1 Ro dehamawau rama manu, mananu antitui kota mananu baba roro nurawawe hempandura kuira hentato mahi ho here herona wiwai ro kaiya ho Yesus. 2 herawu Yesus, hengkoua heronei hera mananu baba Pilatus. YUDAS MIUNG WAWERI 3 Yudas wyowa Yesus herona wiwai wekaya. Yudas hanesisaei cona 30 keping perak taweri we mananu baba. 4 Cento, Yau yona sasari wo yona hinyontarai we ne sasari pehawa. 5 Mo Yudas soa 30 keping perak to bait Allah inte yawaruha. 6 Ramo mananu hempandura 30 keping perak wau herento imba mintarona wata yampimo hawawer rumang pina 7 Hempandura hentato hawawer rumang pa we herentawanyana Yesus ro soru hawawer wau herengkoa kapuya herona we nu ayata kota herewara manu we herona hinyontarai we wiyowa piwe herepai yea 8 Conamo kapuya yeimpi hesawei we kapuya rumang. 9 Topenang paina pararia we mananu Yesaya peawau. 10 hawawewri 30 keping perak wiwo herembaita hanong mantau nembau. Kota hinyontarai Israel hembowa doiwau. 11 Herona 30 keping perak herentawayana kapuya we herona we manu paiyea. 12 Pararia we Mamarang peawe yau towau Yesus coharo manu Gubernur Yahudi aropong yorowau teto cutang tarai au mananu Yahudi pe aunane Yesus teto cento mantau mintoru mintampaya pa. 13 Topenandamo mananu baba herona herentuba kepanei I pea piehawa. 14 Pilatus pea wei ramo auwo taraso wae, hempurai aba herentuba kepana.' 15 Ramo Yesus tetoaho mananu pilatus wau soru wa paina mananu Gubernur kuea yukami. PILATUS CEUTANG RAYANG PEHAWAWE HENDIARA YESUS. 16 Inte ha baba wau mo ehamo hendiara hendiara hinyontarai we purai hinyontarai we hemaya here herona barabas. 17 Roro harawawei hene hinyotarai we huabui pehi hanompe barabas. 18 Hinyontarai we hempurai hempandura . pilatus cuitana soru matei mintarento metirobui rohaneipa.barabas ete yesus wehempayaei we kristus ? 19 Pilatus yehoto topenimpaina herona yesus hereiya. 20 Pilatus mehororo kadera weheruta,waweri ,heriria pilatus wawini cendera hera hawania mintarona hinyontarai yeing sua buiwa . wohehuhi pitauyampi pinimpi yemiho tutura ina. 21 Topenandamo mananu manu hemayawa, hinyontarai, we hempurai, herewa Barabas met, wara hemung Yesus. 22 Gubernur cutang be soru iwa huru matei mintamaya weipa tandiarei ro hanei pa hempurai hesahau Barabas " 23 Pilatus cento toyang mora pinehai yonawe Yesus we hempayei we Yesus hesahau, Kuira; iwo sawaro aitaba. 24 Pilatus " cutang " topino cong piehae, wei ete cope: ramo hesahau aba mintandoro kepani ro aitaba pai. 25 Pilatus Yehoto ramo imbe yiara Yesus Inte hemamung soru Pilatus kio mare waua cendoipira warang bau roro hinyontarai we hempurai heraropong roro wau 26 "wara pea cento "yau nosasari pehawa roro rumang hinyontari nei yambo mantau nemu rarara pina. 27 Interi Paulus yiara Barabas we soru wara, rerpa Yesus, Pilatus pikarei hera sorua hendarai tawani ro aitaba. PILATUS NE MANA TAU HENGKANGKANI YESUS 28 Gubernur ne manatau wau hengko Yesus tatera yawaru Gubernur Wara pandura mana tau romawi hendama herona wari. 29 Henduba Yesus ne hasung waruhei wara herona hasung Juba we hewui pehi hesunei. 30 Inte heranung mandau we asasinai heronei Yesus tetarui hengkangkani herento herandera wei manu hinyontarai Yahudi. 31 hengkanyuhi hhoi hengko, buluh hengko herendoatei. 32 hengkangkani hendiara hasung be hewui wau waruha Yesus mora inte neropa ne hasung bau hesuna koa. wara hengkoua hempakui ro aitaba. YESUS HEDARAI KEPANEI RO AITABA 33 Interi manatau, hemati heraduta mawang pehi yaro Kirene, hanompe Simon, herento conta heyoa aitaba wawei kota Yesusi. 