Aniau tutir Bwebawut Bweketua ¹ Ro ha Yesus tito-tato rane ra kai, I' tipot ro Galilea to nu Yudea, ro habwaru dya Yordan. ² Inte, hinontarai tau bhabha tiruharei, kont dyon tyoru timpanan ro rawane. ³ Hinontarai Farisi timbe yanehe tindama bwe Yesus tirautan bei, '' Tohante mahi bwe mawang bhe kyetu hawa byut nipa bwero nemu mahi bwau tarai ne bwe mahi bwa bwau?'' ⁴ Inte, Yesus tito bwei kont bweroana, ''Impa au hubyai bwa andi, dyong tyoru retenan, dyong tyoru bwe mawan kont whawhin, ⁵ Inte dyon tato bwe mahi, interi mawan wha whei whiwhu taman kont hinani, ma whe korisi kont hawani, interi huru humbekorisi? ⁶ Who, tyoru timbe koiru wha, who korisi. Impa ro pi bwebwe Allah, pyam bwe korisi han hinontarai pehi dyona wihihyei pe.'' ⁷ Tyoru tintato whur Yesus, ''Impa, topeno Musa bwe parentah kont andyaun bwe ketuwa ho tansawami? ⁸ Yesus tito bwur tyoru, "Myasane matitui, Musa hane wihyen mintoru myampikah myasawamu. Whape terenang pe toparane wha. ⁹ Impa Yau ipayaya whe au teidepe bwe cerai hawawi, ibwo dyon mai, impa bwibwut kont bwabwin ro eh, inbe dyon mai. ¹⁰ Romawa bwe awarei bwau tyoru tintato bwei, ''Impate parari pi rani mambe mawan pehi kont hawani, humbe nikah bwa kei.'' ¹¹ Inte, Yesus tito bwe tyoru, ''Hinontarai kuiora han tiraryut tato rani, bwa pe ehe tyoru tiraryutei. ¹² Bwape, hinontarai pehe timbwa bwut bwa ehe bwau tira bwin ro beraro hanewai , kont ehe bwau hinontarai bwebwe bwawut pehe bwa kont ehe tyoru tirabwin bwa ro mantauni ro mahihoi swarper tei dyaryiut kont tintaraho pirabwau bwihien I' taraho. Yesus Kont Romawa - Romawa Antitui ¹³ nariamuna timbe yanehe romawa antitui tingko bwe I' bwaro I' dyaryiut dyon bwaranwau ro rabwau romawa - romawa bwau kont bwe sambayan bwe tyoru mena rabwau romawa - romawa bwe dyaniau tisor hinontarai - hinontarai rabwau tyoru. ¹⁴ Muna ro, Yesus tito, '' bwebihiein romawa - romawa antitui bwau han miantarai tyoru tindama bwe Yau ro mahihoi Swarper bwani yon bwe hinontarai - hinontarai bwe topano romawa antitui bwau tyoru.'' ¹⁵ Ro rabwau Yesus dyon bwaran bwau ro bwa bwo romawa - romawa rabwau tyoru I' ryia bwero bwarihu rabwau. Topeno Tarayut Bwihiein Woroi Ne ¹⁶ Naria muna hinontarai pehi ryia bwe Yesus kont, dyautan, mananu aniau, tohan hanai bwe yona imbaro dyaryut bwihiein bwe woroi ne ? ¹⁷ Kont, Yesus tito bwe hinontarai bwawei '' topeno au bwautan bwe yau tutir bwe hanai ne ehi bwau korisi bwe hanai muna ro au muaya hua to raro bwihiein, bwawara mahi anindera - anindera bwau. ¹⁸ Hinontarai pehi dyautan bwe Yesus '' anindera bwe topano '' Yesus tito bwei, han mimunabwa han yon marabwa han munanawa han bwona tobwa. ¹⁹ hyumbwe tamamui kont hinamui, kont hanenso bwe nemu hinontarai bwero nuntarai mantaun bwau mamehari. ²⁰ Hinontarai bwaworu bwabwei tito bwei " ro rabwau kuira yona yabwara mahiha tohan bwe piyaya bwane. ²¹ Yesus tito bwei muna au muaya ro pyomi rua kont bwawayan nemu kuira rua au bwau muna bwona bwe hinontarai bwea bwa bwae kont au nemu mantaun nemu pa robwenai ro mahihoi tariai, kont ruma Yau. ²² Muna ro hinontarai bwaworu bwawei taraho tato rani I' bwiwu tutir hanewai bwe - bwe nuho bwei I' bwo robwenai bwau pau. ²³ Naria muna, Yesus tito bwe romawa - romawa dyaniau bwau " Yau bwero anapa bwe mahi ne bwe au, haseunt bwe hinontarai bwe robwenai tisua to raro mahi Swarper. ²⁴ Naria muna, yau bweroana bwe au bwe hanai pano bwewaworu bwe kapu piaun Unta bwe ryia kutua kamiryei antitui bwero hinontarai ro bwehanai tisua to raro Swarper Allah Bwarakat. ²⁵ Muna abwana romawa aniau tintaraho tintato bwau tyoru tintara pipyori, kont tintato, interi tei bwihien pa. ²⁶ Hayo tyoru muna Yesus tito, kont hinontarai, rorane hanai bwe kont Allah Bwarakat, kuira ro rabwau bwahai. ²⁷ Petrus tito bwe I', myandeho antoruto naro nabwata pi kuira kont tirabwara Au roro nuni bwe - bwe bwaworu muna ro bwe nararyuta ne. ²⁸ Kont Yesus tito bwe tyoru, Yau bweroan bwe mahihoi ni pa bweau ro au bwe abwara pa Yau ro nuni bwe bwaworu, muna ro rabwau hinontarai timahoi ro kadera bwea bwa bwane, Au muna bwe mihoi ro bwawo haura hehar koiru kadera bwe Menghakimi bwe - bwe haura hehar koiru Suku Israel. ²⁹ Kont, ro hinontarai bwe ona mantaun yabwa raro bwabwin, ne Yai ne Hina romawa - romawa, bwe - bwe ro romi ro bwahan nene bwe ariuta pia ring ro tinkapara kont bwe anarona robwenai bwihiein woroi. ³⁰ Hinontarai bwe paur bwe pampon ria bwe pipui, kont bwe pipui ria muna bwe pampon.