¹ Parari bendari Mamarang mehoroi wane peraria poi wawing bohura wehendu tatera ma henda heranong mawang. Boring hentata boring hendetapira. ³ Poi wawing boring wehentata pesoruna mahene wehene maning ne hawa. ⁴ Poi wawing boring hendetapira hemahi heramamang hengko maning kota mawe hengko wou. ⁵ Ramo aimiomang yama warama wamung, herena hengkei. ⁶ Ramo rowi rabuyang hehau paha herento aimiomang pi piyang yamato mintamatia mintadehoi. ⁷ Interi poi wawing wou hentawaha hendu mawou herongheihuara. ⁸ Wewe hentatawou hentato hera wewe hendetapira wou soru herento mintarong maining peha we antoru wo antane mane cemayo. ⁹ Rama wewe hendetapira nesoru herento imba maihawa mintoru kota antoru, moimbe mintada hera wehembowa maning wang soru mintarawayang we mintoru mehari. ¹⁰ herento henda herawayang mining peha wara aimiomang wawei yama, weheramani hesua kotei to aniwou wewawei apui wa sui aturaroi waawei. ¹¹ toyapa tampawa poi wawing wou ehahendakoama herento hepara aturaroi nei we antoru. ¹² Ramo interi, cento epaya we mintoru pitawa wiri yento ereaina mintoruwa. ¹³ Impaina mintatarma mintasiwei yauwa." TATOA PARARIA OMI BOTORU 14 "Bendari ro soroka pararia yinyontarai weyato nupehiya hehou kuira neomi wousoru. ¹⁵ Hinyontarai hama wiwo piwe nembou tatera hinyontarai wousoru pe boring 5, 2, 1, wiwo tatera soru interi ya. ¹⁶ Hinyontarai we kyorowena boring kyonembou a wiowa cengkoap wewiowa pamora ceduta rowenang boring koa. ¹⁷ Hinyontarai weborunei kyone rowena nembou ceduta rowena boru koa. ¹⁸ Ramo, hinyontarai we wene rowena bohiri nei byei kamdoi rokakopanei centanina rowenang wou tuanya neiruwamu. ¹⁹ Neirumpehi mora, mananu ro wominesoru yama cetora taweri koa kaota soru. ²⁰ Wewe ceduta rowenang boringnei cento rowena boring yeduta pening ekotawerimo boring koa rema. ²¹ Mananu wawei teweri, cento woratarei nowomi ne wora oha pitarei huatoraro mararising mananune. ²² Interi, hinyontarai we nerowena boru cedutato rowenang borrutato impaina ya tetotato cento mananupau, ona rowena boru weyau worapitarei. ²³ mananu yoaho, worapitarei wiri, omipau woratarei wiri ruapampang roro piwewe antitui yau eruwaharau huatoraro puia wemananu. ²⁴ impaina wewene rowena bohirine yatetowe nemananu erehoau ramo omiomi bai, kopi rorahora we tantana ro rawa kopiwe ria waramurawa. ²⁵ towawei peina ematai, erayeinina ro wenero kakopa rarongpa, rowena, mantau nemu pi wewenemu. ²⁶ ramo mananu wawei pearoana cento; auwo omi we worawa weperasi bai nusarari bai mintandewe era ekopi roro rahora we etantanang rorowou, ekikuira ro rahorawe erayana rorowah. ²⁷ toyang painag, wepitaraipe ano mintarona hawaweri waro bank manu etaweri mamo ekopino taweri kota ne bopuwou. ²⁸ ko talenta bohiri wowura kotei waruheiya woneiwe we netalenta haura wanei. ²⁹ weheipi herona henepipurei. wara wehene piehawa pituyahai nepa imbe hengko waruhi. ³⁰ hoa hambane wyorawa yeimpi nuwe berorang rawiya rabuyangbe wari tarya kekapana tancehina. ³¹ poi hinyontarai yatutura wepokokinema, kota maleikat nesoruma hemahoroh rabuyang we tayai raro we worawou. ³² nunei kuira kawasa penduri ro aropongne wiwo tatera bohiri to ehiya, pararia gembala yaweria waruha dombanei waruha kambing ne. ³³ Cona domba-domba ne hemahoro wara cowatang kambing-kambing ne henero wara cowiri. ³⁴ Raja nei tetowe soru howe henero cowata ne soru, mintadama wewe mintandama we Incai we berkati pa mintoru, mintane kerajaan heroni wyata cemawang. ³⁵ Wo ewara wa, mintarona yampi, erauhanaya, mintarona yanung mare, ewe hinyontarai, rama munta rewara yau ehua. ³⁶ ehama kakawiri mintara ehasung ehuhi mintande wawa hayau erobui mintandaho yau.' ³⁷ Mo interi, hinyontarai we mahi wau henda wei, Tuhan hapanehi antadeho au weriwang antaro wampi, ha panehi antandeho woriwang wara antaronau yampi; enterang sanaya wara antaronau wumeng? ³⁸ Hapa newi antandeho Au antandeho au we hinyontarai weramo antarewara Au hua, entehang kakawiri wara antasa sunawe ro hasu? ³⁹ Hapa mehanti antandeho Au huhi eite ro bui wara antandawe Au mantu?" ⁴⁰ Raja pai inte yoa, epaya wemahi peni be au, pariapi we mahipemi, pariapi mintarona we eneta sorupa weantitai werinei we Yau." ⁴¹ Interi teto koa we soru teto koa we hendo cowiri wau soru, mintabewura yau ro ererone, we mintado, to antadawei raroa antabe wyawe pitatoa coni woya cenong setang wani. Kota ne malaikat-malaikat. ⁴² wo ewariwa mintarona yampiwa, erau hanayamo yunungba. Ewe hinyontarai hendama ramo muntarewa yau hehuwawa. ⁴³ Erawe hinyontarai werama mintarewara yau ehuwa, hamakaka wiri minta sasung yau wa, huhi konta bui, minteho yau wa. ⁴⁴ Interi soru tato hempaya herento Tuhan, hapanehanti antadeho Au ne au woriwa ente rausanaya, ente hinyontarai weremae, ente huhi, ente hamang kawiri, ente waro boi, ente ewiwo Au wane? ⁴⁵ Interi pea we soru, epaya we pitarai ne we mintoru, pariapi mintaromparia waiwau we bohiri roro weantituiwiri mintoro pariawa.' ⁴⁶ Impaina soru henda to kaiya we byatawe pitawa puiya, wara hinyontarai we hemahi hendato we warato hawe rama.