34 Henda hesuaro Golgota nu wekaya nehina herona Anggurwau cunung empedu ramo nuharari cunung pe. 35 Heronei sawaro aitaba Yesus, hengkia undi ho ne hasung wau mora hembiwo we soru. 36 Mora inte hemaho kota nehasung wau rope wawei to. 37 Ro hendukami wau pararua centapai Amei mananu hinyontarai Yahudi. 38 Ro harawawei Hinyontarai we baipe boru, ehi ro cowatang, ehiro cowiri herona huru ae husawa kota Yesus ro aitaba wawe. 39 Hinyontarai hendaro wawei hengkangkani wara heng kiei hendukami. 40 Wa hempaya herento tuitota manu Allah, wara ruarei toweri ro hape botoru, mantau on au wora taweri, poi Allah auna tarai mora wia waruha aitaba pai. 41 To wawei poina mananu mananu wau soru hengkota mananu taurat kota hinyontarai we hembe hinyaro nu wawei pi hengkangkani Yesus. 42 I cona hinyontarai peha hembora wara mantauni cona mantauni wiora mananu Israel pinandamo wyaro Aitaba pai wae, manu tarento ananto, tasomi wei. 43 Cento tarento Ananto Allah cona topenanto paina Allah cona wiyora ro nimpi topena mora Allah conei wiora, wo mantau cento iwo yau wo Allah 44 nepoi peyauna hinyontarai baiwe hendarai kepana. kota Yesus huru tato hungkangkani Yesus tato. KAIYA YESUS 45 Ro wawei ro retitoa bonang berorang wicora nurawawei akiaho piretitoa bohyung. 46 Paina retitoa bohyung, Yesus hehau ro raumpui we kararihi cento Eli-Eli lamasabatani no Allah tope nehape pikara yau. 47 Hembebotoyaha wewe heroha ro wawei soru, hentaraho hinyontarai weimpi hehauwe Elia. 48 Mo interi bohiriroro soru cepaikio maranding soana ro huang be marai heroraro netuing herona Yesus cunung. 49 Topenandamo we hempurai we hempurai hrento mintandama tandehoi wiora ete imbae. 50 Yesus hehau koa ro raupui we roto hera cona ne roh, jiwa Allah. 51 Reso tirai Allah tebahu we boru roro wawondai mawehu ro unei paina nunei we mundi paranding tababahu. 52 Anyautau tmpayaho hinyontarai tauwe hengkaya hentawaha. 53 Hematiro ayata wau roro Yesusi t7ewahato. hesua to bendari we mahi, wiora heranyau wa soru we hinyontarai we hempurai. 54 Mananu mamarang kota i newev herontei wau soru herawuta Yesus inte henuina mundi wawei tutu pitau wawei cona hematai herento tarai Ia poi Allah 55 Romampi wawing hempuraihende naho we heronta Yesus ro Galilea konta hereuni. 56 Ro we henda kuira, Maria Makdalena MLaria yakobus Hinyani kota Yusuf kota poi poi Zebedeus , YESUS HERATARI 57 Hawau rakia ce dowi to hinyong we nepi wau ehi yaro Armatea hanompe Yusuf I tato piampiwe poi anyau Yesus. 58 Yusuf Yaherab pilatus cewara Yesus numona wau. heronei we Yusuf . Yusuf kio Yesus numona wau pepaya ro hairei I ne we kakawuri 59 kioua conei wiato roro ayata waworu, mantau nembaweiwe piampi ceri roro ramai paranding bababwau ehia wicora ayata wawei wara. 60 Roro wampi, Maria, Makdalena, kata Maria wev eha soru, hemahoro ayata wawei. HENDETANTAWANA YESUS NE AYATA 61 Ro hawe rawawei piampi heramang we hari sabat hawe wora, mananu we hembe hendukami Kota hinyontarai Farisi hempandura suruto pilatus aropong rorowau. 62 Hentato ''tuan antasane kakepana manu weangkakari mantau cento hape botoru mora etawahakoa. 63 tope wawe paina., pea manu ayata nei hendekakepanei kio hawe botoru wa nepoi anyau wau soruto henda hemananai, wara hempaya we hiyontarai. 64 We hempurai .'' I tewaharo we hengkaya wau henu rabuyang. wara angkakarya wau henu rabuyang. wara angkakari we pipui newo wiorawo peraria we retenang paiwa. 65 Pilatus teto we soru, mintanne we yekakepana. Mintanda Mintandetantawana pararia mintampayatopa. 66 Mora inte henda herong hahuara ayata waweihengkota we hanengkakepana kota hendeaweri, paranding we herontau kepanei wawei.