JESUS CENYAU RO TAWUI WAWO PEA TATO ANYARI ¹ inte yeho hinyontarai we hempurai wau soru inte mehopoi anyau henda hereima. ² ''I'' sepa hua, cenyau soru centi, ³ Cong pitau wawei we hinyontarai we henepiehawa ro Roh waweitutu soru hene karajang surga. ⁴ pitau yangwehinyontarai we hesane sisaya soruinteri hera duta mararising rahi. ⁵ Pitau yambe hinyontarai we hanerarong wora soru hene nuneipa. ⁶ pitau yambe hinyontarai we hembariwang tutu hendauhanaya tutu we mahi tutu soru herona ta mohi. ⁷ Pitau yambe hinyontarai heronghahuara, tutu soru heraduta Ohahuarapa. ⁸ Pitau yambe hinyontarai we hesaneraro kakawuri tutu soru nte hendeho Allah. ⁹ Pitau yambe hinyontarai we hengkoa we wora tutu soru hesawa soru we poi poi Allah. ¹⁰ pitau yambe hinyontarai we herong yinyayana tutu sru hene karajang ro roa ( surga). ¹¹ Tau yambe mintoru cona henyiyayang tutu hempa piwe worawa hengkangkani tutu yau ehanomi tutu yau. ¹² I'' ne sanang, morarising tutu nemu pi we piami cona we au ro rora wanei piwawei ai conamora herongnyiyan nabi tantoru imbamu.'' Hahi kota wewe reha ro nunei ¹³ Mintoruwo mintambe hahi nunei, Hahi yeimbo hosisewei roro pinehamo we mare ne? iwo nepiehawa to interi hengkiei hentatarei hinyontarai wau soru pino. ¹⁴ Mintorumo reha, mintarang beri nunei, Bendari we yoro tawu tayai imbe ceininei wa. ¹⁵ Hinyontarai hinyontarai soru tato hengkai pelita wau wa wara heronei cura ro gantang wawo inte cura pelita aerowau. cang beri manu rarong. ¹⁶ Ainamo angberia nemupa tato camberia we mahimanu soru tato hendeho piwe wona -piwe wona we wora tutu we wora manu kia we wora we incai mamarang ro suraga.'' WE MAHI RO MARUMAT TAURAT KOTA WERANG PARA NABI ¹⁷ Reso haneso onto yau eramawe eriara Marumat taurat werang mananu nabi yau erama weeriareiwa yau era pararia pi Ramahi roro wau. ¹⁸ yau epaya kamana yau yenonau tutu wemahikota au kia o'' Nunei kota rora we rampa, hani ehi yowaruha Marumat taurat neiwa impaina watakiao mahi. ¹⁹ Impaina matei ci yiara bohiri ro Marumat Taurat dgh hwara cvnfdcbnmevcn cmnyawa manu eha herong pararia herentanyauwa hinyontarai peha soru I'' hempaya I'' bebawa roro karajang kerajaan surga (rora). ramo matei ci cona anyau -anyau yane. ²⁰ We towawei conamo hempaya we au yang yento imbe we mahi nemupa imba puraiwara wa hua we mahimananu mananu Taurat tutu hinyontarai Faris, Mintoru imbawiri minta sua ro kerajan rora mamarang wanei wa. PARARIAPI HINYONTARAI WEWE CONAHO NETA ²¹ Mintoru piampi mintantaraho tapusi worya hempayawau, impaina mintamung wa,' wara matei memunapa inbe henkoua hembe marumat I''.' ²² Wo neta pasoru mintambe mintambora ro hadirat , mahkama Agama wara matei koa cento mintanutata,tonimpaina antang naraka wanei cani. ²³ Wo kia mintarona homi ro Altar wawo yu tutuminta sane taweri to mintaneta piehawe mintoru. ²⁴ Min tarona homi ro altar rewowa, wara mintando we wetayai, pampong hendu hembaramu kota nemu nemeta. royang hentaweri to tutu hesomi henembau wau. ²⁵ Moraru kasauta, huwe waramu kota hinyontari we centapa au pampinoma ropeno mintanda