Allah ne Anindera bwe taryai Tyar Aniau Pompon Hionontarai Tirawara ¹ Impate, hinontarai Farisi pe timbe yanehe tya bwe anyau taryai Taurat bweraro Yerusalem tindahe Yesus ma inte tironto, ² Topeno bwo romawa aniau bwau tyoru tindawai kutu anantapumi tine anyau pampon pe ne? Bwo tindoih timbarmi bwami men tiran roti bwau!" ³ Yesus bwe raupui ma titobwe tyoru, ''Topeno bwo myandawain kutu Allah ne aniau bwe trayai bwau me myarawa myane aniau pampon bwa ne? ⁴ Tutir Allah titoma, ''Hwom tamamui tya hinamui, tya tei dipe hyo war taman hinan ni, imbe timuni kirya.'' ⁵ Mena myaronto, ''Tei dipe titobwe tamani ma hinani, pi antarona bwe muru antarona antarensom Allah'' ⁶ Impa I' hyom tama hina huru bwa to. Ro rabwau mora, myan diwan Allah ne raun mamara tutir mintane aniau pompon bwau. ⁷ Mintoru, hinontarai bwe mahi di mintoru bwa, impa mahito anindera Yesaya piyai mintoru bwau; ⁸ Kawasa bwero nurani tisom yau ro tiswapan, me tisanewai ro woroi-woroi bwarihu yau. ⁹ Tintuan tisom yau ro bwe mahibwa tya tirentaniau aninde bwe taryai bwero hinontarai ma. ¹⁰ Yesus, hihau hinontarai tau bwebwe ma tito bwe tyoru, '' Miantaraho tya myansane kakepana ! ¹¹ Pi bwe hua ro tasuapane ko hanaibwa bwe hinontarai pa bwa, bwo pi bwe mati ro tasuapane epe ona mora ehe tisanai ropa. ¹² Yesus ne romawa aniau bwau tyoru tindama tirautani, "Rena, bwo hinontarai tau Farisi tisan syun au bwa pi puya nine? ¹³ Mena, Yesus tito me dyonto, ''Pitantanang pai dipe yai tyanani bwa ro rora bwemamara yehei imbe timbatari a wawari pau. ¹⁴ Miampika tyoru bweaniau bwere mamant tindaruti hintontarai bwero mamant. Impa, hinontarai bwere mamant rirut bwere mamant, hunsu kuira to kamiryei rarombwabwei ya" ¹⁵ Petrus tito bwe I' a, ''Puyai bweroan apotatoa rabwabwei bwe antoru.'' ¹⁶ Yesus dyonto, ''Me myasane aryuta bwami rahi? ¹⁷ Topeno bwo myansaneho tutir pitau bwe hua ro tasuapane, bwia to tasanewai inte tankiya to nyaini? ¹⁸ Mena, pibwe mati ro taswapanne mati ro tasane wai, rabwau pa epeno kohanai bwa pa. ¹⁹ Impa matiro tasanewai tasane tato bwe hanai bwa, mamuni, mai bwabwin, sasar-sasar mamota, manana, arari bwe mahibwa, tyar koryai. ²⁰ Pitau rane epe onamo konanai bwa bwe hinontarai pa, impa tarampi me tandoih tambarami bwa kohanaibwabwe hinontarai va" Yesus Pyatar Bwabwi Kanaan ²¹ Impate, Yesus rya ro rawanema rya bwera to nu Tirus tya Sidon ²² Bwabwin Kanaan bwero rabuyan rabwabwei rima hihau, '' Hanenso yau, Allah Dayt antu! Antu bwabwin mani ryu ani marabwa hyuai hyuhi mantaun. ²³ Mena, Yesus tindama bwabwei bwa, tato puan korisi katebwahai neromawa aniau bwau tyoru dindama tirabwubwitei, tironto ''wawanei rya bwo dyanana pampam ro tangkarupuine roha. ²⁴ Ttoma dyonto, '' Dyawan yau mw bwe domba-domba bwe ro kawasa Israel kei " ²⁵ Impate, bwabwin bwabwei rima, 'tyuan ra hyomo ro aropan bwau, me dyonto, "Bwarakat hanenso yau!'' ²⁶ Mena, Yesus tito me dyonta, ''Hanai bwa tanko romawa tine roti bwau me tankiya bwe wona bwau tyoru.'' ²⁷ Bwabwin bwabwei tito ma, ''Mahi, Bwarakat mena wona bwau tyoru tiran rerawa tau bwe hu ro ne ambe meja wani mabwehu. ²⁸ Impate Yesus tito a bwei, ''Bwabwin pau, nemu hanetityar bwau bwabwa! Tapori to pano bwe hanembe pa." Ro rabwau pa no, antu bwabwin bwabwei pinan. Yesus Dyon Kawasa tau bwabwe Pinan ²⁹ Yesus rya ro rabwauma, rya rurang ruru Galilea horare. Dyauta rayei ho tabwui atyoti pehi mihoi ro rabwau. ³⁰ Impate, hinontarai tau bwabwa pehi tindahereima, tinko hinontarai bwe mampyar, bwe mahibwa, bwere pipu, bwe hwa mamont, tya ehe naria muna. Impate, tiron tyoru timbata ro Yesus ain bwau inte dyontyoru timpanan. ³¹ Impa hinontarai tau bwau tyoru tirapiptpyori bwe tindeho bwebwe hua mamont tintato, bwe mahibwa timahi, bwe mamyar tintara, tya bwebwe repipa rea. Tintuan ma tisom Allah Israel. ³² Impate, Yesus hihau neromawa aniau bwau tyoru me dyonto,'' I' heneho hinontarai tau bwau tyoru tutir tindo kont Yau ha pe toru me tine robwean pe bwa. I' karai yawan tyoru timbabwu pe bwaro tinda ehe tinde kiryari ro rayan' ³³ Ne romawa aniau bwau tyoru tintato bwei, '' Tararyut roti pehe pau pe niyei rabuyan bwe kamau nine tarentaun hinontarai bwe pau mantaun rane tyoru. ³⁴ Yesus dyautan bwe tyoru, ''myane roti pa paur toni ?'' Tintato bwe, '' Itu tya Dian atitui pe yanehe." ³⁵ Impate, Yesus dyawana mantaun hinontarai tau babwei mihoi ro kakopa bwabwo bwabwei. ³⁶ Impate, kyo roti itu tya dian rabwau. Impate, hyomei, pyo baba hua, dyona bwe ne romawa aniau bwau tyoru. ³⁷ Tirampi kuira timohi. Impate, tinko reno tau bwe ho bwau, nawan pe itu onu. ³⁸ Bwe an bwau tyoru timbe pyar ehi bwe haura vekoiru, mawan pena, bwabwin kont romawa bwau tyoru tirator bwami. ³⁹ Rabwau dyawan hinontarai tau bwabwei bwibwu, Yesus dyauta ho wa bwabwei tyar tinda to nu Magadan.