¹ IMPAINA YESUS CONA HATO WAIKAKAI TETO KOA YESUS NEOMI WAUSORU ² Mentadahowe hape boru koa mo interi hababa cerama p0i hinyontarai heronei hembe salib. ³ Imantayai wau soru tua-tua wau hempandura soru kuira ro istana imam baba,wehananowe kayafas. ⁴ Henda hentato kuira we here herasaha yesus we herehentapuri we herehemuni. ⁵ Impaina hentato we" herento perayan caramo mintandeho mintarona mamoni ro hinyuntarai we puraipe. YESUS HENDOIPIREI WE HINYONTARAI WAWING ⁶ Impaian yesus yaro baitania yama mo kyo botol pehi soni soni maning wehairowi Guci pualan botol antitui we heseung,wawing hepi kyoma sitiho yesus yukami wawi ro hemaho herampi rowau. ⁷ Hinyontarai wawing pehana yamamo kyo botol pehi soni maning wehairowi Guci pualan botol antitui we hesung, wawing hepi kyoma sitiho yesus yukami wawi ro hemaho herampimro wau. ⁸ impaian womi ne hendeho yesus hengkasowi hentato piahai cana mo wonta penama ni.? ⁹ Piahai conamo maning hai ma kakopi, wawo boto neha maning be haseani imbe taronawehembemeskune soru wa. ¹⁰ Ainamo,yesus we tahu pining teto wesoru piahai anamopiahai conamo mintaro tapurayan wawing nei.? iwo copi wewora we yau. ¹¹ Mintoru hamahimo minto wo mintane hinyontarai henepi ehawa. hengkotapi mutoru, impaina minta ronawa hamahimo mentane. ¹² Wawing nei sita mani wangi ho nuntarai,cona wata amamang ayatawang. ¹³ Yau epa we pitarai au ro neha o injil hepai yayeina tatera nui ya piahai wawing conapa enteri hentatoho kamana wei," HETATO MAHI WE HENGKAKANI YESUS ¹⁴ Hinyontarai,bohiriro womi soru we hanowe yudas iskaryot yehara imam-mam baba sorua. ¹⁵ Yudas teto cento ekoma yonto ramo piahai mintaroma we yaune..? yahudi hembai wei 30 keping perak. ANI PASKA ¹⁶ Ro" hayei cewawara; rayang behere tampura Yesus ¹⁷ Ro haretana roti eha ragi womi henda hera yesus ma herutang rope neha hanembe antarona pina mawa manu tarang paska wane weau. ¹⁸ Yesus yaho,hau to bendari, hinytontarai pehi teto hanompe rama cwekik yauto yau yona paska ro manu womi," ¹⁹ Romawi herompi erangpi erengta waskah wane. ²⁰ Impaina kikeu werowi,yesus meho campi kota ne womi dua bala wau soru. ²¹ Ro hemaho herampa teto, yau epa wemahiwau imbe hinyontarai pe boiri anti kengkani yau," ²² Hesane sisaya soru hinyontarai wei imbe pitarai yau wa,Tuhan.?" ²³ iteto, ya yorana wara warababau wawehuto niangkok roro awehu kota none,auti hengkang kini yau yang. ²⁴ poi hinyontarai ya paria piwe hebui heronpararia wei marawe hinyontarai nei we poi hinyotarai we hengkangkani.! Piboki we hinyontarai yeing iwo behi cawawuni wa," ²⁵ Impaina yudas anti cona yesus,teto wei,"yauwa,Rabi.?" yesus teto wei aupoyapa," ANDIDERA WENUTARAI KOTA RUMANG YESUS ²⁶ Hema herampi yesus kyo rotiwa.wara tawunato,yesus pya babawa wiwo woa neomi wau soru inte pea cento minta ko mintarato, nimbo enutarai pina ²⁷ Yuwahara cawang,mengucap syukur inte cona ho soru, cento, mintokuira, minta runung kuiraroi. ²⁸ wa, neiwa norumang pina aidera we tewawa we hiyuntarai we purai ho sasari-sasari ²⁹ Epaya wa mintoru wo imba yunumba roo ai yanggarnewa raho hawe yempi,eruwaharei yunani anggur wewe yunung waworu kota mintoru robendar incai hewani. ³⁰ Yuwaha bewihi aparandi,hendato tawi zaitum. PETRUS IBE WEANGKAKARI YESUS. ³¹ Yesus tetowe neomi wau soru mintoru kuira imbe mintasacara ro rowinei woyauna, wo hembui kaman" imbe repa gembala,kota domba-domba kawanan hembawu tatera. ³² Impaina,etawa ha imbe epampona mintoroto galilea. ³³ Petrus cento,eha hesu hengkai woauna,yau wo imbe hecara hehuwa. ³⁴ Yesus pea wei, epaya au ho we mahine weau botoru to, ³⁵ Petrus peawei,tpoi imbe ekaya kota au imbewe angkakaria wa ! Neomi .baueha suru hentato paria pea wau teto. ³⁶ Impaina Yesus kyota womi ro rabuyang we hanowe getsemani,tetowe neomi wau soru, mintahoroni,kateha wa era hehomi.? ³⁷ Impaina kyo petrus kota poi boru ro zebedeus kyota hane sisai. ³⁸ Impaina teto we soru hahuara we oh anesisa yau pararia ye kaya eroni ere kakepana kotau," ³⁹ Interi ya tarumbai koteha enteri somi nota cuang ro paya oowu ro kakopa wawo somi cento