¹ Hape wonang rane ranto, Yesus dyadip Petrus, Yakobus tya Yohanes neta Yakobus dint tyoru tiranta mehari to tabwui bwe taryai pehi. ² Yesus riwang weriutarai ro tiraropon. reng bwau kibyeiha mahi,wo kont hasun bwau bwuha kapiopon mahi kabyeiha. ³ Kaman bwehara Musa kon Elia huntato bwe Yesus. ⁴ Petrus tito bwe Yesus Warakat,hanai bwe tatora rorane pa yau bwauna yabwa pe toru, ehi ro rane bwe au, ehi bwe Musa, kont ehi bwe Elia.'' ⁵ Petrus tito rahi me, mandep rabuyan kabyeiha pehi bwia ma tirai tyoru hindanpui pehi titoro mandep bwa bweira roma dyonto,''rani neram wa haneho mantaun peina bwur I yau hane wihyen myantarahoi.'' ⁶ Ne romawa aniaw bwau tinfaraho tato rane,timatai kao tintuan kao tindihina tia ro kakopa bwabwei. ⁷ Wape Yesus rima au tuta tyoru me tito myaheha myamatai bwa.'' ⁸ Tintapare tindeayei, tindeho piyanehe bwa, me tindeho pano Yesus. ⁹ Timbia ro tabwui abwehu Yesus bweroana bwe tyoru dyonto han myampayai pi bwe myandeho ranewa lao hinontarai antumpai tibwaha ro ayata bwa rihu bwe karya tinuraro. ¹⁰ Romawa anyan tirautan bwei ropenobwa mananu Taurat tinberoana me tiron to Elia andipe imbe pamponpa?'' ¹¹ Yesus tito dyonto,''Elia rima pampan topana bwe pidaduru pitan kuira. ¹² Wape, yan bweroanabwe mintoru tutir Elia rimator bwape tinde bweroanei bwa tiron putan kuira lirentapai kepanei mahi bwe mantanut tinsaneaho,mahihape hinontarai antunpai huhe ruma hiryo bwe marabwato timbara raro.'' ¹³ Impateri ne romawah anyaw tin saneaho tilo bwe tyoru tutirape Yohanes bwe hoib hinontarai. Romawa Pehi Tirihu Awi Koan Bwarihwei ¹⁴ Yesus kont nerowah anyaw tintabweri bwur kawasa bwe paur tyou hinontarai mawang pehi tyuan ro Yesus aropon me dyonto. ¹⁵ ''Bwarakat, hanenso neromawah wani tutir huhi re karirya pa hyuro arontan raro, mara hyuro dyararo. ¹⁶ Ninti he nemu romawa anyawne tyoru mato nena, tironi punang bwa.'' ¹⁷ Yesus tito,''dyonto, mintoru hyahan bwe hane tityar bwa kont bwe mamont! irokon mintoru ka hapai niei muna? myarin romawa wanihe yauma.'' ¹⁸ Yesus tito pibwe awi koan rani miti bwarihu romawah mawang rani, katu enakei me romawa bwa bwei punang wahai. ¹⁹ Impateri romawah anyam bwau tindahe Yesus ma time hari kontei pateri tirautan,''Topeno bwo han antara dyawar awi koam bwabwei bwane? ²⁰ Bweroana bwe tyoru dyonto,''Hanetityar bwero mintoru mintoru bwabwa kahira bwa, vau ibweroan bwe mahi bwe mintoru hanetityar bwero mintoru bwa bwa mahi sesawi mo kei, tuto tabwui rani, rwa bwera bwarihu rane to rawana! mora tabwui rabwa bwei ria wera, ehe han topa myampayaya rabwau bwa. ²¹ Bwape awi koan rani tiradyawari ropano, ebwara kont ebwara ro ampibwa.'' Yesus Tito Tutir Nekarirya ²² Yesus kont neromawah anyaw ne tyoru tindirur ro pehi ro nu Galilea i tito bwe tyoru,''Hinontarai antuni imbe tinlawa to hinontai mimbara rasoi, ²³ Inte tinuni wape tibwaha naria muna ro habwe bwe toru. neromawa anyaw ne tisane papea. Anyaw Tutir Bwibwai Robwenai Bwero Mahihoi Warnus ²⁴ Rahao tinsua ro, Kapernauam, hinontarai bwerirar robenai ho mahihoi warnus 2 dirham dirham pe koiru riahe Petrus ma dyantan ,''topeno bwa ne mu manenu anyaw wani wyait pajak 2 dirham? ²⁵ Petrus dyonto ,''ya.'' Hyuato yabwa rarombwa bwei Yesus tito pampon bwei topano ,''roam hanentatoa topano, simon? rape teini ma war warnus wero nu bwa bwe rani tirewar robwenai pajak? rape antum bwau tyoru ete hinontarai pehe rape ehe bwihyeie?'' ²⁶ Petrus dyonto,''rape ehe tyoru bwihyei,''Yesus weroana bwei dyonta,''topa rabwau mora, antun wane tyoru lingkar. ²⁷ Wape waro tangko hane hihyu bwe tyoru, ruato karihyari twetawharpende bwa bwei a dian bweang retenang paimora wa, hwapan pai waryut pibwi bwai pehi, kwo pi bwi bwai rabwabwera woni bwe tyoru wembaita bwe, yau kant autato.''