¹ Ha pe bawonang muna, interi Yesusi pirara Petrusi, Yakobusi, kong Yohanes neta Yakobusi, inte kio hioru hiraunta to tawui wetariai pai aei. ² Interi Yesusi nuwihie ro hiride ro wau. Rero ropa kiwieha parari wo me asung pa buha parari we dea. ³ Me, minadea, huroha ro hindero ropa Musaiong Eliai, huroha huntato kong Yesusi. ⁴ Petrus tito kong Yesusi sainto, " Mamarang pa au, pi boki we tatoru wihieng me tandoro rane, ingkai yong yawa pe botoru ro rane, kosiri we Au, Kosiri we Musai, kong kosiri we Eliai. ⁵ Petrusi titorahi me, mandipu rabuang wau ehi deawarihioru, me hinon raupui wau ehi ro mandipu pai rarong mari me sainto,"Romawa we hanou hei pei rane roroimo yau yaindere. Minan tara hoi," ⁶ Woming pa hintaraho pirawaumu hintuang ra ho pe kakopa wawong pai me himatai kea." ⁷ Mena, Yesusi rima song tui hioru, me sainto, "minantawaha mindewo minanmataipe." ⁸ Interi himpo waha hindekami pa o, hindeho egi wato, me hindeho pe Yesusi mantauni. ⁹ Topeampa himbiaro tawui pai mawehu, Yesusi tito kepang hioru me sainto," Minandeho minampaya pirane we eha hio pe , ke-ao romawa hinontarai pai tiwa haro kairiampa rarong." ¹⁰ Pirauwau onane ne woming pa hirauntanei," pipa ne hansona mo woming pampong taurati hinpaya wau wo Elia riapampnh mapa peno?" ¹¹ Yesusi riaho."Eliai ingkari ria pampong topenama imba sayaho pianeha. ¹² Mena yei ipaya we mintoru, wo Eliai pia rima to, mena eha hindoa hoiwa, me hirong pampino nomei parari piwe hisaneaho wau. Tope ampa tato Roma hinontarai pai ingkai hisieung ro himbara rarompa." ¹³ Tope ampa,ne wpmong pa inte hisane tatuata we mahi wau pena tutu piwe titoawau rope Yohanes pembaptis. Romawa Pe Kosiri Hinombatang Wiwu Waruhuei. ¹⁴ Interi Yesusi kong ne woming pa hintaweri wu hinontarai we pau pa hioru a, hintarai mawang pehi ria wu Yesusi ma suya rawehu mihoi aebu me sainto, ¹⁵ " Mamarang pa au, hanemuho nou romawanei wo hiuhi rekaria mehiuhi hiana kea. iwo hiu pampionomi ha mo ingkai hiu to auntang mora hiu to mare tato. ¹⁶ Piani okou wo Nemu woming pa hio mato, mena hironh panang peha wei wa." ¹⁷ Yesus tito me sainto," mintorru, wo siosi we minane paya peha wapa mintoru kong minasane sisu! ha botoneha munamo ingkai iroko minturi? Habotoneha muna ingkai iroaho mintoru munane? minangko ruma pai we yauma." ¹⁸ Topeampa Yesusi Soyaho hinombatang pa hioru, me himati waruhu romapai yampa pinang pato. ¹⁹ Inte ne woming pa hinda wu Yesusi ma, me hindo mamehari kontei mo hirautanei," pipa nehai sonamo antara sawa hinombatang pai mapa?" ²⁰ Tito we hioru mesainto," Minane payapa baba kahirawa. Yau ipaya we mahine we minto mantu, impa tei miansane kang kuna parari sawi karemang kat umpai mo, ingkai mina tato we tawui rawanei mo,"ingkai ria weia ri nuranei to sore wei! mo tawui pai ingkai tia weria. mo hira pipiuri hoau. ²¹ Impaina himbatang we tope nehane munampa ingkai tarasawo rope tuang rengkadadirua kong hanemua hoiwa. Yesusi Piya Kakeraha Ne Kairiampa ²² Yesusi kong ne woming pa hisihuing kui hioru ro galilea tito we hioru me sainto," Romawa hinontarai pai ingkai hironei wu hintarai pa himbarararong, ²³ Me ingkai himu ni mena ingkai tiwaha ro habotorupai." Impaina newoming pa hioru hisanehoi Anyau Ho Wiwai We Hinduri Kikuira ²⁴ Interi hindaho Kapernaum, we hinduri wiwai dirham pe koiru hinda wu Petrusi me hirautang," Impaina nemu ria sanyau pai biaita wiwai dirham pe koiru wae? ²⁵ Petrusi tito me saito, "Iroa ho. " Mena hiato manurarongpai mo, Yesusi tito pampong weipa," hanemu tatuat mo topeno, Simon? Ro mananu nunei matei ingkai riuri kikui hawaweri pa? Ro nero mapa hioru ete hinontarai peha himbihiei ye? ²⁶ . Interi Petrusi piya sainto, " Roeha Himbihiei, "Yesusi titu wei ya, "toyampamo, romahingkota ²⁷ Me ingkai tarong hioru hingkahiu wami, minamdato ruru hara apaya minan teta waraibpa. minang ko tiang we minam poti rerenang pai. ruwuya huapang pao, minturi ingkai minta rariuta stateri hawarung peh minangko hawaweri yampa, mingkoa minaren biwo hioru, we Yau-tato kong au tato.''