1 Impaina Sabat, kikyeu Wonei pyowaharei ro haretenang hawe boitu yeing, Maria Makdalena kota Maria henda hendeho ayata wang. 2 Mintandena mundi baba malaikat Tuhan wiaro rora we mamarang raheima, yama keirira paranding, interi mehoro wawo. 3 Rekamiwau parariapi wewerya hasyng wau buha pararia salju. 4 Impaina hesane mataita soru, impaina hesane raro ata wia pararia hinyontarai we kaya. 5 Malaikat tetowe wawing, reso motaipe Yesus owerei yeimbo hendarairo Aitaba. 6 Iwo yonimba tewahato parariapi we peawau roma, reso rabuyang we yaroi pena. 7 Moraru rua poyawe nepoi we henda kotei wang soru wo tewahato. mintandenahoi. mintande kepana? yau epayaho mintorupa." 8 Henda hemararu hembawura ayata wane ro hematai ramo hemararising baba; herapai hempaya hahuara we nepoi we henda kotei wau soru. 9 Mintandena Yesus yamaho soru teto,'' salam!'' inte henda hera Yesus, henduro aengbau hentuang wei. 10 Yesus teto we soru'' Mintandeho mintamatai pe; mintanda mintampaya hahuara we eneta wang soru hendato Galilea, mo interi mintandeho yau. WE AWUTA AYATA HENBAIWE SORU HERAISAHARI BAI 11 Hemaho kateha mora henda, hende kakepana we hendato Bendari ya hempaya hahuara we Imam? Soruho piwe hendehowau. 12 Impaina hempandura soru kota wewe kota hinyang wau soru, hentato kuira herona hawaweri purai we hemaho hendekakepana wausoru. 13 poya, '' poyara, poi we henda kota Yesus hendaro rowima hemaning ro antarena wau. 14 Impaina, pinimpi ra gubernur, taraho imbe cona nuntarai paya. 15 Impaina hengko hawaweri waua herona pararia anyau we hempayawe soru wau,' tato baba ro hinyontarai Yahudi ne soru kiaohanei.CETATANG AGUNG YESUS 16 Interi, nepoi Haura wausoru hendato Galilea, to tawui we Yesus cubanyawei we soru. 17 Impaina hedehoi hentuang hesomiwei ramo eha soru henumatitai. 18 Yesus, yama tetowe soru, cento pitau paya yona we mintoru, ro rora mamarang tutu nunei. 19 Impaina rua kota poi we cenyau wau soru mintampaya anyau wane kawasa we purai ro nunei waria kiai. membaptis soru ehanomi none ro incai, kota poikota roh kudus. 20 Anyaune we soru manu hentaraho kuira yau epayawe mintoru; mintandema, yau ekota mintoru kiao hora.''