kuirane manu yeho compi centapau e cona auto marumat, kota cona aukoa heranewe hembaba hiho imbe hemunau herona auto bui. ²⁶ Yau epaya we aupa ramo mintoru imbe mintamati ro wamba kiaoo mintambaita we wawauwo. '' HINYONTARAI WE HEMAMOTA ²⁷ " Piampi mintantarahoto piwe hempaya we," mintandeho mintamamota pe.' ²⁸ Ainandamo ," yau epaya hinyontarai pehi kota hinyontarai pehi. we heyora wawing pehi wara hanewei . I'' piang memota wei ro haneraroto. ²⁹ Impaina rekami wau cona huro sasari, tubapa rekami yeimpi wora kiei,wewawei aina manu mintane ehi yo mintangkiei topenang pino mintane bohiri yope wo topena biohiri yoo waruha nuntarai wau cona nuntari wau kuira hengkiato antang / naraka sasari . ³⁰ Wara warang cowatang pai conamo hua sasari puerang kutui kuyei pino tutu topenag pino wora topena pino mintane bohiri ro mintanu tari wo, cona mintanutari wau kai hua sasari pe antang / naraka . MARUMAT WE HERONA WE HEMBAWU HENTAWERI ³¹ Piampi tampayato : matei pikarawawini pa mora cona werambe pea anyawa yiara wawini pa. ³² Ainanto ramo yau epaya we mintoru wematei cona mamota pehapino, "I" cona wawini memota, wara matei wyu wawing weimpi pamora I'' tato memota. TUTU TATO PAPORA ³³ we bohiri koa piampi mintantarahoto piwe hempayawe tantapum orya to nempa soru,'' reso popora pampinoma pewara onu tutura papora ro mamarang aropong. ³⁴ Ramo yau epaya mintoru'' mintandeho mintampaporawa wiri mintampora roro ete, moitampora ro nu we wora Allah yoro, ³⁵ Ete ro nu yerusalem tutura nunei wo wo nunei wo pitau nei yoro pena, bendari mananu baba. ³⁶ Mora imba tato mintampapora tutura mintandukami pewo mintoru imbe mintanduara hinyondunanang bohiri wa, biunaete mietane. ³⁷ Ro tato nemu topena mora aina wara topenawa moraro pimaici. PEANYAWA WE TAWERIMA ³⁸ piampi mintantarahoto pinehai hempaya, rekami weriwang rekami, cehina weriwang cehina.' ³⁹ Ramo: yau epaya we" au reso popaya we we papaya, wara matei baha pa tarndeicowatang pai mora ona tarandei ehi koa. ⁴⁰ Ehi ce wara ehi peapya weau wara kiyo hasung nemupa mora onei tatoa. ⁴¹ Wara matei cento muntia Mil bohiri. mora ruwa kotei tarumbai ao Mil boru. ⁴² Ona we hinyontarai we herewara kota au wara reso nusarari we herewara kota au.'' ONG HAHUARA WEWE HERE HEMUNAU WAU SORU ⁴³ Mintoru mintantaraho andera we,'' cento mintarona hahuara eha soru wara mintambawura we worawapa. ⁴⁴ Wara yau epaya au ong hahuara anyari wewe hempaya here hemunau, tuambe hinyontarai hinyontarai we henyiyayang au. ⁴⁵ to pena mora mintampararia poi poi tamamui neroro surga Wo I'' cona O'' wanei cata we worawa kota we wora, wara cona myuna wewe heramamunai tutu we hemanahang kota we hemahiwa. ⁴⁶ Tutu mintoru merayari we hinyontarai we herayariwe au pianehai odutane ? Imbae we hengko wiwai herona eha pararia ete imbae ? ⁴⁷ Wara inte mintarona andera we mintaneta mintaneta : impaina baba wewara piwe wona waue ? imba hinyontarai hinyontarai we hende kamana Allah soru tato herona wawei tatoe ? ⁴⁸ Topening mintoru mintambira pararia mintantamamu weyoro surga "I wo mehi."