KHOTBAH YOHANES PEMBAPTIS ¹ . Roro hawe yampi Yohanes pembaptis yama cei nyau roro tawui benu ro Yudea. ² . " I " pea cento tarahoto wo ruara roro surga piampi kikeuto Wo "I" na anci nabi wau hempaya ei yeing. ³ . Tutu, nabi Yesaya pea "cento hinyontarai pehi werau pui hehawa ro tawui roro. Onaha hura rayang pai we Allah, onei aoo heriwang.''' Yesaya 40;3 ⁴ . Yohanes mantauni hesuna hasung unta netuing wara poi aya tawang hane rabu yang ro air rawai roweambe campe kena tutu cunung runko rorung. ⁵ . Hinyontarai Yerusalem henda hereima. Kota Yudea kiai kota rurana Yordan. ⁶ . Inte Yohanes pembaptis soru mare Yordan, tutu hemberoana hene sasari henembau. ⁷ . Ramo inte Yohanes yeho hinyontarai parisi kota hinyontarai saduki hempurai hendamaho baptisang bau, I pea we soru " mintoru ai wawuna araya matei we roana we mintoru minta rapai waruha amioming. We rama wane? ⁸ . Wawei ai cona mo mintarona bombe pararia pararia pertobatan (hasi saya) ⁹ . Wara reso haneng kakera tutu toto we mantau au mehari. Antoru antane Abraham Incai. Woria antanempina. Wo yau epaya we au roro paranding nimpi Allah piaya yuara poi we Abraham. ¹⁰ . Tutu nimpi wo tamang bawei wo heronei wiata pino ai duma wawei wara ai wenbompa worawa. Kota ai we webong wora hedowang hengkia to antang wanei arau, ¹¹ . yau wo tarai we baptis mintoru roro mare. Wara hanes sisaya wara "I" weyama weriwang yau wanei wooo payaneng wana epaya era roro wa. I we baptis mintoru roro Roh Kudus kota antang. ¹² . Piwe herem pouya romi yoro warang newang ne, I cempoyapa. Nu we hero natura kuira kota hengki kuira gandum wau to manut wetura roroi. Ramo sia kankehang bau ro antang imbe meowa. YOHANES CONA YESUS KIURA ¹³ . Interi Yesus yaro Galilea hera Yohanes to Yordan manu Yohanes conei kiura, ¹⁴ . Ramo Yohanes teto wetei wara pea wei cento yau koa mapa. ¹⁵ . Mora Yesus yuwa hara tetowei nimbo wo topenang to tepenang pino pararia pitau we mahiwang pe, ramo Yohanes nua hoiwa. ¹⁶ . Yohanes we baptis to inte Yesus yawaruha mare wawei to wonde wara yenamo rora mehepara wara Roh Allah wiama peraria angdowa mandung yama mehoro wara tara wau. ¹⁷ . Inte taranamo hinyonrau pui peha raro surga we pea cento: aneii poi weyong pining beii pina: roro ii E roroi.