Hinontarai Farisi Tya Hinontarai Saduki Tiratyopa Yesusi ¹ Impate, hinontarai Farisi kon saduki pehe tindama de tiratyopa Yesusi. Tirevara varo Yesusi dyon pi aninyawa vera ro rora vemamara yehei ma tindeho. ² Mena, Yesusi piyaya,''De kikyeu rovi, mya ronto, nu rekarirera vo rora mirou.'' ³ Tya, viarama,'hani imbe wanang viva vo rora mirou kon mamant! myande venandoan rora nuto yei, me myande venandoan aninyawa vero nu vavoni ne va. ⁴ Hiahan ve on syna va ma mamota rani tisuira ve pdaninyawa pehi, me aninyawa pehi tironi ve tyoru va, me aninyawa nabi Yunusi peno.'' Impate, vivu tioru me rya. Piyai Nanuha Aryawin Roti Hinontarai Farisi Tya Saduki ⁵ Romawa anyau vau tioru tinda tindainta ro ruru havarun varuei, tisane paranden tinko roti peva pana. ⁶ Yesusi, tito ve tioru,''Miandeho tya myasane kakepana vu aryawin roti hinontarai farisi kon saduki pa tioru.'' ⁷ Inte, tintato pi ravau ve mantaun tyoru ma tironto,'' Rane vo tanko roti peva pana.'' ⁸ Mena, Yesusi reveroan pin ravau me dionto,''veve hane tityar va pa mintoru, topeno vo myantato ve mantaun inintoru me myaronto roti pe vane? ⁹ Vo mya sane a ho vami tya mya sane paranden roti rin, me nawang toni ve ho me myandi ruira vau? ¹⁰ Vamo, roti pe itu ve hinontarai oe pyarehi ve haura ve roiru, tyar ve ho vau nawang myandiruira vau toni? ¹¹ Topeno vo myansane aryuta vane, i tato ve mintoru tuti roti va? vavo, myasane kakepana aryawin roti hinontarai Farisi kont hinontarai Saduki.'' ¹² Impate, tisane aho, i piyar tisane kakepan aryawin roti va, vavo vu aniyau hinontarai farisi kon saduki. Yesusi Mesiasi Dina ¹³ Yesusi rya rainta ro kaisarea Filipi, dia tan ve ne romawa anyau vau tioru,''Ro hinontarai timpayaya mo, tei dipe romawa hinontarai pai?'' ¹⁴ Tindoar,''Ehe tironto Yohanes Pembaptis, havarun vau tironto Elia, ehe naria muna tironto Yeremia, vamo nabi vau hendina. ¹⁵ Impate, Yesusi diautan ve tioru,''mena, ro mintoru mo, tei di yau?'' ¹⁶ Simon Petrusi rioar,''Au mora Mesias, Varakat Antu ve vihyen!'' ¹⁷ Yesusi titovei,''Timbe kamkat mintoru, Simon Yunusi antu, tutir tarai kon marou pe payai veroan rane we mintoru pa va, vavo yai vero rona vemamara yehei. ¹⁸ Tya, ipaya ve mintoru naria muna mintoru mora Petrus. Ro kami vavoni, imbe i vaun ne pandu tya wande karirya ra vur au ma va. ¹⁹ Imbe yona ve mintoru piryervero to swarper rora ve kanyei ha. Pimpai niyei kurehei nu vavoni pa tinkar rehei ro rora ve kanyeiha yehei. tya, pi pai niyei kuetuei ro nu vavoni imbe mirera ro rora ve kauyei ha yehei.'' ²⁰ Impate, Yesusi piya kakepana ne romawa anyau vau tioru varo timpayaya ve ehi va, ve i mora Mesias. Yesus Piyai Feroan Ne Karirya Vau ²¹ Vahai ro ravau, Yesusi dyanyawa ne ne romawa anyau vau tioru imbe rya kahira to Yerusalem inte draryut piveve mamumbati pe pau raro sinan vau tioru, veve ryuhina ve imam-imam vau tioru veve ryu matiro taurat vu tyoru tato, impate timuni ma tivaha ro ha veve toru. ²² Impate, Petrusi dyaminbe Yesusi to havaru, hyorei me dionto,''Varakat, pievamora Allah dyon piravei ryo woroi varihu au! pirane han auta au vavahai.'' ²³ Mena, Yesusi dyawai veriei me tito ve Petrusi,''Rwa varihu rerone, kerbion diau! Mya ron kami me i hadyaira tutir au hanentato pitau veraro varakat i va vavo pitau-tau veraro hinontarai ma.'' ²⁴ Inte Yesusi titove ne romawa anyau vau tioru,''Ehi de dyawa yau mora, imbe piyai kepan nutarai pei, hiryo aitavaya nemvavei, me dyawa yau. ²⁵ Tutir tei dipe piduru ryu aninu pei pa imbe ryu aninu pai ryo mena, yau yona mo ehi ryu aninu pai ryo pa, imbe dyaryut tei. ²⁶ Apipyori pai niei waryutei tutir nemu pitau verona vavoni, me rya aninu vavei ryo? ²⁷ Tutir romawa hinontarai rima wane via ro ve mamara kaweini tamani kont ne malaikat tioru inte tindama tintawan tuvara taveri ve hinontarai kuira parari pi diona pa. ²⁸ I paya ve mahi mantaun ne ve mintoru, hinontarai pe yanehe ve oha rorane imbe tinda ho karirya wani va kao tindeho romawa hinontarai wani rima ro ne swarper wani ma.