1
. Ro yampa, womingpa hinda wu Yesusi ma me hirautang, “Mateiti bibaro mananu rora yaheipa?”
2
. Interi, Yesusi hibau romawa antitui katehi wurei-Ya, me song romawa katu yampai miho ro hinuraibuyang.
3
. Yau ipaya wemahinewe mintoru, tei minanandung mina sane wai rarong minarong parari roma katu ranei wamo, ingkai minasua ro mananu rora yahei wa.
4
. Mateiti nindung hane wairarong parari roma katu ranei mo inkai bibari mananu rorayahei.
5
. Kong, matei song nanuha roma katu ranei Ro han oune ingkai ne Yau.
Arera Ho Onamo Tandoaho Allah Wa .
6
Impa mateiti, song ruma antitui pehi hisieung ro we ria ho-Yaupa, wi hiengto me iwo tarong kami baba we tantariha pehi taronei hiawa ro raukanang pai me tasa rewarei ro rawanang rabu yang dau kei.
7
. Nunei wo rio kei tutu we hirai hiahari roroine hirena ! wo, we aihiari rawau ingkai tawaha topena, mena we hasieung pa rawu we hingko mapa hioru.
8
. Impaina tei waramu ete aemupaona we roa ho peha wano, tue katuei me kwiei ya. We hanai peno wewihieng tei raro aumo makeito waramu kababuru kong aemu koiru pa tato. Me hingka to autang we sang rowi rieha wanei.
9
. impa rengkamipa ong we roha ho peha wamo, kwirai paha huru me kwia, wo we hanai pe hu ro wewihieng reng kami so kosiri, me sona wihieng ro rengkami koiru pa mena ingkai kwirai paha kwiato auntang we sang rowi rieha waneipe.
10
. Remu tatuata, minandeho mirong pampinog roma antitui kosiri pe. Wo, I paya mintoru ingkai manatau ro rora yahei nanei mahimo hinde tar ape I-Yai ro rora yahei.
11
. Wo, Roma hinontarai pia rima song we hindopa hioru himbihieng to.
Sosiau we Parari Domb we Rio
12
. Parari aumo ? Ingkai ehi ne domb kapu pia ring, mena kosiri ti riopa impa ingkai hinontarai yampai song pia ati heha syiu pa hindoro tawui pai, me ria hiera we rio pai ?
13
. Me, ingkai sariutei mo, I paya tarai we mintoru, wo mirarising pitarai ro kosiri we riopai ro pia ati heha syiu we hindo wapa hioru.
14
. Topeampa, Allah ro rora we hanetatuata penawa parari roma anti tui pa hioru ing kosiri rio pa.”
15
. “Impa nemetapai rioaho piwa, rua wanyawa we sona mahiwapa, roau kong ro mantauni pa. impa tei rioaho au mo, pia wariu nemeta patio.
16
. Metei rioa ho au wamo, ru kuo hintarai kosiri ete koiru muna hing kontau imbaromi ro hisau pami pa ma kuira ete botoru hintato, piwe humpaya pa hindoa ho.
17
. Me tei riahoakong taraho hiowa, puya yampa we weyampa hioru. Me tei riaho hiowa kong taraho weampa hio wamo, wihieng ingkai hawaweri roe ha hioru.
18
. Yau ipaya we mahinewe mintopa wo pipanekai kure ro nunei wawong pa ikai kareba ro rorayahei. Me pipa nehai hue paro nuneipa ingkai tahepara ro rorayahei.
19
. “Ipaya taweri muna, Yau ipaya wemintoru hinontarai koiru ro romingtoru hune tato kosiri ro nunei ho piwe hurewarapa, piampa wo ingkai taweri wurape I-yai ro rorayahe.
20
. wo, ronuwe humbe koiru ete himbe toru hindoro hintato ro hanou-Pa, mo Yau iroro kong hiopa.
Sosiau Parari We Himpariri Hinontarai
21
. Interi, Petrusi rima we Yesusi me sautang, “Mamarang pa au, ro to neha nemo ingkai ipariri noun eta we ria ho wa ? raho boitu ? “
22
. Yesus tito weiya “Yau ipaya weau we boitu wa, wo we ipaya pe pia itu raho boitu pa.
23
. Tope ama to, mananu rora yahei we sosiau parari mananu raja we satato pi ko newoming pahioru.
24
. Interi, tei haneatora piampa mo, ehi kio pieha sona pa wureiya.
25
. Wo ingkai biata wa paina, me ne mananu pai samihei himbowei, newawing kong neromapahio kuira, kong pitau we nempa, kong wiwai we ingkai sona pa.
26
. Interi, womingpai mihoi aebu me hiomi ne baba hih opai me sainti, “Auharauwo ingkai ibaita kuira we aumantu rahi.”
27
. Interi, Baba hihopai haneho newoming pai, pika reiya, kong song kahio peha wei munawa ro wiwai we biaita wapa.
28
. Mena interi, woming yampai mitiari mo tito kong woming pehi wihiei mo seng ko hawaweri peha tato, mo dinaripe, pia ring impaina tipuri me kinota woming pai, me tito sainto, “Buaita nou hawaweri pa taweri ro we ko kong Yaupa”.
29
. Impaina, woming pai suang me sewara wei sainto, Auharau we yau wo yau ingkai ibaita kuira we au mantu.
30
. Me imba, riahowa me sawantuba neta pai to manu wangka pai ya wiakeo biaita piwe kio pa kainteri.
31
. Interi woming eha pahioro hintaraho pirawaupa, hisane hoi me hindama himpaya we hine babahi hiopai tutu piwe tawa ha wau.
32
. Impaina, baba hihiopai hihau woming retenang me tito wei sainto, “Mintoru woming we murawa. Yau wewara kong yau paina.
33
. Auwo hanemu ho neme ta woming peha hio wae, parariape jau tato pia yangyawa we hanouho aupawae ?
34
. To peampa, baba hihio pai kihiou kea, impa kio wu we himamuna pa hiorua, impa irteri biaita pitau we kiowau wu baba hihio waweyai.
35
. I-Yai ro roro ingkai sona pitau yampa wu rau mantupa, me sonane hanemu ho nemeta pa hioru ru hanemu wairarong pe”