Yesus Tiramani Mahiha Pe Warnus ¹ Ro rane tyoru tingkikieu Yerusalem kont rainta ro Betfage, ro tabwui Zaitun, Yesus dyawan Hinontarai kuira ro ne romawa dyaniau ; ² Tito bwur tyoru " mianda to pandu we ro myaropon, kont mintoru myararyut Keledai pehi tingkari kont romawa Keledai kontei myan ketu kareha bwau kont myangko bwur yau. ³ Rorane hinontarai tito piehe bwurei, mintoru ma miantato " Tuhan Dyawara kont I' nuraro dyanata.'' ⁴ Rorane bwe jadi imbaro mahi bwur we timpayaya we Nabi. ⁵ Tato bwur bwabwin Sion, Mindiam Warnus rima bwur au, hanai tabwa bwa, kont dyawar Keledai pehi. Ro kapu Keledai bwabworu, romawa bwabwei Keledai mambat. ⁶ Romawa aniau bwa tinsarea kont tiron mahiha pe we Yesus we Perintahkan bwur tyoru. ⁷ Tyoru tingko Keledai bwabwei kont romawa Keledai bwabwei hasun rabwau tirona bwata ro bwabwo Keledai - Keledai bwau maro rane Yesus muhoi ro bwabwo. ⁸ Ro habwaru bweabwa ro hinontarai bwe paur tindurikehan hasun - hasun bwa ro rayan kont ehe tyoru tingkakutu ai kakauri ma tinsepara ro rayan. ⁹ Hinontarai timpau tintara ro rayan topon, kont tintaweri ma tinsahau, hosana bwur anak Daud. Bwaratarai wewe I' bwe rama ro hano Tuhan.Hosana ro rabwan wewe taryai. ¹⁰ Ro rane Yesus hua ro Yerusalem, bendar raro kuira marising tirautan tedyam pi ?'' ¹¹ Ro rane hinontarai tau bwau tinta, '' I' bwo Nabi Yesus ro Nazaret ro Galilea. Yesus Riohi Yabwa Allah ¹² Ro rane Yesus hyua to Yabwa Allah kont dyadyawar hinontarai wewe abwibwayana ro yabwa Allah. Ro raw tiawan bwabwa ria kamboi tirentabwayang bwau, ma wewe tirendiwan dai kont kadera tine we tirentabwayang andowa mandun. ¹³ I' tito bwe tyoru, " Ro ni bwiui yabwa rani yau ma rane yapo bwei yabwa sambayan, rorane mintoru kao muntaur bwe manana. " ¹⁴ Ro rane hinontarai we reabwa, ma we mampiar tindama bwur reima yabwa Allah. Ro rane dyon panan we tyoru. ¹⁵ Ro rane we para imam kont ahli - ahli Taurat tindeho Mujizat - mujizat wewe Yesus. dyona kont romawa tindeho ma tinsahau to yabwa Allah bwero '' raro '' Hosana bwur romawa Daud tingkikieu. ¹⁶ Ro rane tyoru tirautan bwur Yesus " tohan te au taranso ma timpaya bwur romawa bwau tyoru ne ? Ro nine Yesus tito bwe tyoru, '' Ya, '' mintoru myandeweroan ma bwa, ro huapan romawa antitui kont romawa bwebwe unun huhu. Au bwo sansom bwe mahi bwur nutarai mamehari.?" ¹⁷ Ro rane Yesus bwibwur tyoru kont hirea ro bendar bwau bwur Batania kont bwe robwi ro rawane. Yesus Dyauwa Kuasa Iman ¹⁸ Ro rane, ro bwiarama hani, Yesus tibweri bwur bendar I' bwiribwang kao. ¹⁹ kont, ro rane reho Aii Ara ro rayan dye bwau, ria bwurei kont dyaryut pikatu yanehibwa, ro rabwau andyaun mehari kont, tito bwur Ai bwabwei " Au han bwebwon bwabwahai ro au roranema kao woroi - woroi.'' ro rawau tato, Aii bwabwei miaha. ²⁰ Ronine romawa dyniau bwa tyoru tindeho rabwa to, we dyaniau bwa tutir tirapipiori ma tirautan, topeno bwo Aii Ara wani muaha taparire?" ²¹ Kont tito bwe tyoru ro rane mahi mantaun Yau itato bwur mintoru , ro rane myararyut Iman kont myansene toriru bwa, me bwe aut pi bwe - bwe tirona bwur Aii Ara rani, imbaromi mintoru myantato bwur tabwui rani, tinpatin kont kiar to nawanan bwe raro. ²² Kont pitabwui kuira bwebwe mirebwara ro sambayan raro, titiar, mintoru. Mananu Yehuda Hane Titiar Bwur kuasa Yesus ²³ Ro rane Yesus hiua ro yabwa Allah, para Imam kepala kont asina kawasa Yehudi tindama bwei mena I' bwo dyaman bwur pitaur rane ne ? Kont teidipe dyona bwe au kuasa ? " ²⁴ Yesus tito bwe tyoru " Yau tato bwaro yautan hal kosiri bwur rau, Rorane mintoru myampayaya ne, Yau yon rane kuira. ²⁵ Kont, topeno bwo Yohanes bwe