¹ . Ong haihuara we piboki wahang we ru ro agama ro hinyontarai heraropong, reso ona wento manu hendeho aupe. Tope wawei mora, imbe oduta we mahi peha kota Incai rorora rahei wa (surga) ² . Tope yan, mora, pararia tarona pi we eha soru, mo tarona tabura wawei yotuwa ro tararopong wa pararia hinyontarai-hinyontarai marawa (munafik) we herona ro sinagoge-sinagoge maro rayan manu hinyontarai peha herapa randing soru. Yau epa hahuara we mahi ne we mintoru wo soru pia heraduta heneng peto. ³ . Inte ramo, mintare mintarona pi we eha soru mo mintandeho mintambaramu cowiripai yeho piewe mintarona ro mintambaramu cowatang pape. ⁴ Manu piwe mintarona rampa ro we ainini we Incai yeho we ainini wau mo inte cona we mahi peha we mintorupe". ANYAU WE TANTUANG TASA HAU WE ⁵ Rama, interi mintantuang mintasahau we rama imbe pararia hinyontarai Munafik / we hemborawa wane soru pewo soru wo heroha interi hentuang hesahau wei ro manu we herona ro rayang horareng wau rayang horewu manu hinyontarai peha hendeho soru. Epa hahuara we mikntoru, soru wo pia heraduta henempeto. ⁶ Ramo inte, mintare mintantuang mintasahau wei, mo mintasuato asiru manurarong wau mintasui aturarei wau mora interi mintantuang mintasahau we incai ro nu we tandehowa, manu incai I yeho we ainini wau mo cona we mahi pi eha we mintoru. ⁷ Ramo, inte mintantuang mintasahau, wei ramo mintandeho mintarona tato we mahi peha wape, pararia pi hinyontarai we hendeho Allah wa, interi herentapa tatowau purai paina, imbe taraho soru. ⁸ Paina, mintandeho mintam pararia soru pe wo Incai pia haneaho piwe mintasane aho wau to, mintarewa wamung ⁹ Minta tuang mintasahau wau wei topeni , INCAI antanempa au ro rorapa, hanomu we Mamarang pa. ¹⁰ Nemu we mahipa rama, pararia ro nunei mantuho ro rorapai. ¹¹ Ona we antoru, ro hanei, roweang we maiha. ¹² Interi, poriri antane sasarine parariapi antoru tato antampararua eha soruwa hene sasari we antoru ne. ¹³ Interi reso ko antoru waruha pimamuna.Wo au nemu nunei manemu payapa, ma nemu we worapa kia neru neiru koa. ¹⁴ Pararia poriri sasari hinyontarai eha soru, Incai ro Mamarang tato periri autato. ¹⁵ Ramo pararia poriri sasari hinyontarai we ehasoru wau mora Incai tato nuharari periri sasari nemuwau tatope. PARARIA WAMPI WAUMO ¹⁶ '' Inte, Mintoru mintarampiwa ma mintarunug wa ha peha soru, mintandeho mintampararia hinyontarai we hembeangkakari herona wawerya hende kami wau pararia hinyontarai we herampiawa kota herunung wa. epaya we mahinewe mintoru wopia heraduta henempeto. ¹⁷ Inte ramo, min tare mintarampiwa kota mintarunung wa mora mintamuna maning pai ro mintandukami pama mintandoipira mintande kami pa ¹⁸ Manu piwe mintarona pa hinyontarai peha hende howa, wara we yehopi Incai we yoro ro nuwewe tandehowa.ramo,incai yeho piwe ona oinina wau inte cona eha taweriwe aukoa. RURU KUIRA PIWE RO RORA ¹⁹ Reso oyaung kakepana au ro piwe ro nunei pe, nunei wiyorawa berehima, we hemananapi hendadiari wara we sua hengko hemananapiwau. ²⁰ Ramo inte, ruri kuira we aupi ro rora, iwo wora mawe hemananapi hesua hengko nemu piwauwa. ²¹ Wo ro neha nemu piwau roropa, inbe hanemu rarong wawei yoro penang tato.'' ²² Tandekami newo pararia tandekami ne wora, mora tanumonane reha wora. ²³ Ramo tande kami ne we mambri, mora imbe tanumona ne kuira berorang worawa, mahiwa. paina rehawe roro aupa ce berorang, inbe berorang pitarai.' ²⁴ Imbe hinyontarai pe bohiri kyo piwe humbe boruwa topeyang mora imbe nuhararira ehiwara haneho ehi, imbamora hanekepana we ehi wawei wara hanei pia ehi. mintoru imbe mintarona piwe Allah kota pieha pampinoma wa. ²⁵ Wepe toyamo epawe au, hanentoriru wewora waupe, Wepiwe inte wampe kota piwe inte unnunpe. Parariapi Numona wau tato, wepiwe inte nemuwau wora mahi Waruha roweang wau pa ete, Numona wau kota hasung wau e ? ²⁶ Renso andowa wehepo ro areparai soru hentantanang wa, Ramo Incai ro rora cona roweang we soru. Tantoru wo tambora hehara waruha soru? ²⁷ Ramo tantoru mo mateici hane toriru cento mantaung meho kia rahop? ²⁸ Interi, Pararia hasung, tasane toriru ? Tandeho kadui we ro tawui, Copineha coha beba ne. Itato cona piha ma yuri kuira piehawa. ²⁹ Ramo epa we au salomo iwo hesun pararia pi bopu wau ehiwa. ³⁰ Paina, nanimpuing wawei we hanei kota reha hengkiei arau ho antang wecang pehi, Allah hesung ya piboki pampinoma, paina hinyong tarai ne tantoru tambora hahera aibobu wawei pa, tantoru we tasane kakepane andera ne tarai wapa?. ³¹ Interi toyang pimo tandeho tasane torirung pe Tutura piwe tarang pe ? ³² Inte, kawasa-kawasa wewe eha soru herawera Incai rora haneaho to ma cento herawera piwawei kuira . ³³ Ramo interi, Mintarawera pampong rahora we mamarang wanei kota newe mahiwane, Interi cona-cona koa we mingtoru. ³⁴ Paina, Mintasane toriruwa we ha we reha- reha wanei wa ha we reha waneiwo neng wane wesei ro mantaungni. Mantaung ha bohiri tutu newe mahiwapa mehari".