Apotatoa Ve Hinontarai Tinsahau To ¹ Yesusi titove tioru ro apotatoa pehe ve tioru, dionto, ² ''Swamper vero rora ve mamara wani timpayayei pararia pe warwarnus pehi dion munara veve vavut vu antu mawan vavei. ³ Djawan ne hamba vau tioru tisahau kawasa de ve rama ro munara vavei, mena tindama va. ⁴ Pa mora, wawarnus vavei dyawan hamba pehe timbihyei muna, dionto,''Myampayave ve tasahau wane tyoru, miandea, yon rovean pe a manyena to. Lembu mawan pehe, tya piaun veve pimpyuni pitau ravau tintota to, ra manyena to. myanda to ani vavut ni ma! ⁵ Mena, tindoar ho vame tinda, ehi rya to romi wana, ehi tinda to pi tirona wanea. ⁶ Ehe tyoru mora tintapur warwarnus ne hamba vau tioru, tya timun tioru. ⁷ Impa, warwarnus vavei kihyou, dyawan ve rut apai pe tyoru tinda timun veve mamuna vau tioru, tya timpare tinde bendar vau. ⁸ Impate, piya ve ne hamba vau tioru,''munara vavud pei mihyena to mename ve tasahau vau tioru timahi tasanewaine va. ⁹ Impa, myanda to rayan-rayan ve vava wane tya myan sahau hinontarai tau myararyuta pai tinda to munara vavut ni ma. ¹⁰ Impa, hamba vau tyoru tindato rayan wanea, tindirui hinontarai tau ve tiraryuta ve hanai tyar veve sasar. Ma rahora vavut ryo ro vavei dyonu tutir ve ve tisahau vau tioru. ¹¹ Mena, de warwarnus hyua ra dyaryut ve ve tisahau vau tyoru reho hinontarai pehi ro ravau, hisun hasun veve munara vavut va. ¹² Titovei,''Maneta, topenovo hua ma rwo rane me husun hasun munara vavut va ne? Hinontarai vavei asihirei. ¹³ Impate warwarnus vavei piyame ne hamba vau tyoru,' miankamin varan tya ain pa, myan ki yei to mamant ria. Rorawane vori kont aruntan ve ve mas. ¹⁴ Tutir, tisahau veve pau ma, me tiriria katehe kei. Ve Ve Ryuhina Ro Yahudi Tisane Awia Ve De Timpayai Angkar Yesusi ¹⁵ Impate hinontarai farisi tinda tinkikui vari timpayai angkakar Yesusi ro ne tato vau. ¹⁶ Tirawan tine romawa anyau vau tioru tinda he Yesusi a, tinkont hinontarai herodian. tintato,''Aninyawa, antan de ho to au muhi tyar wanyau Varakat ne rayan vau ro ve mahi, mutai ehi va tutir renso hinon re va. ¹⁷ Topa namo, puyai veve hanen tatoa vau ve antoru, impa mahi e, tambai vivai vu Kaisar ete piyaevae? ¹⁸ Mena, Yesusi reho tine hanaiva vau impa dionto,''topeno vo mya ra tyopa yau ne, veve on be venu kyain? ¹⁹ Myaranyau doi ve myarembaita ve kaisar pa ehi ma. Impate tiron dinar pehi hoi. ²⁰ Inte titove tioru,''Tei ne ren kon vui rani?'' ²¹ Tironto,''Kaisar '' Impate, Yesusi titove tioru,''To yampamo ra, myambaita ve kaisari pi kaisari nembau, tyar ve Varakati pitau varakat nembau. ²² Tintaraho ravau, tira pipyori tyar tinda timba vuvei. Hinontarai Saduki Tisane Awia Vu Tirenpayai Angkar Yesusi ²³ Ha ravavei ranto, hinontarai saduki, ve payai veonto tavaha ro karirya pe he va, tinda he Yesusi ma tirautani. ²⁴ Tironto,''Aninyau, Musa dionto mawan pehi kirya me ne romawa va, neta mawan pehi imbe vyut hawani varo ne ai wavin ve neta ve karya vavei. ²⁵ Rane, mambe neta pe antambe itu. Veve retenang vivut, ma kirya me ne romawa va, vivu hawani vu neta vavei. ²⁶ Topa ravau vu veve koiru vavei , ve ve toru, keao veve itu vavei. ²⁷ Ravau tingkai kuira, vavin vavei tato den karya. ²⁸ Ha ve tantavaha wani, vavin vavei ve hawa ve teini ro mambe neta itu ravau tioru ne? tutir timbut kuirei .'' ²⁹ Impate Yesus tito ve tioru, miasane kyain, mya sane hanuhar raun mamara vavei va ma Varakat ne paya vau va. ³⁰ Tutir ha tantavaha wani, timbavut ma ehe timbut tioru va, vape timparari malaikat tau vero rora ve mamara yehei. ³¹ Mena, vu hinontarai ve karya ve tavaha, myaratatora pi ve Varakat piya ve mintoru pe vami e? ³² ''Yau Varakat Abraham, Varakat Ishak, tyar Varakat Yakub? I varakat ve hinontarai ve karya va, ive Varakat ve hinontarai ve vihyen. ³³ Hinontarai tau pe tintaraho pi piyaya ravau, tira pipyori ho ne anyau vau. Aninyawa Ve Taryai Pai Nieyei Pimpone? ³⁴ Mena, hinontarai farisi vau tintaraho Yesusi dion hinontarai saduki vau timohoi asisira,impa tindirui. ³⁵ Impate, tioru ehi, hinontari ve anyau taryai ro aninyawa tarpai Taurat, dautan Yesusi ma dende tatoei. ³⁶ ''Anyau, aninde painiyei pimpon ro aninde ve taryai ro Taurat ne?'' ³⁷ Yesusi tito avei,''mya som Varakat Allah ro myasanewai kuira mantaun,hyan tyu aninyu pai kuira, tya pi mia sanetatoa pa kuira. ³⁸ Rani awiwana ve vava tyar veve retenang. ³⁹ Veve koiru paino nini,''mya saneho hinontarai kuira parari hanenso nuntarai nemu vavei. ⁴⁰ Ro awiwana koiru rane huru, aninyawa Taurat tya raun vui nabi wane ra penama. Autan Tutir Mesias ⁴¹ Ravau, hinontarai farisi de tinkikui tope rane, Yesusi dyautan a ve tioru, ⁴² ''miasane tatoa tei dipe Kristus? tei antu ravavei? ''tintato, Daud antu. ⁴³ ''Varakat tito ma ve ne mananu ⁴⁴ vadyai,''Muhoiro ne havaru dyovatan ke ao yon nemu marova vau tyoru timohoi ro ai mu vau vava? Mazmur 110:1 ⁴⁵ Impa Daud dyahan Kristusi ve 'mananu' tope novo I Daud antu dina munane?'' ⁴⁶ Ehi titoma piyai tato puan kosiri ma vei va ro ha ravavei, hinontarai pehi ve mambiri ma dyautan autan tau ravau vei muna va.