Irawi Aniau bwe tato tutir Bwibwob 1 Myansane nanuhara ari myarona ro hinontarai bwau tiraropon, han ro myasanewai rarobwaro tindeho, raka topa rane, myararyut bwibwob pehe ro myantamami bwero rora yehei bwa. 2 Impa rane, de myambwibwob mora han myambwui tabwura myarensahawa bwa mahiope hinontarai bwe nukyainbwane tirona wane bwa ro yabwa samsom wane ro rayan bwaromi ehe tiraparandina. Yau payai bweroan payai bweroan bwe mahi bwe an tutir tyoru tiraryut bwibwai tinempeto. 3 Rane bwape, raka de myambwibwob pi bwob pehe mora han bwaramu mambarasar ni reho pi bwaramu dyobwatani dyonane bwa. 4 Bwaro pi bwibwob rane aniwa braromi tantamami bwe mahoiro rahora bwe aniwa rane inte dyon bwibwai bwe aupa. Aniau Tutir Ebwara 5 De myantuan to rora, myaron mahi bwe nukyain wane tyoru bwa tira bwubwi me de tirebwara yabwa-yabwa arii kont ro rayan retepu waneane wari hinontarai tirawawoh tyoru, yau payai bweroana bwe mintoru ho tyoru rane tine bwibwai tinenpe ewaneto. 6 Wape de myatuanma myarebwara mora, myan suato ahiri apaui hui wande mara inte bwebwara bwur Tantamami bwero rahora bwe aniwa bwaro dyona mahi awianempa bwibwai bwe au. 7 De myantuan myarebwara mora, han myaron tato bwe paubwa me tato bwe mahi pebwa; tutir tato bwe pau rane tarahobwa. 8 Rabwau ona mora, impa ha myaron mahi tyoru bwa. Bwape patau de myarebwara rane myantamami bwero rora yehei myarebwara bwami me haneaho panpon me inte dyona ma bwehu. 9 Impa myarebwara hopa ra bwau. "Anantamai Auro rora Hanomu bwe mamara. 10 Nemu swarperpa rama bwe antoru ronuni mahi rorapai. 11 Wong, ro bweang pehe bweantoru ro harani ma antaran mahiha. 12 Kont Hanenso Antoru mahiha pe antoru tato antaren saneho bweon marabwa bwe antoru tone. 13 Bwape kwo antoru bwarihu atitaurpai ma pyikar antoru Bwarihu bwebarui, tutir Au nemu Swarper bwerama pa, kont paya kont marising kao woroi-woroi mantaun mahi tapana kai. 14 Tutir mintoru myansaneho marabwa-marabwa hinontarai rawane tyoru, tamamu bwe ro rora itato dyensaneho tatoru. 15 To rabwau bwape, hanenso ehe tyoru tutir marabwa tinempebwa mora. Tanta Mami yehei tato dyensaneho tatoru tutir marabwa-marabwa tane. Myangsane Hasyeuntbwa 16 Ro ha bwe, tintuan me tirampibwa han myande hasyeunt hani ehe tyoru bwa tutir tirombe tinde hasyeunt waro ehe tindeho tyorubwa tiron to timbe puasa tindia bwaribwan yau bweroan bwe mahi bwe mintoru. 17 Bwape rabwau, ro de we puasa wong mani ho ryunsina, me rwoih remu. 18 Bwaromi nemu puasa han tindeho bwa impa tantamami bwe tandeho bwa wani andi inte dyon hanai mapa. 19 Jangan menimbun untuk dirimu sendiri harta di bumi, tempat ngengat dan karat merusak, dan tempat pencuri membongkar serta mencuri. 20 Torabwau mora, ruruira peno robwenai pehe mantaun Au ro rora yehei rane ehi minanai bwa hanai bwa pebwa. 21 Tutir ro nemu robwenai bwata roane, ro rabwau tato hane muai ryodina. 22 Tandemone, mora kabweiha tanutaraini peina impa remumo hanai maora, nuntarai bwabwei kibweiha. 23 Piebwa mora, ro remumone hanai bwa maora timbe nuntarai tantenan rani mimant kabyeiha de bwe mahipei ryodino nuntaraipa. 24 Han hinontarai pehi dyon bwe mananu pe koiru bwa tutir imbe haneho ehi me kirarapi ehi bwamora imbe tyuan bwe ehi nuho ehi bwa rane mintoru myande wari Allah kont piamong bwa. Myansane Hihyu bwa 25 Topa rabwau pamora I'taraho bwe mintoru, han myansane hihyu ho bwihyen bwabweibwa tutir pi bwede myaran ete bwede myarunung naria muna tutir hinontarai bwabwei, tohan epe de hisunane bwebwe retenanpaino ; Bwihyen ete, Ro bwean?. 26 Renaho Andobwa bwerobwaro mandep yei, tyoru tintetab piyehebwa tintantanan ro ebwa. kont tindirui robwean pehema tiradu bwa bwape tamamu bwero rora yehei andipe dyaun tyorupa mintoru myararyut hani heha tyoru. 27 Romintoru rane teidipe hame hihyu pyam katehe ro bwihyen ni ne? 28 Kont tutir hasun topeno bwo haneng hihyune, reng kakepang naninpu maranding makakera topeno bwo timbwabwa ne tiron pi bwa, tirawiwa bwa bwape. 29 Payaya mintoru : Salomo di hisuni kyaira rawani bwape mihi nanimpu ne ehibwa . 30 I' hani andine bwape hambiri tingkiyei bwape Allah piduruei. 31 Impa rabwau han myansane hihyu bwey tutir robwean myaran ne? dya paini myarununine? tohan epe myasasunane? 32 Tutir mareb bomu-bomu ehe tyoru tingkara we pitau rani, 33 Bwape bwe myangkarawe panponpaino. Mahihoi Swarper Allah kont bwe mahi roi inte pitau rabwau dyona konta. 34 Impa han myansane hihyu ho hambiribwa bwe ha korisi mahihato hapehi tutir hasyeunt.