Pimaici cong hahera Yesus . ¹ impaina roh kio Yesus to ramai we tanambai manu pimaici pai yama cong haherei. ² Yesus campiwa hape 40 kota rowi pe 40 wawe weriwang ³ inte pimaici wawei yama tetowei Yesus pea topening impaina au poi Allah, ciau mo totoho paranding ne we cung ambe ." ⁴ Ramo yesus tetowei cento cung ambe neai cona hinyontarai ne tambora pae, imba ro tato we matiro Allah.''' ulangan 8:3 ⁵ interi pimaici wawei kiyouto bendari we kakawuri pai conei meho ro bait Allah wawuyang dahei, ⁶ Teto wei,''aumo Allah nepoi ciaumo kopa to woumbaua ramo ai hembui ne : paina au cona I cetatang ne Malaikat malaikat wau soru henduwaharau to hembara raromanu hocaira paranding wawuwa." Masmur 19:11-12 ⁷ Yesus pea wei, " koa,ai wyui wau, au yang oisaha nemu Tuhan Allah wa.'' Ulangan 6:16 ⁸ pimaici wawei seisahari koa to tawui we tayai ceyawa kerajaan wewe ro nunei kota wewe wora wau, ⁹ pimaici wawei interi teto wei cento pitau nimpi mo yona we au ramo homi we yau.'' ¹⁰ ramo Yesus pea wei pimaici wawei ai hembuiwau, mintoru mintasomi we Tuhan Allah mintanembawei pa kota mintantuang wei.''' Ulangan 6:13 ¹¹ interi, pimaici wawei wewura I, interi reho Malaikat Malaikat hendama hembe layani i. YESUS WE MULAI WE KARAJANG RO GALILEA ¹² Interim Yesus taraho Yohanis hentapuri I yato Galilea. ¹³ I wewura Nasaret suro Kapernaum ro danau horare ro perbatasang Zebulon kota Naftali, ¹⁴ Manu we pararia piwe peawau roro Nabi Yesaya: ¹⁵ "Kakopa Zebulon kota Kakopa Naftali, rayang Danau, ro cohiYordan, Galilea, rahora hinyontarai hinyontarai anawa Yahudi, ¹⁶ kawasa we we aisirei ro wewe berorang wawei hendeho wewe reha wawei beba, wara wewe aisira soru ro nu henembau kota henuainunung kaiyambau, we rehawau piampi ata to. Yesaya 9:1-2 ¹⁷ Impaina hayeimpi to,Yesus cona andera wara teto '' mintandiara to wo kerajaan surga piampi kikyou to!" Yesus hehau we ne poi boati we retenang wau soru ¹⁸ Impaina Yesus ya rurana ro danu horareng Galilea, yeho mambenetai wau huru, yamo Simon we hempaei we Petrus, kota Andreas Netapai yoro kia Amu ro danau wawei impaina soruwo hinyontarai we hengkia Amu ciang. ¹⁹ paina tetowe soru,'' Mintanda mintaronta yau manu yona mintoru we Mintantapu Hinyontarai. ²⁰ wawei soru hendiara rayang rayang wau wara heronta I. ²¹ hendaro wampi tomo, piampi reho boru humbe mambenetai pa eha soru, Yakobus poi Zebedeus hentamamu pai, hendoro herong hahiarapi Amu pa.Interi hehau we soru. ²² Hembawura wapai kota hentamamupai wara heronta Yesus. Yesus cenyau kota yuara hinyontarai we hesuhi hentapei wau hempanang ²³ Interi Yesus ya wari nu Galilea wawei kiyai, wara cenyau pi Sinagoge sinagoge soru, pea hahuara werang mamarang pai, wara kiyo panyaki pampinoma ro hinyontarai we hempurai. ²⁴ hempaya ra baba wari Nu Siria wawei. impaina hengko hinyontarai we hesuhi wau soru kuira we hesuhipanyaki panyaki pampinoma kota wewe hembe kana pimaici, kota wewe hesuhi hendekaya,kota we hempaya, I' cona hempanang. ²⁵ Marandang baba hinyontarai tau eha hendaro Galilea,Dekapolis, Yerusalem, Yudea, kota we hendaro cohi Yordan henda upara I'.