¹ . Interi, hinontarai Farisi kong Saduki pa hisane angkari Yesusi. Hirewara weyesusi mehirainto sona kamang we we raro rora yahei pehi. ² . Mena Yesusi tito me sainto, "ingkai tei rowi pa rama mo, minantato mw meminarainnto haoai kiera me rora yahei ria. ³ . Me ro wiaramamo, " ingkai wanang pehi wia hihiana wo rora yahei ria kong mietang paina, Mintoru wo ingkai minasane tatuape rora yahei sowali kei, me mina ne paya peha we mina sane tatu hawe Mamarang ria roroi mapai wa. ⁴ . Siosi we mintarong piwe mahiwa kong mina sane kang kong pi mintaronaho kamang pa, mena kamang yampa wo ingkai ramawa, me kamang ro monaing pampong Yunusi peno. Interi pika hioru me ria. Werandoana Ho Ragi Hinontarai Farisi Kong Hinontarai Saduki ⁵ . Interi ne woming pa himboa awaru ro ruru harawa sohiwanei me himparan deni roti pa ⁶ . Impa Yesusi tito we hioru sainto, "Minandetatuatu kong minaranasi hiau ro ragi hinontarai Farisi kong Saduki pa hioru". ⁷ . Inte hiroha hintati pieawau ro mantau hioru mw hirainto, "Rane tangko roti wau wa paina." ⁸ . Mena, Yesusi haneaho piranwauto me tito sainto, mintaru we mina sane kangkunawa, mintaroha minantato piampa ro mantau mintoru yampa mo? ⁹ . Impaina mina sane kaeng rahie kong mina sane ro roti boring pa mo himbe pia haura we haura we koira hirang kuira mo himbe pia haura we haura we koiru hirang kuira pa wae, we hopa minanduri ki kuira ro piwa winta pa wae? ¹⁰ . Ete, ro pe boitu, we hinontarai pe pia haura we haure wekuiru pa hioru, mena mina soni kikuira ro piwawinta taweri ane? ¹¹ . Pine han sona mo mina sane kinkiampa, wo yau itato ho roti wa? wo makeito, mainaranasihiau ho piwe tawaha ro hinontarai Farisi kong hinongtarai Saduki pa kioru." ¹² . Interi hisane aho we mahiwau pena, piwe piya rawau wo parari ong roti wau tawa ha wau wa, me anyau rawa wei hope hinontarai Farisi kong Saduki wau hioru. Yesusi Wo Mesiasina ¹³ . To peampa Yesus ria ho nu Kaisarea ro Filipi, sautang weria wu ne wominh pa hiorua, me sainto" parari eha hompaya hirainto, matei romawa hinontarai rawawei?" ¹⁴ . Mena himpaya me hirainto," eha hirainto Yohanes pembaptis, eha Hirainto Elia, mora eha hirainto Yeremia, ete hinontarai woming pampong pa hanae. ¹⁵ . Interi Yesusi sautang we hio muna," Mena parari, ro mintoru matei ti yau?" ¹⁶ . Simon Petrusi titupa." Au wo Mesias roma Allah we wehieng!" ¹⁷ . Yesusi ttito weiya," mintarariuta wemahi, Simon roma Yunus Nine wo rotane taraiwaa kong ro ria yanya wa minto ranewa, wo pirane wo ro pe I-yai ro rora. ¹⁸ . Me yautato ipaya we mintoru wo Petrusi ti minatoru. ¹⁹ . Yau yona we au ai parandemang ro mananu rora. wo, pipa nehai minang kare to kakopanei pa ingkai kareha ro rorayahei. Me pipa nehai huepararp kako paneipa, Ingkai takaketua ro rora yahei." ²⁰ . Interi Yesusi o sande kamana we newoming pa hioru hindeho himberoana we I-wo anti Mesiasi pe. ²¹ . Ro hayanpaito Yesusi Werandoa we newoming pa hiora mesainto Yauwo ingkai riato Yerusalem me sariu rayang we hasieing ro pati-tuang pampong, mana nu we himbe tiang riung, kong we hiane baba hu weraung tawa, me ingkai himuni kiria mena ti waga na ro ha botoru pai. ²² . Interi Petrusi pio weri Yesusi to horareng ma, me tito weta Yesusi me tito sainto," Yesuse ikpa webisa we Allah warapai rane waruihiau wae! Pirane ingkai pari au wawahai." ²³ . Mena Yesusi sadai weriei me tito we Petrusi sainto,",murandeng ro rouroro ne, hinombatang pa au! mintoru wokami we yawa hiwa ro ti mintaro wo au pihanemu tatuata pa raro Allai wa, me rarope hinontarai." ²⁴ . Interi Yesusi tito we ne woming pa hioru," Ehau tei rua kong yaumo, weang kari waweri nentarai pe, me hurio aitaba pai, me rua kong yau. ²⁵ . Impa matei haneho ne haseng paipa ingkai haseng pai rio waruhie. me mateite haseng pai rio, ro hanoune ingaki sariutei rahi. ²⁶ . Piwe mahipa nehaino tei nemu nunei awa rekahi pa, mena haseng pai rio? Ete pipa nehai ingkai wona wendiwang haseng paine? ²⁷ . Wo, romawa hinontarai ingkai tiweru ro wemamarang tamani kong ne manatau pa hioru ingkai hira taweri parariape pi we hiro napa. ²⁸ Yau ipaya we mahi we mintoru, wo botoneha hiro ka ranenemo ingkai hirariu kairia hawa ke a hindeho roma hinontarai ria ro mananu nempamap."