Herodes Taraho Tirarari Yesusi Vau ¹ Ro hora ravavei, Herodesi ve raja ro huravavei pa, taraho arari tau tiren tarari Yesusi vau. ² titove ne awiwana vau tioru,''Yohanes Pembaptis di rani. tivaha ro ve karya tinu raro impa pi dyonavau api pyori tau pe ro raro. Pi Ve Onamo Yohanis Pembaptis Dyaryut Karirya Vau ³ Pive onamo, Herodesi tipu Yohanesi, dyaviti, tya dyoni hyua ro manu vemamant ravau mora Herodias, Filipus hawani, Herodesi neta. ⁴ ''Kwo herodiasi ve aumo imbe mahi va.'' ⁵ Herodesi dya vuvi de myun Yohanesi menamo, mitai kawasa tau vavei vo tisane tityanei ve nabi. ⁶ mena,raka ha tirensanekakepan hinan mihoituti Herodesi mirarisin, ⁷ Ravau pipora vu vyetu vavei pitohan dievara pa diona. ⁸ Impa, vyetu vavei hinan dyarurei, vyetu vavei dyonto,''wonama ve yau, yohanes pembaptis ryuhinawani vyata ro baki pehi'' ⁹ Raja vavei hanewai pipeya, mena ne papora ona kon hinontarai tau ve ampi kontei vau tyoru, impa dyon awiwana taryai me tirona. ¹⁰ Dia awana me tinkutu Yohanesi ryuhina vavei ro manu mamant wane. ¹¹ Impate, Yohanesi ryuhina vavei timbinti ro baki pehi, tironi ho vyetu vavei impate kyou he hinani a. ¹² Impate, Yohanesi ne romawa anyau vau tioru tindama, tingko nutarai vavei ampate tiratarei, Impate, tinda timberoana ve Yesusi. Roti Rin Tya Dian Koiru Ve Hinontaray Pe Pyarhaura Ve Pyarehi Hehar Rin ¹³ Impa Yesusi taraho pirane, vivu to rawane ro wa, vu nu ve kamau ma mimehari. impa hinontarai tau vau tioru tintarahu rane, tirawarei tinda vou ro tine berar wane. ¹⁴ Yesusi miti ari, re amo ve rirui vau timpau mantaun, haheho tioru, dyon tine huhi vau panang. ¹⁵ De kikyeu rovi to, ne roma anyau vau tioru tindahe Yesusi ma tironto,''Nu nine kamau inte de kikyeu rovito. wawan hinontarai tau ravadya tioru tinda to pandu tau yampa me tiravayan rovean pehe me mantaun tioru.'' ¹⁶ Mena, Yesusi piya ve tioru,''Tindava, myaron rovean pehe ve tioru.'' ¹⁷ Timpaya vei,''Rane tane pieva, roti pe 5 tya dian 2 kei'' ¹⁸ Inte, piyave tioru,''Miangko ravau, he yauma.'' ¹⁹ Impateri, dyawan hinontarai tau vavei mihoi ro nanimpu vau, pate kyo roti 5 tya dian 2 vau, me reto rora yeheia, dyeva kamkat inte dyapo babahu rotin vau. Impate diona ve ne romawa aniyau vau tioru pate ne anyau vau tioru tironave kawasa vavei. ²⁰ Kawasa vavei dyan kuira rao myohi. Impate tindi rui veveho vau,nawang pe haura hehar koiru. ²¹ Veve an vau tyoru andya timbe mawan pe pyar haura ve pyar ehi hehar rin (5000), vavin tinkont romawa vau tioru tirator vami. Yesusi Tiara Ro Hahi Vavon Vavei ²² Yesusi dya vuvit ne romawa anyau vau tioru, tirauta ho wavavei haira tya timpaponei to havarun varuei a, me dyawang hinontarai tau vau timbavu. ²³ Yesusi dyawan hinontarai tau vau timbavu pateri, dyautoiayei to tavui vavei mimehari me tyuwan me kiruna, de kikyeu rovito myehari ro rawane. ²⁴ Mena, wa pei ryo woroi varihu vandei pe to, rarang kipar tyoru tutir tisyor wanang vavei pa. ²⁵ Ro jam pe at rovi ravavei, rya he tioruma, tyara ro dya vavomba vei ma. ²⁶ Impa ne romawa anyau vau tinde hoi tyara ro dya vavo vavei ma, timatai me tironto, ''Wori pai!'' timatai pa tiranana. ²⁷ Mena, Yesusi tito vaha ve tioru, dionto,''myaron myasanewai paya! Rane yau, myamatai va'' ²⁸ Petrusi tito vei,''Varakat, awe ravau mora, wawan yau iraro dya vavoni her au mantu.'' ²⁹ Yesusi dionto,''Ruma!'' impa Petrusi miti varihu wa vavei, me tyara ro dya vavon vavei, he Yesusi a. ³⁰ Mena, de reho wanang vavei, mitai impa de hihar. Dya nanar,''Varakat, ruvaha yau!'' ³¹ Yesusi tyuva varan vau vahai ya, ryut Petrusi, inte dionto,''Hanen tityar vau pa kahira va, to peno vo haneng kikoiru ne? ³² Hundayei hu rauto ho wa vavei, wanang vavei mirin. ³³ Impate, ve mahoi ro wa vavei tintuan vei Yesusi me tironto,''Tarai mantaun, au Varakat antu pe di Au!'' Yesus Dion Kawasa Ve Huhi Timpanan ³⁴ Tintu vara ra, timaran ro nu Genesaret. ³⁵ Kawasa ver ho ravau tyoru tinde veroanei, timpayai venandoana to rahora ravavei kuira, inte tinko vehuhi vau tyoru kuira he Yesusi ma. ³⁶ Tirevara kon Yesusi varo, timbaro tuta ne hasun retepu vau, ma hinontarai vau tyoru kuira vevara tutai pai imbe pinan.