¹ Interi, Yesus hehau hinyong tarai haura ha boru wau suru ma cona mambiri we soru, manu hera cawa mambiri worawa, hendu waha hinyong tarai we huhi, hera cawa huhi. ² Ne hinyong tarai haura ha boru wau hesa nompe ni : We retenang pai, Simon we hempayai we Petrus, mointeri Andreas neta pai, kota Yakobus, Zebedeus ne poi na, konta Yohanes netaria, ³ Filifus, konta Bartolomeus, Tomas, konta Matius we cong ki kuira doi, Yakobus Alfius antuoai, konta Tadeus, ⁴ Simon hinyontarai Selot konta Yudas Iskariot we cong pampinoma Yesus pai. ⁵ Yesus cetatang ne hinyontarai haura ha baru pa soru" Hendeho enda to rayang kawasa tau pa eha soru hendeho hensua ro eha hene bendar hinyong tarai Samaria pa soru pe. ⁶ Interi hendara we piaung- piaung we hempa pea pa soru pararia Israel pa soru. ⁷ Impaina henda tannumbai wamu, eha wau herento, Karajan Mamarang pi yama ki-kiew to. ⁸ Mintang du wahara we hengsuhi, Mintarona we heng kaya hengtawaha taweri, mintarupi pira wehuhi kusta, kota mintara cawa roh-roh we worawapa. Interi mintang dama mintangko mintane pinopa. ⁹ Imba mingtandeho mintangko Emas pe, mintangko perak pe, kota tembaga ro waiwe tepu kepang tasane rabu yang ne. ¹⁰ Mae kasa we untuk rara, hasung hawarung boru, karawi, aicoi, kota hinyong tarai peau wona pieha moimbe ita roweyang peha. ¹¹ Interi, mintando, bendar pai kota nupai mo wewe mintandapui hoi paimo mintangdeho hahuari matei kekawiri ro rarong pai mo mintangdo kotei kia o'mintangda koa. ¹² katu mintasua manu pehi tomo mintarona marambae. ¹³ Mae manu yempi wioramo mintarona piwe worapa taweria wata kotei. ¹⁴ Matei, pinoma we tarima mintowa kota yoaho mintoruwa" Romintampa weworapa wei, mintamati ro manu ete, bendar yempi,mintaci-cou wawu wero mintara emu wau. ¹⁵ Yau, epa we-we mahipa we mintoru wo hawe hesahi wanei, Kakopa sodom kota Gomora humbora hundu ki-kuira piwe bendar pai WEHERONGTA YESUS HERAITA PIWE HASIEUN ¹⁶ Mintang dena ,Yau yetatang mingtoru pararia piaung ro henurabuyang piaung we hembaipa soru. Impaina, mintasane kakera pararia araya kota mintambora pararia andowa mandung ! ¹⁷ Ramo inte, mintasane hahua mintoru we kawasanei wo inte soru herona mintoru we sanhedrin kota hemun mintoru ro manu mamarang wau rarong. ¹⁸ Inte hengko mintoru tatera mananu baba wo yauna. Epararia hentato kawasa peha soru weseing. ¹⁹ wape hawe herona mintoru, mintandeho mintasane waweria we pinehai tampaya wei ro hanei we mintoru manu yona we mintoru. ²⁰ Ramo mintoru mintantato pawa wo mamarang incai teto ro mintoru pa. ²¹ Neta kia nemetapa ito kaiya waneia kota tamamui wura antu waneia. mae poi pa soru hendoa ho henta mamu pa soru wamo hemung soru. ²² Hesane kangkoang mintoru wo Eha nomu ne Aina, Ramo wewe heroha maitui pa soru wo manaing wane hembora taweri. ²³ Imbe herong pampinoma mintoru ro bendar pehi mintam wawuto bendar pehi wesei koara, Yau yong we mahi bambe mntaruba bomintoru embem mintamanai ba bo mintambe mintanda kakutui bendar- bendar Israel Raun hinyong tarai antu wanei riama. ²⁴ Nehinyong tarai we heronta wau soru hembaba heha hene ambe henem wau, kota womingne soru hemba-ba heha hene baba paipa. ²⁵ Mahia nyongtarai we herontei soru hembe lebih hene ambe nei wa, kota ne womi nembau soru hemberebe hene ene ambe neiwa Nehempa ambe nemanupai tomo Beelzebul, imbe biora wara suaro hanem-Mu rarongpa". ²⁶ Inpaina minta matai we soru wa babopieha ainyuing kota entato haheraba, kota heranyaube behendeoba. ²⁷ Pinehai epa we mintoru wewe ro rarongpa, mintangpa we soru wewe deha. Mae pinehai mintantaraho ro tato ainyina ro mintantara kambirei pa, ro wawondai. ²⁸ Mintandeho minta mataita we hendama hentane tarai nepa soru pe, kota we hemung haseng nepa soru, mae mintamataitabe emung tanetarai kota hasengne ro antataweri wane. ²⁹ Tope andowa kaubopuri pe boru hebeba huru hababeri bohiri? kota andoba bohiri sua ho kakopa babeiba robondi baruha tanta mamu nemau baubaba ³⁰ Pararia tayung nanang ro tayu kami ne kuira heratora. ³¹ Impaina mintamataiwa wamintoru mintasane hahera andowa kabupuri empurai ban sorupa." Tambe Akui Yesus Ro Hinyong taraipa Tasaropong ³² Impaina hinyong tarai be rioyau pairo hinyong tarai esaropong, yau tato ero aho iro etamamu haropong ro soroka. ³³ Bape matei beangkari yau ro inyong tarai pa hesaropong yau tato yembeang kari ro incai haropong soroka. ³⁴ " Ambe mintarento yau erama eko biwe worato nuneima pe yau erama eko humbe. ³⁵ Bape yau erama eko tatera mawang soru baru henta mamupai, poi bawingpa soru baruha ensinyamu, hene ehngsumomu bawing kota ensinyamu aicetabau soru. ³⁶ Konta hinyong tarai mamuna sisa bau soruwo hensua mawang wawing ro manuraromg. ³⁷ Matei haneho tamani berebepa konta hinyani waru ha yau mehi bebe yau, mae mateici hane ho poi mawang konta poi babing barua yau mehi babe yau, ³⁸ Matei nuharari heyoa aitaba donta yau, iwo biorabawe jau. ³⁹ Matei cenang kaya nerumang pa ingkai nerumangpa ro matei . nerumang pa raho yau ingkai ceyuta ne taweri. ⁴⁰ Matei conghahua mintoru pa,conghahuara yau. mae matei congha huara yau, conghahua we-we cetatan yaunei. ⁴¹ Matei conghahua Nabi ro hinyong hano nabi pa ingkai cecutana nenabibai paro . Matei ciconghahuara hinyong taraibe hemahi pasoru konta hengsamupa harayuta bibai kota hinyong tarai behemahi. ⁴² Matei cona hinyong tarai angtitupa soru cunung mare hape moki bohiri roro hinyongtarai murid pehi hanompa, yau epa bemahi ne beau, ambe nembau, ambe ne bibai nero