1
. Interi, Yesusi hihau ne woming haura heha kuira pa hioru me sona mambri pa wehioru imba hirentasawa hinong watan kong hiren tau huhi konta huhi pampinoma.
2
. Renewo hinosanong woming haura heha koiru pe hirena : weretenang mo simoni we hisau wei we Petrus, kong Andariasi neta peina, kong Yakobusi roma Zebedeus, kong Yohanisi netapeina,
3
. Filipusi, kong Bartelomeusi, Tomasi, kong Matius we ria riuri hawa weri, Yakobusi kong Alffeus kong Tadeusi,
4
. Simon hino tarai zelori leong Yudas Iskarioti we wio Yesusi Pao.
5
Yesusi satatang woming haura heha koiru pa hioru me samiha hioru hinda," Minandeho minandato rayang kawasa prha himbihiei pe ete mina suatu bendati hinontarai Samaria pa hiope,
6
. Me minanda wuea pe hinontrau pitau bai we hisasieung ro hinontarai Israeli pa hioru
7
. Me ingkai tei minandama minampaua ya minatato topeno," Mananu Rora pia kikieuto.'
8
. Mintarong panang we wehisuhi mintarong we hingkaria hintawaha, mintarupi piwe husihi huhi paputa kong minarasawah we hisuhi hinombatang. Mintaru minangko ro we pinoma, mintaronaro wepina.
9
. Minan deho minang ko emasi pe, ete parelaei,ete tembaga ro wai wemintare kanota minasane rabu yang pape,
10
. Ete kaketa we minakoro rara rapape, ete asung keri kuiru, ete pata ra mina saebang, ete aisoi wo wemiriwa yampai wo sampi ro pena.
11
. Ro bendari ete ro pandu nehane munampa ro mina sua ropa, minan dehu matei sona yampa kea o minan taweri muna.
12
. Interi tei mina sua ro manu yampamo minta rewara nanuhara.
13
. Me manu yampai wihieng mo mamarang ne wehipa wata kong hioru, me tei werera mo mamarang newe wihiengpa kuo taweri.
14
. Me matei tei riaho minto wapa ete tei rioho pi puyapa wamo, tei mutiro manu yampai ete bendari yampai mo aembaha wawu peha ro woha ropa.
15
. Yau wo ipaya we mahi weau wo ro ha Mamarang rima wanei, kakopa Sodom kong Gomoro ingkai hurariu wetapiha waruhi bendari yampai.
Pi We Hasieung We Ingkai Hisarotara
16
." Remuho, Yau yumiha mintoru parari domba to wo hinang we hirairayati pahioru. Impaina mina sane wayang parari tawai kong mina na marha parari andowo mandung.
17
. Mena ingkai minaranasihiau ho hinontarai wo kioru ingkai hingko mintoru to mananu baba sanhrin me hindarubaba mintoru ro manu we hisomi Roro wane.
18
. Kong mintoru wo hingko minto ro to we hindu mananu baba, ro hanou nepe, imba hirarari we eha hioru ro pandura tau eha rawanepe.
19
. Mena, tei hironh mintoru apui mora minandeho minasane hihia minto pe wo pipa nahai minam payayopa ro yampa mo minan paya kei parari piwe tei minam paya topa.
20
. Wo, ingkai minto minantata pawa, me iwo tamai rianung anti tito riwang minto pa.
21
. mintoro ikai mina sarewa mina neta pa hioru wu kairiam pa. Me, roma pa hioru iang kai hindua ho paitung pa hiowa me himung wioru.
22
. Mintoru ingkai hiane mara mintoru kuira ro hanoune, me we hindu kepang nake rainta ho wane ingkai himbi hieng.
23
. Me tei hirong ninyayang mintoru ro bendari kosiri mo, minam bawu to Bendari peha muna. Yau ipaya we mahipa we mintoru wo ingkai minanda kai ho bendari. Israel pawa keo Allai antung rima.
24
. Romawa anyau ingkai kiopa heha we sanyawi paima, parariape we we woming pai kiopa heha, ne babahio paiwa.
25
. Mahiha pewe romawa remuho turiai rawaein we sanyau au pai pe, kong weming remoho ruriai raraweing babahihio pai pe. Ingkai eha hisuwau we bab hihio manu rarong Beelzebul mo, mara wa kahira ro manurarong nempai kea."
Mutaita Pe Allah Me Remuho Mutai Hinontaraipe
26
. Impaina, minandeho mina matai eha hiope wo pianeha rowe ainani wara mo ingkai himpayaya wa, ete we ainani wara wau ingkai his siwiai howa.
27
. Pipa nehai ipaya we au ro weberong pamo, Puyaya ro we dea. Kong pipa nahai taramuho hindauhahaya ro turang kambirei pa mo, puya kama mana ro nandaung wawong manu pa.
28
. Minandeho mina matai we himunh tane taraipe, wo ingkai himung haseng nei wa, makeito tama taita pe Mamarang we ingkai miung hasung,kong tane tarai kakopah ro auntang we sang rowi rieha.
29
. Topenane andowa pit pe koiru himbowa mo sariu hawaweri kosiri? Me, ingkai kosirimo hiuto kakopa wawong wa ro woni waruhi tamamui wa.
30
. Wo, riumu ramdaung ro riungkamipai pia haneatora to.
31
. Tope ampa mo, remu ho mutai pe, wo mintoru minamahi mataung waruhi andowa pit pa hiopa".
Waparanding Yesusi Ro Eha Hisasaro Pong Ro Pa.
32
. Imoa, ro hinontarai we hiraparanding Yau ro hinom taraipa hisaropong ro pa, Yau tato ingkai Yaparanding nei Ro Iyai aro ropa ro rahora we mamarang.
33
. Me, matei ti hane paran dehi Yau ro hinontarai pa hisaropong ropa, Yau tato ingkai hanouoarandei ro Iyai aaro ropa ro rahora we mamarang Yahei.
34
. "minandeho minasane tatua we .Yau wo irama we iko mahihoi ro nuneipe. Yau wo irama we iko maihoi kuirawa.
35
. Wo, Yau irama Yong pira roma mawang pai waruhi tamani roma wawing pao warui hinani rewang wawing pai waruhi neoni wawing pai,
36
. Kong we hane karasisung ro manu rarong Yampai.
37
Matei haneeho tamanioa ete hinani pai waruhi Yau, mo mihi weyau wa. Kong matei haneho kahi roma mawang ete neroma wawing pai waruhi Yau, MO sariu we kong Yau-wa.
38
. Kong matei hirio aitabapai kong Yau wapa kong ria kong Yauwa, ariu we mahi peha kong Yau-wa
39
. Mateti riu kepanh nehaseng paipa ingkai hasung pairio waru hiei, ne matei ti hasung pai rio waru hiei ro hanou ne pa ing sariuta haseng pai taweri rahi".
Nemu Hamayah We Raroh Allah.
40
. 'Matei ti pindui kui mintopa, pundui Yau-to. Kong matei ti pindui Yaupa, mo pindui Mamarang we samiha Yau-nei
41
. Matei ti pindui nabi ro hinohanong nabi ingkai sariu Hamaya ro nabi. Me, matei pindui hinontarei we mahi ro hinohanong we mahi ingkai sariu Hamaya we mahi. Me, matei ti song
42
.Me matei ti song romawa marere pa hirububg mare peha ro nyopikain kosiri mare weraha ro, woming kosiri hanog pa, Yau ipayaya we mahi we mintopa, iwo ingkai ne hamaya pa rowa."