incai wau impaina tope, ainamo cawan hihunei wewuwa yau, ramo,paria marisinopaywa,pariapi we hanea sopa," ⁴⁰ Interi, yawa neomi wau soru mamo herena hengkai,inte, tetowe petrus, impaina, muntapaya mintama kota yau jam bohiri wae.? ⁴¹ Mintara mamang minta somi manu mintasuro pencobaan rarowa roh wawi wotopena conta,wo ,wo imbetanuraine wo payawa ⁴² Yesus yah yakoa we boru wawi yah sumi,cento incai au,nimpie imbe wawure yau wa imbe yunung hanto paino terapa. ⁴³ Koa, muna yama ho soru herena wo hendekami mayang bati paina. ⁴⁴ Paina,wewura soru, wara yakoa,inte somi webotorupina pea tato we mahi. ⁴⁵ Interi yesus teweri we neomi wau soruma cento minta renato mintadena,hane kikyouto poi mamarang hendiarei to hinyontarai wra weasar. ⁴⁶ Mintawaha,muntandama tanda, muntadena,hinyontarai we hendiara yau hkikyeto. HENTAPU YESUS ⁴⁷ Yesus teto, yudas ro womi ne saru yama.hinyontarai hempurai heroha wari tutura pedang kota etung,ro imam-imam be tayai wau soru kota tutua ro nuyei. ⁴⁸ Impaiana we cong yesus wawi hengkamaui,teto,mateti ehohoi mana anauto muntatapuri," ⁴⁹ Yudas kikyewe yesus wa teto," salam rabi !"wara yudas hohoi. ⁵⁰ Yesus teto we soru neta wopari nemuwe hanea sopa,"Interi hinyontarai we hepurai wau henda mapui hengkikyetei hendiara hebaramu wau ⁵¹ Mintandena bohiri ro yesus wekio tei cuwa warambau cenyung nyoi wawi bei we imam baa wa soru kyutu ehi terakamdoi waioi. ⁵² Inte yesus teto soru mintarona nyoi pai taweri to rabuang we wyang roro wang wo matei yunyoi pa kea nyoi. ⁵³ Minteri to yau wa ehaneoho yawara to lucai yoaneawae,ro ni imbe cona rahehara; haura heha buru malaikat hoa soru..? ⁵⁴ Tope neah hawe rama wane we rang mamarang inte mehi we peaya imbe peraria? ⁵⁵ Ro hayaang yesus tetowe hinyontarai tuturapi;nyoi kota petung herong herentapura yau.? hamahimo emahope yenyaupi bait Allah ramo mintatapu yau wa. ⁵⁶ Manu pitau nimpe pararia werang mehi,"manu womine soru hendeara rabuyang neipi wara hembawu. HENTAPU YESUS ⁵⁷ Wehentapu yesus hengkou hera kafas,sang imam baba, ahali-hali taurat tuatua hempandura kuira. ⁵⁸ Impaian petrus conta yesus rama yaoroi wei manu warari imam baba hene wana. pterus suara pui meho kota pengawas wau soru. ⁵⁹ Interi imam sanheauru cewara we hendeho yesus hembe hukum keamabaune. ⁶⁰ Impaina saksi hempurai hendama hinyontarai buru hundama. ⁶¹ Impaina teto baba coha tetowe yesu,cento piahai cona nemu tatopeha wanyang hinyontarai ni soru hembe rayang we aupa.? ⁶² Interi imam baba coha tetowe yesus,cento piaha cona nemu tatopeha wayang? hinyontarai ni soru hembe rayang we aupa. ⁶³ Yesus teto wa, imam baba wau hentato we yesus cento au demi allah we wenora manu payang we antoru eporawa ha topeno lopeno wewara manuh poyawe antoru, wouwo mesias tia anwe allah antu tiau.? ⁶⁴ Yesus pea wei,mantau minta paya mehari. ramo, epayawe au nimpi wara muntadeho poi mesias mehora mamarang we nekuasa pai wara cowata,yaro areparai ro rorar heima. ⁶⁵ Imam baba hempoha cento,pia kengkani pinehai nekoa mintau dena,interi mintatahu tato kangkani. ⁶⁶ Pianehi metasaneahone"? manuanu yaudi, herento iwa kea tarai," ⁶⁷ Inte hengkyahi kikoya rekami wa inte hsu henturi kota,eha baha papa tarei. ⁶⁸ Hempaherento,interi wenu buatan we antoru to mesias aui matei cunanei.? PETRUS YAHO YESUS ⁶⁹ Impaina petrus mehoro wandiwau wararei interi womi wawing bauhi yama pea conto mintoru tato minta kota yesus hinyontarai galilea paitato. ⁷⁰ Ramo,peturs weangkakari ro heraro pong kuira,cento pauwa ereho piwe mintapayambai. ⁷¹ Petrus meti ro aturarei heai soru hendeho herento hainyontarai nimpi soru, hinyontarai kyo ta yesus ro wa saret pino. ⁷² konta,petrus tetoa pyora,yau ereahi hinyontarai yembi. ⁷³ Neiru wamo,hinyontarai we heroro vyangpa hengkaria hengkakari petrus herento tarai,mintoru tato mintadau piana hinyontarai. ⁷⁴ Interi petrus soawete cento yau wo eretawana hinyontarai tapomo mangkawei mawang bawi cona. ⁷⁵ Petrus interi haneaho yesus netatopa,mawawei mawang cona wani,mintangbekakari yau we botoru to. interi petrus meti wyora ya meha.