¹ . Roha yampai, Yesusi ria rireta romi gandung pai ro ha sabat, konta ne woming pa hioru himbariwan impaina hi Aiboi gandung pa me hirang. ² . Impaina interi hinontarai parisi hindehoi, hioru hintato wureiya me hiraintao,"minandea ne woming hioru hirompararia anyau we mahipa hendeho hirona ho hawe Mamarang pa pe". ³ . " Aena Yesusi tito we hioru " interi minasare atora konta minaromparari daut parari kionta ne kowe hopai himbariwampa. ⁴ . Topenehine iwo hua torarong wu manu Allai konta sang roti we hire somieyeipa hinde ho hirampe, topeyampa parari hinontarai we hinda kuirama, wewe parari hinongtarai Iman bau hioru peno. ⁵ . Hi teto ete imbamine minasane atora rayang weroro huku tawariti wawei toete imbami. ⁶ . Ingkai interi yau ipaya we au mantu parari wewe baba parari Bait Allai andanei. ⁷ . Impaina Au wo piana hanemuahoito, pina hanti so yampei yau hanou bahui piwe mahi wewe sesomiyei. Mintoru wo wihengkei minariari wemara wapai we heha hioru pe. ⁸ . Impaina hinontarai ranei mo Mamarang peina antina rioro wawong waruhu ha sabat. V 9. Interi ria ro rawanema, Yesusi miti ro sinagoge konta hioru. ¹⁰ . Remuho, hinongtarai mawang pei piaya konta warang sohi konta hioru hirautang Yesusi, tato ro hine" pirane mahi taraiye imbaromi himpanan ro ha sabat ne, imbaromi hioru hisuapuha Yesusi. ¹¹ . Konta iwo tito we hioru, ro mintoru mo matei ti ne piuang Domba pehipa, konta Domba yampai wo hiu huha kambirei ro hasabat, wihengkei mo sariu pihawa konta hironei to wondi. ¹² . Piwe ro woroi hawaweri nempa parari hinongtarai konta piaung Domba pehi, topeyampa paena wong be wihiyen ro ha sabat. ¹³ . Interi Yesusi titowe hinongtarai wawei " womba wa rama pa ma" hinongtarai rawawei song warambaua yampa pinampa parari hinombarang heha wihyei. ¹⁴ . Tope yampa hinongtarai parisipa hioru hinda waruhua konta hintato mahi himbarui wei topenehane kai hirong wewe mahipeha wa wei. ¹⁵ . Interi Yesusi haneahopena piwe torane, rua waruhu yampa we himpau pa hinda kontei, iwo song hioru himpong kuira. ¹⁶ . Konta wanyau hioru eha hinda kamang hioru wa. ¹⁷ . Piwa torane imbaromi mahi parariape piwe piyapa ro mananu Nabi Yesayai. ¹⁸ ." Remua, woming wanei we yonei, hanou houi parari hanoi rarong we mahi ne ra wureiya. Yau ingkai yona rohkine we Au ro wawong pa. Konta iwo piya wemahipa we ne woming pa hione. ¹⁹ . Iwo kirarapi piya weri tato pehape, konta sama mena hinontarai pehi taraho raupuipawa ro rayang pai wa. ²⁰ . Mammurang we takahi remuho wongkutuipe,konta mahaho wewe kikieu we miopai remu wayaoipe imbaromi sambe we mahiwa. ²¹ . Ro rorope hanompa panindura imbaromi hisane sera. " Nabu Yesayai (45 : 1- 4 ). ²² . Interi hinontarai we sairiuta rohki we marawa, wewe rekabe, konta we huatamun, hingko hioru wu Yesusi a Yesusi song hioru himpanang himbaromi hinontarai we rekabe, konta hinongtarai we huatamung titio konta reho. ²³ . Hinongtarai we himpau hinda hira pipiri konta hirautang,"Tarai ye Iwo Daudti ne Romawa tinae?". ²⁴ . Topenanto hinongtarai Farisi hintaraho hioru wo hani hirasawa rohki mirawa neiro hino sanong Beelzebul, Babaiho ro piwiwiowi wau hioru. ²⁵ . Yesusi retatua hisanerampa, interi tito we hioru" Ro Mananu we tariai we tibabahu impaina himung waweri hioru wata ro yampa. Konta bendari ro manu me tibahu himbarui waweria we hioru, interi hioru hiraman ba. ²⁶ . Konta hinongbatan pai sasawa hinongbatan iwo tibahu mantau himung waweri hioru. interi topeno hane mo mananu pai mihoi maitui pa ?. ²⁷ . Kong Yau wo, ja sawa rohki we marawapai konta Beelzebul, konta matui romawapa hirasawa hioru ? interi hioru himparari hakim wau. ²⁸ . Interi yampa wo Roh Allai, yau jasawa rohki wemarawa, mananu wetariai ro Allai ae rawe mintoru mantupa to. ²⁹ . Interi topeno