¹ Ya cata ro wa wawei, Yesus, herawi kutua to weruru cohi warei ya merapang ro bendar mantau nembawei. ² Mointeri, Yeho, hengko hinyong tarai we pyaya wau ehi wiataro bohiri hera Ima. Katu we yena ho i, wewe cong panang we soru, Yesus teto hera hinyong tarai pyaya wawei ya, "Hanemu rarong pai no poi pa au, sasar wero au pe piang kaito". ³ Mointeri, wewe hengkararihi taurat, hentato ro hane rarong, " hinyong tarai nei pea Au!" ⁴ Ramo piang, Yesus Yeho hende wawombau, hai," Pia hai conamo minta sane titoa we marawa ro haneng rarong pai? ⁵ Wene hai mawa wiri pa," nemu sa-sar pe kaito,' interi cento,' Towaha ma oha tuiya? ⁶ Ramo interi, tope, manu mintang deho ro nunei we poi hinyong tarai we ne paya, kia tane sa-sar ne."Mointeri, Yesus teto hera hinyomg tarai we pyaya wawei ya," Towaha to,ruwa hara piwe wena ro wau ko wowu rangto!" ⁷ Interi, tewaha wewura. ⁸ Ramo, katu hinyong tarai tau hende ho pi wa-wei yampi, hengkai hentuang wei, kota hengsomi we Allah anti cona paya we mahi we hinyong tarai ne tantoru. Matius We Ya Kyo Doi Conta Yesus ⁹ Mointeri, Yesus, yawa ruha wawei, yena ho hinyong tarai we heng sawei we Mathius, mehoro rahora we hengku- kuira pajak roroi wawei, Yesus, yuwa hara teto herai ya" Onta yau." Interi, Matius coha conta Yesus. ¹⁰ Ro hawe Yesus meho campi ro manu yeing, Yeho we henda hen ku-kuira doi kota hinyong tarai we herong sa-sar hendama, he maho herampi kota Yesus neta wau soru. ¹¹ Impaina, hinyong tarai farisi, hendeho yampi, hen tato we we herong tai wau soru" Tope neha pi mingtane we cenyau wa wei campi kota wewe henda hengko doi, kota we herona wau soru?" ¹² Impaina, Yesus tara ho hempaya wau,"Paina Teto" we hembe sehat soru hera wera dokter wa, wewe hengsuhi wau soru pino. ¹³ To peampi, mintandamo mintara wera pihai Epaya yampi,' Yau, emarang dising eha neho hinyong tarai, yewara mintara paranding yau wa', wo yau erama we eha hau we hemahi wa, era wepi hinyong tarai we sa-sar. Herutana we Herampi Herunun Wa. ¹⁴ Mointeri, we herongta Yohanes henda hera Yesus ma herutan" Tope ne hapi antoru kota hinyong tarai Farisi anta rona antarampi antarunum wa, wara nemu we heronta au wau soru imba?" ¹⁵ Interi, Yesus teto we soru," Impaina we hering wawin hemaho aisira wo mawang pi anti meho kota soru? wara interi, hawa ne rama mo mawang wanei hengkou waruha soru, Mointeri herona hemaho we herampi herunun wa wau pe." ¹⁶ Hinyong tarai ne tantoru ehi we tanpar hirei waworu ho hasun tawa hiwa , tutu ra wa-wari tapura we tewa nei mo tehabu panuka . ¹⁷ Kota,Imbe ehi sinta anggur waworu pehi to kantong we tewa pehi wa kota imbe tehabu wa Anggur tewu wa, Kantong wawei tekakutu wara interi hengko weria ho we weworu hi koa manu humbe adi kei pe." Yesus Cona Hemwora Taweri Kota Cona Hempanang Numainu kateha Yesus pea hahuara pinipi we soru,Yeho,Hinyong tarai we yu manu mamarang hi yama kota somi wei, kota peawei cento ," Nopoi wawin pi katerine kea. Impaina, yama kota Ona waramu wau ontupuha i manu wyora taweri" ¹⁹ Interi, Yesus tewaha e conta hinyong tarai wawei, kota newe herontai wau soru . ²⁰ Interena, wawin we suhi yaya karariha ( rumang kara riha.) ro puiya pe haura ha boru, yama coha kiria Yesus, kurupui kota cekaho hasun baba we hesunei wawei, ²¹ Paina, wawei teto waweria wei," yekaho hasung baba hesunei wanei mo, piang epanang to" ²² Ramo interi,Yesus cara weri kota hehi wawing wawei, Interi pea wei,"Hanem rarong pai merising, no poi pa au, hanem rarong pai cona ponang pa" Rope wawei to, wawing wawei pi penang. ²³ Interi Yesus ya suro wene manu we hengsua roi wawei kota yenamo wehem wuiya suling kota dakam tau hengsaraba , ²⁴ I' teto hera hinyong tarai wawei soru," Mintang wawura, wo poi wawing pai kea wa, wara wiya cena." Paina hemari wata yesus. ²⁵ Ramo, Interi Hera cawa hinyong tarai wau soru hemati, Yesus sua rapui yuro poi wawei wara mo interi poi wawing wawei tewa ha. ²⁶ Tato nimpi hempaya ra baba waria rahora waweipi. Yesus Cona Hinyong Tarai Boru Hude Kabe Humpanang ²⁷ Yesus, coha ya waruha wawei,hinyong tarai boru we hunde kabe wau hunda upara I' Wara hungsahau ," Hanengso Uru, Daud nepoi pa Au." ²⁸ Ya sua tara manu wawei yapui, hinyong tarai boru we hunde kabe ne hunda tato ma, hurutana soru," impaina mintang deho yau yona pinimpi?" huntato taweri ya hoi" Mamarang pau.! ²⁹ Mointeri,Yesus ceka pira hundekami wau, Pea topeni,wepi pararia pi mune mung sane wai wau". ³⁰ Kota,hunde carang.Yesus cendera tarai wiri kota huru " Mungtara kepana, mundeho mumpaya hahuara we ehi pe" ³¹ Ramo interi, humati hunda humpa hahuara tato we Yesus pea wau wari nu waweipi. Yesus Cona Hinyong Tarai We We Mou Penang ³² Mointeri hinyong tarai boru humati, Rento wana,hinyong tarai ha hengkou we mou roh pimaici we wora wa sua hoi Yesus ma. ³³ Ce-cawa pimaici wawei waru ha, Mointeri wewe mou wawei teto tato. Hinyong tarai tau wau hengkaina I' Hempa herengto," pinimpi tandeho eha roha wamu ro Israel." ³⁴ Ramo hinyong tarai Farisi wau hempaya herento" Cecawa pimaici ho pimaici weworawa." Hentapei Henkowi Wehenduti Hentapei Wa ³⁵ Interi, Yesus yawari bendar to teru ya cenyau romanu we hengsomi rowau, kota pea hahuara werang mamarang ,kota cona we hengsui hempanang waruha hihuhi pampinoma hengsuhi ya wau. ³⁶ Impaina Yesus yeho hinyongtarai tau wau soru, I'Nyuinamo hane soru. Wo hempanang kota henda pinoma,parari Domba-domba we ehi ceung soru wa. ³⁷ Interi, I' Pea neneta wehenda kuira wau soru." Wepieha keto, we hengko romi nei soru henta pei, wara we hentanan hentapei wa, ³⁸ Wawei Ai cona mo ," Minta rewara kota wene romi wanei, Manu cona eha soru ma hengkota mingtoru. mintama raru.