Apotatoa Tutir Bwe On Romi Anggur ¹ " Tutir Swarper rora morta mihi hape bwene romi impa bwiarama piarunang mora ria rehahe weonpi bwei ro neromi Anggur. ² Rorane muna tinsanetato apa bwiwai wero hapehi mora.....?pehi dyawan tyoru to ne Romi Anggur bwawei. ³ Retato bwo tiri bwe toru ria reho ehe tyoru mo tiroha tironpampinomi rahora kawasa bwepau. ⁴ Impa tito bwe tyoru dyonto : mintoru tato myanda romi Anggur wani tohan tepe mahi bwe ebwara yona rawau tinda. ⁵ Naria muna atora wo tiri bwe wonan kont tiri muna syu " kont ria munara dya bwa bwe mahi. ⁶ Naria muna atora tiri naria muna bwe haura heha kosiri ria naria dyaryut ehe tyoru tiroha pampinoma hane mahi. ⁷ Rane tintaraho naria muna tutir ehe tiron hora pe he bwe an torubwa bwene romi tito bwe tyoru, myanda tato to romi Anggur wania. ⁸ Raka de robwi to bwene romi rani weroana bwe neasisyonan huhau rirur bwerewari romi mi tyoruma bwai tine karora rua ro bwe karumpui kao bweretenan. ⁹ Bwewe tirawana bwe on piro atora bwe taribwe tari ryiepa bwe haura heha kosiri tirendama timbai dinar 1. ¹⁰ Bwe tirawana weompi retenan tirendama tirombareto imbe tiraryiuta pau hehara wape rawau tyoru tato ehi ne dinar 1. ¹¹ Tiraryut bwibwai tato tirautan nindiwan bwe romi ni. ¹² Tironto hinontarai bwe hua pipui tyoru tirompi ro atora kosiri kei me wona bwe tyoru mahi antanene, antarepe antarompi woryata ro hatantenang pehi. ¹³ Wape weneromi rani tito me bweroana bwe tyoru ehi, dyonto neta yau yong harata pehe bwe mintoru bwa turir tantatoro to ho dinar kosiri. ¹⁴ Kwobwibwai nemu rane me rua, wape de yona bwe bwepipui bwahai rani mahi myanembwau. ¹⁵ Rane mo mahi pe ho yau bwa bwe yento pitau kuira bwe hane bwe tutir pirane ? ete rengmara bwa tutir hanai. ¹⁶ impa bwe pipui imbe tinda timpampon me bwe pampon imbe tinda tinpipui. Yesus Tito Muna Tutir Nekarirya Bwau ¹⁷ Ro ha Yesus riato Yerusalem, ria tutir ne romawa aniau bwau haura heha koiru rane tyoru wihihyei. Ro rayan tito bwe tyoru dyonto, ¹⁸ Myiandea rane tanda bwur Yerusalem me hinontarai antu tintawanpirei tironi bwur Mananu imam kont ahli - ahli Taurat imbe Hukum ro karirya. ¹⁹ Muna tintawan pirei bwur bomu - bomu pinoma, timpayai kakihei tindepahi kont tironi ro aitabwaya ro ha bwe toru tironi tiwaha. Abwibwebwara Zebedeus Minani Bwur Antune Tyoru ²⁰ Impateri Zebedeus antune tyoru kont hinani tindiruir kont tirantumi tindeho Yesus ma tintuan tinsyom tirewar piyanehe bwe Yesus. ²¹ Rawau, Yesus tito bwe tyoru tohan myansanebweine ? Hinani wawana waro ne romawa kuira ne huru dyowatan ehiro habwaru mambarasar. ²² Wape '' Yesus tito, mintoru myambekyain bwe myarebwara. Han myampaya myarunung cawan bwebwe yunun wani. Tintatobwe Yesus tironto Ya anampaya.'' ²³ Yesus tito ma piya bwe tyoru : Mintoru imbe myarunung ro cawan bwe yununi wape bwe myamahoi ro dyobwatan mambarasar rane yau yonapa wa wape bwur bwe Yai, mantaun dyona ibwe wane tyoru. ²⁴ Impa romawa anyau bwau timbe haura bwe ho ne tyoru tintaraho tingkayou tineta koiru rane huru. ²⁵ Wape Yesus hihau tyoru bweroana myandehoto Mananu Warnus bomu - bomu kawasa ehe tyoru mantaun tintara tintato ho tine hinontarai tirawarape mahihoi tine. ²⁶ Rane han roro mintoru bwape teidipe bwibwa ro manurarompa, mora bwe awiwawana bwe mintoru. ²⁷ Impa teidipe hane bwe ryo retenan ro mantaun mintoru mora 1 imbe bwe Mananu. ²⁸ Mahiha pe hinontarai antumpai bwe rama tandewaria bwa wape andi rewari tatoru pa kont dyon hanenpauma ryoihi teta bomu kawasa bwe pau. Hinontarai Bwereabwa Tiron Panang Bwe Huru ²⁹ Raka tindebwarihu Yerikho, bomu kawasa tau bweari tirawarei. ³⁰ Hinontarai koiru bwereabwa rane huru humahoi ro rayan bwau dye huntaraho Yesus rima kyara, anto hunsahau Bwarakat , Tuhan, Daud, antu hanenso antoru" ³¹ Kawasa bomu tau rawau tyoru, tisor huru bwaro asihi huru mena pyebwa hunsahau hundaupui auta to bwabwo Bwarakat, Tuhan, Daud, antu hanenso antoru! ³² Rawau Yesus Riara me hihau huru me tito : Tohan musane bwene yona bwe murune? ³³ Huntato me hurebwara bwei me huronto : Tuhan, antarebwara waro anandemone tahew. ³⁴ Yesus haneho tyoru dyakama tyawan tindemo bwau ro ha rabwabwei tato tindemo bwau tahew tindea tirawar Yesus.