dyonto, ' myanda bwa, tutir myanda myanko, han myampatin harat Gandum wane konta. 30 Bhihyen humbabwa kuira kei rakao ha de takaripei wane mora inte bweroana bwe bwubwara, wane tyoru retenan mamuna, myandirur nanimpu bwe makako wani pampon ma myara bwiti myampahini bwe myam parei. Me myandirur Gandum wani ma myampahani apui ho ne katiti Wane. Swarper Allah Mihipe Sesawi Mo Kont Ragi 31 Impa bwe Yesus Bweroan Apotatoa pehe naria muna bwe tyoru, ma dyonto mahihoi Swarper roro rane mihi hape romi ro sesawi mo bwe hinontarai tingko me timbubwararo romi tinembane. 32 Pi mo rani mora bwe haho bwahai bwarihu pitau rane kuira wape raka wekamai bwiwu heha wai rane kuira, me bwe mona ruh impa andobwa bwero rora tindo wa ma imbe nekiraini ro arawan bwane.'' 33 Naria muna Yesus pyar apotatoa pehi bwe tyoru, '' Mahihoi Swarper rora mihihape ragi, rahe bwurbwara pehi tingkoa tirona hua to tyun timbohrirura sukat pe toru rani tintabwarirurei hyua tatepu ragi. 34 Pitau rane Yesus bweroana bwe hinontarai bwe pau ro Apotatoa - apotatoa ro rawau tito bwa bwe tyoru ro Apotatoa. 35 Ro rane, mahiha mantaunto tutir pitau - tau rani awana mananu Nabi timbweroanto. Yau inte hepa hwapani ro Apotatoa - apotatoa Yau inte paya bweroana pitau - tau bwe aniwe ro nuni tipori retenan mamuna tirawieipe! Maz 78 : 2. Apotatoa Tutur Nanimpu Bwondi Kont Gandum 36 Naria muna, Yesus bwiwu bwarihu hinontarai tau rabwau tyoru me hyua to yabwa bwabwei. Inte neromawa anyau tinda hereiya tintato tironto, bweroana tutir Apotatoa nanimpu bwero romi wane. 37 Tito, dyonto hinontarai bwebwubwar awa mo bwe hanai mora : hinontarai antun pai. 38 Kont romi rani imorah. Nuni, me awamo bwe hanai mora romawa - romawa Swarper kont nanimpu bwabwei mora, romawa - romawa bwero awiya bwe marabwa. 39 Maro bwabwe bwubwar rapaino ker bion ha karipa pano nuni kyai wane, bwe karapei paino Andobwa rora yei tyoru. 40 Impa imahiha peno nanimpu bwe tandiruira timpare ro aruntan raro, impa raka ha nuni kyai roranene topana mahikei. 41 Hinontarai antun pai, inte dyawan ne andobwa rorane tyoru tindirur pating kami ha dyaira, kont hinontarai bweon harata bwarihu, riryiawia, marabwa, ro mahihoi Warnus . 42 Kont tingkapipi tyoru to bwawu aruntan bwania rora hara rani bwe roroipano bwor, dye takaki. 43 Ro rabwau hinontarai bwe mahi tingkabwey ha masihape wowani Yai Mahihoi Swarpe. tei dipe ibwetara dyaunpa mora taraho. Swarper Rora Mihihape Robwenai Bwe Aniwa Kont Robwenai Bwe Bwibyeria. 44 Swarper rora kabyeiha mihiha peno bwe aniwa tiraryuta ro romi .....? tiraniwarei naria muna, mena mirarising rohapa ria dyawayang pating pitau nerabwau, dyentabwan, nerabwau, ro rabwawei me dyentawan romi rabwabwei. 45 Naria muna, swaper rora kabyeiha I' mihihape hinontarai bwe abwi bwayana bwera bwekarawe robwenai bwe bwibyeria bwe hanai mantaun. 46 Ro ha dyaryut robwenai bwe bwibyeria ro apa abwibwana bwe tarai, rya dyabwayang pating pitau nerabwau pateri dyentabwayang robwenai bwe bwibyeria ra bwabwei. Swarper Raro Heran Dyonu Dian 47 ''Mahihape, swarper rora I' mihihape heran tamina ro hahi rau raro bwe pipyau dian kuirakei. 48 Rakea heran dyonuto, tiranisi to wondei timahoi tidirui dian bwe hanai bwau to nawan bwau bwape tingki bwe hanai bwabwau. 49 Rane epeno ha apa mahi bwane mora mahihapana, Andobwa rora timati ma tintei bwabwei hinontarai bwe mahi kont bwe mahi bwa. 50 Tingkapipi hinontarai bwe mahibwa bwau tyoru to wabwu aruntan ro rahora rani bwe bwori kont tindye takahi. 51 Myansane tato rane kaitoe? tintato bwei tironto, "Yo" 52 Yesus tito bwe tyoru, ''Topa rabwau pa; bwe hane anyanung tutir Taurat antirepe timahi romawah anyau swarper rora, I' mihiha peno mananu ybwa raro bweong robwenai ro bwe bwa bworu kont bwe tawa ro robenai tau bwero yabwa raro bwabwei. Yesus Tintawanpirei ro Bendar Ryaromabwau. 53 Yesus tito tutir apotatoape kaito, rya nariria muna. 54 v 54Rya hyua ro Bendar ryaro mabwabwei, dyaniau ro yabwa-yabwa ari tinembau impa tintapare me tironto hinontarai rani dyaryut hanai kont paya rane peno? 55 Rani hinontarai bweon yabwa wani antun na? Hinan dino Mariai, kont neta pa tireno Yakobus, Ysusuf, Simon, kont Yudas? 56 Rarwo bwabwin pa tire tindokon tatoru ro manu raro rane? Inte hinontarai rani dyaryut kuir pitau rane peno? 57 Rane, tinsane syunei bwa mena Yesus tito bwe tyoru dyonto ; Hinontarai Mananu, Nabi pehi myeharibwe tinsomi bwa bwaukei bwa bwape ro ryaromabwau kont yabwa raron mantaun Nembwabwei,'' 58 Impa ro rane dyon kamanpe kahira bwa tutir hane tityar pero tyoru bwa.