¹ Katuwe Yesusi wia ro benui wawei, hinyuntarai tau hempanduri herupara I. V 2 Impaina, tandeho, hinyontarei we sihi kangkeng wawei yama hera I ma, wara cuang ro aropong rowou, wara cento, "Ambe pau ne, muaya mo, ona epanang." ³ Intri, Yesusi cona warang neari intri waratawuni, cento, "Yau emaya, yona ponang wiri. ⁴ Interi, Yesusi tetohereiya, "Peramata hahuara, hani rua toto pampinoma we hinyuntarai peha soru wa, ramo twiara, tubanyawa nuntarei wou hera imam wang soru, konta kopiwewe osomi pararia Musa araria we pea roro wou wata we kamang we soru. " HINYONTAREI AMBE ROMAWI PENANG ⁵ Katuwe Yesusi sua to Kapernaum, hinyuntarei perwiwa yama herei-I ma, cewara we I, ⁶ Interi conto, "Ambe pau ne, no hinyuntarai babapi pyaya wiata ro manu wang, suhi yaba." ⁷ Yesusi teto herei ya," intri Erama yonei penang." ⁸ Ramo interi, perwira wawei pea wei wateto, "Ambe baba (Tuan), yau imbe ba Hua to nandang wawa wana wa, ramo poyaiya tatopaki inte no babawanei penang Rahi. ⁹ Rama, yau tato hinyuntari ro wara raro o manurongwang konta ambe eha wau ro ewara raro. Wa yau etato we bohiri, " Ruaki," i tato yawiri, konta we ehapa soru"Hendamaki," i yama wiri, konta no mananupi, herona ning, kanta i mocona parari. ¹⁰ Katuwe Yesusi taraho piwawei pi, I yoaho wa pea hera hinyontarai we herupar wou, "Yau epaya wepitarai we mintoru, Yau yeduta iman baba topeningba ro hinyontarai Israel ne soru. ¹¹ Yau epaya we mintoru hopino inkai hendama ro remong ocata konta osu ma hemaho, herampi kanta Abraham, Isak, konta Yakob ro manu Rorarai. ¹² Interi poi tau manuraro wou ingkai hengkia to rahora berorang wiri, wara rowang ingkai hembori koanta hencehina takaki. ¹³ Interi, Yesusi pea hera ambe wawei, "Ruaki, ingkai pararia wewe topino we hanemparariapa. HINYONTARAI TAU KOTA PETRUS NEONI HEMPANANG ¹⁴ Katuwe Yesusi yama su ro Petrus manuwang I Yeho Petrus neon mo wiata ceriroi, ¹⁵ Interi, Yesusi waratawuna wawing bawei warang wou yampi ceriroi yiara. Interi, i coha yuarapi we Yesusi. ¹⁶ Katuwe rowi awehu, soru hengko hinyontarai tau we remoi hesua babaha soru wou hera Yesusi, kota i cecawa remoi wou ro bohiri, interi cona hinyontarai tau we suhi wau hempanang, ¹⁷ manu pararia piwe nabi Yesaya pea pa: "I pino kiotaweri we tane we pananang pa kota kiokuira tane hihuhinei. Yesaya 53:4 PARARIA WE HERONTA YESUSI ¹⁸ Ro hanei, katuwe Yesusi yeho hinyontarai tau wau ro horeng wou I cona cetatang manu henda kutwa, to kapan cohi waroi. ¹⁹ Interi hinyontarai manu watang (ahli taurat) yama interi hempaya we I, "Kuru, yau yonta Au to rahora we rua roang." ²⁰ Interi, Yesusi teto hereiya, "para ruba ne kamdoi kota andowanesoru hene kareini. Ramo hinyontarei antu imbe ceduta rahora we wiata kepana yukami wanei wa." ²¹ Bohiri ro poi anyau mamarang wou soru pea hera I, "TUHAN," warampira yau era pampong wiri mana yatakepana ancai. " ²² Ramo interi, Yesusi pea herei ya, "ontapi Yau, wara ria hinyontarai kayapa mantau herata hinyontarai kayampa mehari." YESUSI CONA MEHEPA WAWEI YIARA ²³ Wa, interi Yesusi cataro wawawei, Ne poi anyau soru herupara I. ²⁴ Wara, remaki, we mehepa we tarowa baba ro weruru wawei, kyuwu wawawei. Ramo Yesusi cena. ²⁵ Interi, ne poi anyaune hendama we Yesusi wara hembaini, hempaya "TUHAN, ona antambora! ²⁶ Kota, I pea hera soru, "mintamatei e, au we nemu iman pehawapa mintoru? "I coha wa teto kutua wananag ro weruru wawei, yampi pyosei wirya. ²⁷ Interi, hinyontarei wou soru hengkuea hendukami wa hentato, " hinyontarei pihanci I coning, wirikia wanang kota weruru wou hentaraho I. YINYONTAREI BORU GANDARA WE PI MAICI HESUA BABAHA ²⁸ Katewe Yesusi suro cohi weruru waroi, ro rahora hinyontarai Gadara, hunyontarai boru we pimaici hensua babaha hurunei yawei I ma. Soru hemati ro ayata wara heramiomi wara imbe henda kakutua wa ro rayang yeimpi wa. ²⁹ Wara, remaki, soru hesahau, topening, "nemu rarahae kota antoru e, poi Awa Hinya pa Au ne? ro hape rama wamung wara Au roma mung antoro. ³⁰ Kota, tanumbai kateha ro soru inte honei marandang baba herawera roweang. ³¹ Pimaici wou soru herewara I wara hempaya, "Au muaya mo ocawa antoru, otatang antoru antangkopa werya to honei marandang weing." ³² Yesusi teto we soru, mintandaki! interi honei wou soru hemati wara hensua to honei marandang waweipi kwira hensu to kape ro weruru wawei wara henya ro mare wau raro. ³³ Hinyontarei we heroung henei ne soru herapai, hensua to bendari pui raro, wara hempayaya kuira, kiotapi we pararia tutu hinyontarei we pimaici hensua hoine soru. ³⁴ Wara, remaki, bendar-bendar ne soru kuira hemati hera Yesusi. Katuwe hendeho Yesusi, soru herewara I manu wewura waruha rahora henembou.