¹ Yesusi via ro tavuti atyoti vavei, kawasa tau veve rirui vau tio ru tirawa rei. ² Inte myandea,hinontarai ve huhi pihararepa pehi rya vu reima, tyuan ro aropan vau me tito, ''mananu pau, muayamora,wupi tetau yau.'' ³ Impate, Yesusi tyuvar varan pa a me ryuti, dionto ''imaya, matita'' ravau pa no,huhi pihararepa vau matita varihu hinongtarai vavei pa. ⁴ Yesusi piyaya vei,''Hanengkakepana, warari piehepe hinontarai pehiva, me rwa, wanyau au ve imam, won samsom veve Musa dyanindera pa ve aninyawa ve tioru.'' Verut Apai Taryai Romawi Ne Awaina Pehi Dioni Pinan ⁵ Yesusi hyuato Kapernaum, veve vava verut apai pehi rima ve I, tyuan me dyevara ve i, ⁶ dionto,''Mananu pau, ne awiwana pe vyata pyayar manu wane, tikipar mantaun.'' ⁷ Yesusi titovei,''Ira mantu rahi inte yoni pinan.'' ⁸ Mena, veve rut apai ve taryai vavei dyonto,''Mananu pau, i mahi auva, ve hua manu ne wani pe, impa tuto tato puan kosiri key me ne awiwana wani pinan. ⁹ Tutir yau tato iroro dipe veretariryaine timbara vava, kont verut apai vero vara vava ne tyoru. I paya ve ehi,''Rwa, imbe rya, tya rawani, ruma, imbe rima, ne awiwana pau, won pi nini, imbe diona.'' ¹⁰ Yesusi taroha tato rani, dyapipyori me titove kawasa ve awarei vau tioru,''I payai ve mahi mantaun ve mintoru, yaryut hanetityar veve vava pehe torane ro kawasa Israel ne tyoru vami. ¹¹ I paya me mintoru veve pau pe tindama pa, veraro muran tyar vaya, timahoi tirampi kont Abraham, Ishak tyar Yakub ro rara vemara. ¹² Imbe romawa warnus vau tioru, tinki tioru to rabuyan veve mamant mantaun wani. ro rawane, imbe tiraryut vori tiraryut aruntang vavei.'' ¹³ Yesus titove verut apai taryai vavei,''rwa, imbe waryuta parari reve myansanetityarapa.'' Ro ravau pano, awiwana vavei pinan pa. Petrusi Neoni Hina Tyar Kawasa Mehuhi Dion Tyoru Timpanan ¹⁴ Yesusi rima hyua ro Petrusi manu mempai, reho Petrusi neoni hinani viata vo mias pa. ¹⁵ Impa, Yesusi ryut vavin bavei varan bau, mas vau vavurei Impate, pinan tivahama tyora kikes Yesusi. ¹⁶ De kikyeu rovito, tirint hereima kawasa veve huhi pikankoan pe timpau, dyadyawar pi kankoan vau tioru ro tato puan kosiri, impate kawasa tau veve huhi vau tioru timpanan. ¹⁷ Imbaro pive Nabi Yesaya pe mahi: ''Andi pe kyo tane payava ne pa tyar hiryo tane huhi tau ne pa'' Yesaya 53:4 Tambe Hinontarai Veve Awar Yesusi ¹⁸ Rorane, Yesusi ro amo kawasa vau tiroha wariei, diawana me tintuvara to havarun varuei a. ¹⁹ Impate, hinontarai veretatir taurat pehi rima dyaryutei,''Aninyau, de yawar au hu painiei di pe rwampa yawar au.'' ²⁰ Yesusi titovei,''wona nuraro ve barui tine kamiryei tyar andova vero rora tine karain pepa. Romawa hinontarai nivo ne rabuyan pehe diena rova.'' ²¹ Ne romawa aniyau vau tioru ehi titovei,''Varakat hanembihyen yau me ira yatar yai pampom bo'' ²² Mena Yesus titovei,''wawar yau, inte ve karya vau tiratar vave ve karya mantaun tioru.'' Yesus Dion Dyovara Pai Mirin ²³ Impate, Yesusi dyauta ho wa vavei, ne romawa anyau va tioru tirawa rei. ²⁴ Inte, dyovara pei viya, ahyai pei hyua kepan wa vavei toravau me, Yesusi diena. ²⁵ Ne romawa aninyau vau tindama timbauni, tironto,''Varakat, puduru antoruvo,''tando pe rane!'' ²⁶ Inte titove tioru,''topenovo mya mataine, veve hanetityar vapai di mintoru?'' impate,dyoha rayei dya dyawar wanang vero ruru vavei, me, inte miryori mantaun. ²⁷ Roravau, hinontarai vau tyoru tirapipyori, me tironto,''Hinontarai painiei diravadyai, wanang tyar ruru ni hundoavei?'' Pi Vivyovi Hyuaro Hinontarai Gadara Pe Koiru ²⁸ Yesusi miran ro ruru havarunvaruei, rabuyan hinontarai Gadara tinembau, hinontarai koiru veve pivivyovi hu au ro vau huru hundama ve i. Humati pe atityata wane humbarui mantaun impa hinontarai pehi rya ro rayan ravavei va. ²⁹ Myandea, humbavar me huronto,''Pitohan dyona mo renwari uru ne, varakai antun pau? ha pe rama vami me de ruma rut airarepa ho urue?'' ³⁰ Woroi katehe varihu rabuyan ravavei mora wowa tau pehi tindo tirampi. ³¹ Pivivyovi vau tyoru tirevara kont ei, tironto,''De wadyawar antoru mora, wawan antoru antasua ro wowa tau vadya tyoru.'' ³² Impate, Yesusi dyawan tioru ,''Mianda!'' Impate, timati a tisua ro wowa tau vau tioru. Impate wowa tau vavei tin kakopari ro pampen vavei avehu tinkarya ro dia vavei. ³³ Hinontarai veve retariai wowa tau pe tioru timbavu, tinda to bendar raromani, me tirararia pitau ravau, tyar hinontarai veve pivivyovi hyuaro vau tyoru tyar pive kiraryuta vau. ³⁴ Inte myandea, kawasa vero bendar pe timati kuira ma tiraryut Yesusi. Tindeho Yesusi, tirevara vei varo miti varihu tine rabuyan ravavei.