hinontarai ingkai hiwa ro manu we nei pai hinontarai we piaya tina wengko pinempa auwo tei wawi hinontarai wewe piaya wanei pampang imbaromi huara kuo piwe wata ro manu rarong nempa. ³⁰ . Matei ma we kirapi kionta jaupe, rioaho yau wa matei naria muna we kirarapi songkai eha konta pe yau mora tantatera kei. ³¹ . Tope yampa yau itato we Au piwe hirona we Dosa konta hujantan hinontarai iwo ingkai sona ho Au mo karariha pe kaito. Matei ti we hujati Rohki pa mo iwo sariuta we mahipehawa ro hawe rama wane. ³² . konta matei muna wewe tito pieha ho Romawa nei mo ingkai Mamarang Allai supipira karariha pa waruhei. Matei tei tito we Rohku kudusi nei pamo Au mo wariuta tato wemahi peha ro hawe rama wane wa. ³³ . Interi ai yampei tei himahi,bongpai itato hingkai hinai. Parari ai pai mona hinaiwa mara, bongpai tato ingkai hinai wa. impaena ai wane mora tande wero anei ro bong wanei. ³⁴ . Ro siosi tawai beludaki, topeno mintoru weminama muna minang tato piwe honai ? interi ria warihu luapan hanemu rarong, humpang bawei tito. ³⁵ . Hinontarai wepiboki sona tato we wihyeng ro pinemu we hinai konta hinontarai we himarawa hintato we marawa pihenempa tato marawa. ³⁶ . Iwo Yau ipaya we mintoru wo tito we mahiwa wehimpa yapa konta hinongtarai pa hioru hisane paya ro ha we hisahau tatorua hirautang tatoru wane. ³⁷ . Mintoru wo tato we tatoapa, ae onamo muhi, konta tato wau muna ae sona mo sariuta mam bawaapa.HINONGTARAI FARISI KONTA AHLI TAURAT HIREWA KAMAN ³⁸ Interi, himbe toneha Ahli Taurat konta hinongtarai Farisi pa hintato we Yesusi, Guru antoru wo tei anandeho pimahae wona ro Au pa. ³⁹ Interi Yesusi piyara konta, tito we hioru, " siosi ranei wo birui konta mimuna, nineiwo kinaniawe wong kamana pehi. Iwo kirarapi song pie hape hioru wa, inkai Nabi Yunusi peno. ⁴⁰ Interi parari Nabi Yunusi wewe rioro tiang baba haneng nekarang pai hape botoru rowipe botoru. Impaina Romawa hinongtarai I tato, morah hape botoru rowipe botoru ro nunei hane wainei. ⁴¹ Hinongtarai Niniwe pa hioru hiroha konta siosi pa hioru hingkai ha we isauhau tatora wa hirautang tatoru wanei wamekai hirariuta sasari webaba peha rahi. Iwo miryoto taraho Yunusi sata tora weraung bawe impaina mantau reho Yunusi. Mantauni anti rioro ranei. ⁴² Interi Ratupai riaro hope sowo hiororoi waneima ingkai, tiwaha sowaha konta siosi ranei. Ro hawewe isau hau tatora wa hirautang tatora wanei, ingkai sariuta wemambawane impaina I tatomo riaro hapehi ro nunei, interi taraho hikmati salomoi, konta. konta rehoi we baba raro salomoi ro hanei. WEMAMUNA RARO WEKA KAWIRI ⁴³ Interi rohki wemirawapai miti waruhu hinongtarai pai, Iwo ria ro nowe wero mare, impaena hierai nuwe mihoi roro, mena sarita nupehawa. ⁴⁴ Impaena iwo tito, Yau hingkai itaweri to manuwa nea, nuwa yau imati ropena, riu hiu ho manupai mena kikawiri me hirirari konta hironei yamihi. ⁴⁵ Interi Rohki we hinaiwa pai ria kionari Rohki boitu we hanai wapa wemarawa pitarai wahai konta hinda hisua ra hindoro ro rawane. Hinongtarai nei netarai rio woroi parari wepampong pawa. Impaena ranewo pi wewe sona siosi Rane hioru wo himbariruihi. MANURARONG YESUSI WE MIHIPEINA ⁴⁶ Impaina Yesusi sei tito konta hinongtarai we himpaupa hioru, remuho hinamui kontai nemetai hioru hire hiroha wondiri, sosahera imbaromi sei tito kong Yesusi. ⁴⁷ Hioru ehi sei tito konta Yesusi, remuho hinamui kontai hioru hire hiroha wondiri, hirosahera ehi sei tito kontei. ⁴⁸ Impaena Yesusi sautang hinongtarai wepiyapai imbaromi tito we matei Awini konta matei yampai hioru. ⁴⁹ Interi suwa warampa wu newoming hiorua Yesusi tito," Raneiwo Awinitina" Nou Neta pehirena. ⁵⁰ Ingkai matei Naria muna sompararia," I jaiti rioro surga" wo neta mawaipeina konta rarouwawinpeina konta awinitina.