¹ Ro ravau, romawa aniau vau tioru tindama tirautan Yesusi,''Tei dipe viva mantaun ro swarper vero rora ve mamara raron manine?'' ² Impate, Yesusi hihau romawa ve haho pehi hereima, impateri dioni mihoi ro tiru rabuyan, ³ Impate tito,''I paya ve mahi ve mintoru, mya maror va ma myampa rari romawa anti tutui ni, mintoru mya sua ro swarper ve mamara raron mani va. ⁴ Tei dipe dyon nutarai tavava parari romawa katuni andipe viva ro swarper raro ve mamara wani pa. ⁵ Tya, tei dipe dya ryut yau parari romawa ve haho kosiri ravadyai ro hanone pa, i dyaryut yau.'' Hane Kakepana Veve On Sasar ⁶ ''Mena, tei dipe dyon anyau pehe vera vu romawa antitui veve roa ho yau ne tyoru ehi pi,myanko kami verami anggur pehi ma tankarehei ro raukaro pai ne tingkou a tisari ro nawanang ve raro mantaun rawei. ⁷ Nuni riope vo pitau ve on ayau pehe vera vero nuni raroni tirena! tutir, ve on anyau pehe vera ravau imbe tirona, mena hinontarai ve ko mavavei imbe ryo. ⁸ Impa varamu ete aimu ete huron au vwe sasar, kutu tya kuya. hanai ve au hua ro vihyen hani tutir ete hwa titua inte varamu koiru aimu koiru, me tikai varamu kabun auto aruntan raro ve mayo va pu yeia. ⁹ Impa, remu mo ve sasar, kurai kuyei. hanai mantaun hua to vihyen wani tutir remumo kosiri, inte remumo koiru me tinki au to aruntan raron puyei a.'' ¹⁰ Miasanekakepana, miasanekakepan romawa antitui vau tioru kosiri va. vo, i paya ve mintoru tutir tine malaikat tau pe tindo di rora ve mamara yehei, tisayo yai ren mane pampam ro rora ve mamara. ¹¹ Vo, romawa hinontarai rima ne to ve de dyon hanai ve hinontarai vera vero. Apotatoa Domba Ve Ro ¹² Ro mintoru mo topeno? Hinontarai pehi ne domba pe pyar rin mena kosiri rya haharata, hinontarai ravavei vivu pyar at hehar haura hehar syu ro tavui wane me rya kirawe kosiri vera haharata wani vae? ¹³ Ria dyaryutei to, imbe i paya ve mintoru, hanewai mirera mantaun vo kosiri veve haharata vavei varihu pyar at hehar haura hehar syu veve rahaharata va vau tyoru. ¹⁴ Topana tato, tamaui veroro rora ve mamara hane awia varo romawa antitui pehi ryo kariria vavei va.'' Tiranyau Hinontarai Ve On Sasar ¹⁵ ''Impa nemeta pehi dyon sasar, rwa wanyau ne sasar vau,au kont ei mu mamehari kei. ¹⁶ Mena, taraho va mora, huhau hinontarai pehi ete koiru ete hun tyar au varo hino huapan pe koiru ete toru ete kont au tato vau mahi. ¹⁷ De tyawan pira me taraho va mora,myampayai veroan pi ravau ve myane mahihoi vavei. ¹⁸ I paya mantaun ve mintoru, tutir pi myaravit ro nuni pa imbe tiravit tato ne rora ve mamara yehei. tyar, pi myanderaho ro nunipa imbe tinderaha ro rora ve mamara yehei.'' ¹⁹ I paya ve mintoru naria muna, hinontarai pe koiru hunsane wai kosiri ho de hureva piyanehe, imbe pi ravau rama ve huru rope yai ro rora ve mamara yehei. ²⁰ Tutir, ro rabuyan hinontarai pe koiru ete toru tindirui ro hano vau pau, i ro tinu rabuyan. Apotatoa Vu Tansaneho ²¹ Impate, Petrusi rya he Yesusi ma dyautan,''Varakat, haneho neta ve on sasar ve yau wani vetoni? Ve itu ete?'' ²² Yesusi piyaya vei,''I paya ve au rainta ro dyat ve vitu va. vavo rainta ro dyat ve pya toru heha haura dyat itu. ²³ Impa, swarpero rora ve mamara tira potatoei topano war warnus pehi dye dyon atator ve ne romawa ve ompi kontei vau tioru. ²⁴ De dyon atator to pe rane, hinontarai ve ne nyaki pe pyar ve haura verin tirinti ma. ²⁵ Tutir viaita baruiha va, ne mananu vavei dyawana varo tiravayanei, vavin vyut vavei kont antun vau tyoru, ma pitau ne ravau kuira, varo tirembait nyaki vau. ²⁶ Pamora, ne ve ompi kontei vavei hyom ma tyuan ve mananu vavei, dionto,'Wanona vo inte ivait pi ravau kuira vu au.' ²⁷ Impate, mananu vavei hanehoi, tya pikarei rya, hanehoi ho nyaki vau. ²⁸ Mena, hamba vavei mitia dyaryut hamba pehi vihyei vene nyaki dinar pe pyar rin vei impa tipuri me kindotari me dyonto, vwait ne doi wevara pe!' ²⁹ Impa, hamba vene nyaki ravavei tuan na hiomi dievara, dionto,'wanana vo inte ivait pitau ravau kuira ve au.' ³⁰ Mena tyawam pira me kyou a hya ro manu ve mamant kao vyait ne nyaki vau kau kuira. ³¹ Hamba-hamba vau ehe tyoru tinde pi ravau, tisanewai papeya tya tindama tipayai ve roana ve ne mananu vavei tutir pitau ra vau. ³² Impate, mananu vavei hihau hamba retenang vavei ma tito vei,'Au hamba ve hanai di au yapotetau nemu nyaki pe kuira tutir we vara kont yau. ³³ Topenovo nemu hanaima hanenso nemu hamba mantaun mintoru va ne, parari yon hanai ma haneho ve au?' ³⁴ Ne mananu kihyou mantaun, dyoni vu veve rarepa vau tioru keao timbait nyaki vau taveri kuira. ³⁵ Yai ro rora ve mamara tato dyona mahiha ve au, vo myansane ho mya neta vavei ro myansane wai vau va.''