¹ Tope yampa Yesusi piana sona tatopa we ne woming boharua heha koirupa hioru, iwo ria ro rawane me sanyau hinontrai we pau konta tito satatora weruam mamarang bawei ro bendari wane. Yesusi konta Yohanisi Pembatisi ² Toperaro Yohanisi wo anti rioroti manu wangka wane, taraho Yesusi Niari weraung mamarang nei me sonei we Newoming pa hioru, ³ Konta sautang wehyoru, "Impaina Au tei ruam pae ete antoraman ehi wihyieiye ?" ⁴ Yesusi piya konta tito we hioru, Minanda minampaya we yoharisi piwe minangtaraho konta menangdeho, ⁵ konta hinongtorai we hinde kabepa hioru hindea, wehimpaya pa, hinda, we hisuhi paputa hioru himpanang wewe kiari pipai hihua weraung mamarang. ⁶ Konta wong wewihyempa we hintaraho we hintaraho piwe ipayapa. ⁷ Impaena hiora hinda, Yesusi wo seitito wu hinangtarai wepau we yohanisi pinahae manasane kangkonapa menandeho ro mapan reipa memurang rawin we wanangpai hio waweriei ro wanampai? ⁸ Auwo rua imbaromi remuho pieha? Hinontarai pehi mo hasung be kiaha? hioru wewe hisasung asung be kiaha mo hindiro tih manu mananu Raja pai. ⁹ Tutu remuho interi amuo tei ruae? HInontarai nabi? Interi Yau itato weau, iwo biba naria wariha hinontarai nabi wau hioru naria. ¹⁰ Iwo hinontarai wewe song pieha parari pewewesoipai : 'Remuho Yau yamiha manatau ro Yau himpanponi Au. I wo ingkai samang ru rayang we au ro Arompon weraung mamarang.' Maleakhi 3:1 ¹¹ Yau itato we pitarai watang we Au, ro hehapa mintoru we wawingpa hirawing mintoru, hioru wo hingta pira ro wapong parari Yohanisi Pembaptisi wawei. Ingkai we mioma ro aturarei rora yahei, wewe pirarie mena biba. ¹² Ro hawe rampa Yohanisi Pembaptisi royampa rama henai, Kerajaan Sorga sariuta we mamba konta, kararihi mena hinontarai we song hahepi niari peraria roh wemahiwa. ¹³ Wo nabi hingkai konta Hukum Taurat tito kamana ro yampa rama huho Yohanisi. ¹⁴ Konta mingtoru minasane minangkoe, iwo Elia wewe ingkai rima peina. ¹⁵ Matei netarakambirei pihapa mora ingkai tarahopa. ¹⁶ Pianahae yona yentatuata konta siosi raneipa Hioruwo himparari romawa marare we mihoi ro nuwe Hindetara. Interi hihau we hinda kuira pa hioru, ¹⁷ konta tito, Antoru antanbui suling wemintoru, mena minam pihyawa. Antoru anandoi rarung we hanaipa, interi mintoru wo mina marising ba. ¹⁸ Aenamena Yohanisi riam mena wampiwa, konta simungwa kong hioru hintato, I wo sariuta rohki weh kanaiwa.' ¹⁹ Topena imbaromi romawa hinongtarai riam waro samping konta sunung, interi hioru hingtato, "Remua hinontarai we sanangtau konta miherupei hunda konta hinongtarai we hinde hisau rowenai hinongtarai karariha. Mene hiraruta wemapa tutu piwe hirona paena." Peringatan Untuk Orang yang tidak Mau percarya ²⁰ Interi Yesusi riuwahara piwe marawa ro bendarine nuwe iwo sona wewe hanaipa pau mena hioru wo kirarapi rioahope. ²¹ Wemarawa we Au, khorasin, wemarawa we Au Betsaida, mintoru tato parari weroro Tirus konta Sidon, hioru wo piana miru hato me hisung hasung kabung. ²² Interi Yauwo I paya we au imbaromi hawe penghakiman, Tirus konta Sidon ingkai anti hiruo wemambawa warihu mintoru. ²³ Konta mintoru Kapernaum, impaena intoru wu minantarai aho mandipi yai? impaina mintoru wo minambia to nunei we minangkaria roinei. inpaena ingkai Mujizat we tarawau mo aumo tara ro Sodom, bendori yampai torakeiya memahi ro nunei. ²⁴ Wo Yau ingkai ipaya we Au ro hanei penghakiman kakopa hingkai anti riu kuira wenambawa wane warihu mingtoru." Kelegaan bagi Orang yang Datang kepada Yesus ²⁵ Ro hape hantina Yesusi tito " Yau Yaparandin Ijai Au Allahi Au ro wawong rorapay konta nunei, interi Auwo wainiwa pitaune waruhu hinontarai we hisane woroi konta hisane mainuanung himbaromi himpaya we romawa Antitui pahioru. ²⁶ Ro ijai Au, wetope yampa parari wero hanou rarong ne ro Arompong. ²⁷ Pitau yampaiwo muronei wu yauma Ijai Ranei konta hinontarai pehi reweroang Auwa. Tama mui Yautato hani hei rewe roang yauwa. "Ijai kaiteri Au," impaena hinontarai we sang Romawa ne tito weipamo Yau Ijai ingkai Irohoi ²⁸ Minandama wu yuama hinetorei tapapiriwa, netarai namba, ingkai yombe mahi peha we mingtoru. ²⁹ Wemahipena we yona imbaromi wong pararia ro yau hanou rarong piboki, hanou rarong hinai imbaromi menariuta wehaipeha ro jiwa pai. ³⁰ parari kuk wei yonei waromi piwe mambapa topiha mintoru.