sarani ne ? ria pe rora bwur hinontarai ne ? kont tyoru timpayai bweroan bwur tyoru kont tyoru mehari. Tironto, rorane anantato ma antaronto " Ro Rora ; I' ibwo tito, rorane bwo, topenabwa tintato ro myansanebwai titiar bwur Yohanes, bwa ne? ²⁶ Rorane bwur, antoru bwur anampaya, Rane rape hinontarai, anamatai bwur hinontarai paur maro rane tyoru kuira tironto Yohanes ibwo Nabi. ²⁷ Ro rane tyoru tintato bwur Yesus '' antoru antamahi bwei bwa " kont, Yesus tito, '' ro nine Yau tato payai bweroana bwa ro Kuasa paine dyon pirane kuira ne '' Apotatoa Romawa Pe Koiru ²⁸ Ro rane, tohante hanentatoa ne ? Ro rane hinontarai pehi ne romawa mawan huru kuira, I' ria bwur bwe - bwe retenan kont tito' Romawa pa au, rua kont bwe Kerajaan ro ha ni ro romi Anggur. ²⁹ Kont, I' tito, Ya, Yai, Rorabwau kait iria bwa. ³⁰ Ro rawabwau tamani ria bwur bwe - bwe koiru kont piyai tato bwe - bwe mahi. Rama bwabwei tito, bwe tamani, I' karara ; rorabwau I' hane hisu kont ria. ³¹ Tohan dipeno mo romawa huru hurawar tamani ne ? " tyoru tintato bwe repa". Yesus tito bwur tyoru mahi ro rane, Yau ipayaya bwe mintoru bwo bwera bweriri pajak kont bwe - bwe ..... ma tisua to raro Kerajaan Allah tyoru pampan. ³² Maro rane, Yohanes rima bwurei ro rayan bwe mahi topana kont mintoru mia sanetitiar bwa ro nene, bwe ra bwari bweruri pajak kont bwe - bwe ro bweandiriainta tinsane titiar bwureipa. Kont, mintoru rani myandeho ma rane myan sane hihu ma rorane mintoru myan sane titiar. Apotatoa Tutir Bwene Kont Hoaha Piira Romi Anggur ³³ '' Mintarama apotatoa bwe bwihiei. Ro rane bwane romi tianan romi pehi romi Anggur, kont tiamu bwawari, kont timbai rabwan tirenkuhar Anggur, kont teinduwara Menara ro rane, I' haha pira romi Anggur bwur we andami pehe tiaro kont I' tiput to wondy. ³⁴ Ro rone marep aiboi rima, I' dyawan awiwana bwau tyoru bwur bwe - bwe retarai kont ryut bom bwau. ³⁵ Kont, bomu we au rani tintapur bomu awiwana rabwaukont teidipe ehi, ma tiraun ehi, kont ehe tyoru tinso tyoru ro kami. ³⁶ Naria muna, bwene romi bwabwei dyawan ne awiwawana bwau ehi, ma timpaur hehar warihu bwe - bwe pampon bwau tyoru. Ro rabwau hinontarai bwe - bwe retarai romi bwabwei tiron pir mahi bwe pampon pe. ³⁷ Repa bwe - bwe ne rani rabwabwei dyawana romawa pehe tyoru muna bwur tyoru dyonto, tyoru tinsom ne romawa bwa bwei. ³⁸ Ro rane we, awana romi bwabwei reho romawa, tyoru tato rorane mintoru mimehari I' wo ahli waris, myandama tamuni ma tingko ne hak waris ne ? ³⁹ Ma rorane tyoru tintapuri romawa bwene romi bwa bwei tinsahabwei to wondiriabwarihu romi Anggur kont timunito. ⁴⁰ Ma rane bwene romi Anggur rima tohan tepe mironane bwur bwene romi ne tyoru. ⁴¹ tyoru tintato bwurei, " I' ro rane Membisakan hinontarai bwe mahibwa kont mahi bwa tato kont bwiai pir romi Anggur bwur romi - romi ehe tyoru, ro rane kont dyona bwur kont aiboi - aiboi kont kamkat." ⁴² Yesus tito bwur tyoru, tope bwo tintaraho myander bweroan Irawi bwae ? kami bwe tingkia tukang - tukang bwaun rabwau bwe kami penjuru ro neni ra bwur Tuhan, kont rabwau bwe ajaib ro remo tane'? Mazmur 118:22-23 ⁴³ Rorane Yau tato bwur mintoru Kerajaan Allah ro nine tingkau bwarihu mintoru, kont tiraman bwur hinontarai bwe - bwe hani ro aiboi bwau. ⁴⁴ Kont, tei dipe hyiu to kami bwabwo bwaune timbahu ker antitui, Kont tei tironi tumpuk kami ro rane bwe remuk''. ⁴⁵ Imam - imam kepala kont hinontarai Farisi tintaraho Apotatoa, tyoru tisaneaho bwur Yesus ro tato kont tyoru. ⁴⁶ Interi ro rane, tyoru tinsura ma tingtapur Yesus, timatai bwur hinontarai paur bwe hinontarai paur rabwau tironto bwur Yesus bwo Nabi.