¹ Yesus yaro manu mamarang mora inte nepoi anyau hendama herutang we cenyawa manu Alllah we henduara (bait Allah) inte heranyawa wei. wa cutang we soru. ² mintandeho pitau ning ete bae epa we mahi newe au paranding we wataro ni paranding pe bihiri wa wawiri yoro paranding pehi wawong wa. RETENANG HUHI RAMA . ³ yesus ya mehoro ro tawui Zairian, nepoi anyau henda hereima heroha hentato poya we antoru hapa nehi pitau nimpi pararia pa mawe pitarai kemana nunei paya kiai. ⁴ Yesus pea we soru, mintande tantawana wo cona hinyontarai pehi kyo mintoru to rayang we kapipyauri. ⁵ Hinyontarai hempurai hendama tutu ehanom ne wara hengko mintoru to rayang we kapipyauri . ⁶ Inte mintantaraho mamuni tutu andera nembau. mintantarakepana manu mumataiwa, wo pinimpi imbe rama, ramo nunei ya yiara ( nunei ya kiyai ). ⁷ pandura we baba, hembaiwe pandura we baba. karajang bai we karajang nunei anei tutu nunei anei we wara riwang kota mundi. ⁸ Pitau nimpi roro retenang huhi aiwawuna. ⁹ Mora herona mintoru A'' heronyiyayana mintoru hemung mintoru, wara mintoru hesane marara mintoru wa tutura ro nunei kiyai hesane wora mintoruwa tutu ra ehanomune ainang. ¹⁰ Ro harawawei hempurai hesanesisaya soru kota hesane marara soru wa tutu ehawau soruwa ¹¹ we heranyau pampinoma hempurai hendama herong waweri hinyontarai we hempitau. ¹² Herong hahepi wepurai pampang wara wewe herong hahura wau wata wia/ reaha. ¹³ wara, hinyontarai we hendoro kotei wau soru imbe heraduta we wora. ¹⁴ Andera nei hempayai tatera ro nunei ya kiyai hengdehoro hendekami mora nunei yama. HIHUHI BABA KOTA KRISTUS WE MAHIWA ¹⁵ Inte mintandenaho we bai we worawa , parariapi Nabi Daniel coha pea ro nu we mamarang, paina wewe mintampayai wau mintoru mintasanehahuarei, ¹⁶ Paina we hendoro Yudea, henda waruha to tawui. ¹⁷ Matei yoro nandang manu pai yeho wiara kyo piwero manu rarong waupe. ¹⁸ Matei yoro romipai yeho teweria kyo hasung we hesunei paipe. ¹⁹ Ramo, we heraihoha hendo kota we herona huhu poi wau herunung hendo ro hawe wawei. ²⁰ Tuang homiwei manu nemuwau roro we reaha ete nemu wawuwau roro hawe wora. ²¹ Tutu hawe rama wanemo hihuhi baba peharahi, pararia we tantaraho ehawamu, tandeho wamu roro nunei retenang wau manimpi, wara koaro hawato. ²² Ro hawe wawei herona tanang wora we henduara piehawa,we ciria wau mora haneng wau tanang. ²³ Mora ehi yama pea we au , 'reso Kristus yoro nimpie,' ete yoro wane reso roahoipe. ²⁴ Kristus kristus we hemahiwa kota Nabi nabi we hemahiwa hendama herong kamana pararia piwe tandeho ro nimpi kota herento mamarang pe soruna we herirya. ²⁵ Rengkakepana yau, tutu piwe epayane ro hawe yampai. ²⁶ Hedama hentato weau reso yoro tawui ahang reso rua hoi pe,' reso yoro manu rang pa wowu reso antanembau mahipe. ²⁷ peraria wewerya we cenyiyaira ro O cata yato O su. pararia Allah hawe yamane. ²⁸ Ro nuwe we kangkehang I ancina ro yampi andowa nasar hempandura ro yampi.'' YAMA PIO HINYONTARAI ²⁹ Hihuhi wau rama, O nei cang ba tutu sembai nei cona deha wa, piori wewe ro wawong dai tanandu hu mawehu paya, mambiri we roro wawong dai abaki.' Yesaya 13:10; 34:4 ³⁰ interi, piwe tandeho mora poi hinyontarai yama tandeho arepa rai kota nepaya we baba. ³¹ Cetatang Malaikat malaikat wana soru kota hendaupui, tabura, hehau hinyontarai we ciria wane soru hempandura nu boati hundu ine, tutura, nu boati hudu roro wawong dai. ³² Mintaranyau tato kakera roro ai ara arawang kikauri wau panane wara yiwang werang hasaseng to pea yang mora kikeu we hamaring pena. ³³ Topena mora mintandeho pitau nimpi to mora, piampi yama ki keu ro aturarei huang neto. ³⁴ Yau, epaya pitarai ne we mintoru kota, ai wawuna nei yowa wiyata kia O'' pitau nimpi tandeho. ³⁵ Roro kota kapuya do'' ramo andera andera none hendo wa.'' HAWE HINYONTARI PIO YAMA ³⁶ '' Topenang ramo hawe yaro mawane tasiwai wa, hinyontarai bohiri siwaiwa, mantau roro we hesiwaiwa poi Allah imba tato wara mantau Allah mantauni. ³⁷ Pararia we tantaraho Nuh, hawe rampa hinyontari poi interi yama rahi. ³⁸ Pararia hawe wepoha wamu wau. soru, herampi , herunug, hembawu kiao'' hawe Nuh cata roro, wa bahtera. ³⁹ Hemparandeni kio'' wepoha yama kio hinyontarai wau soru kuira Allah yamamo topenag tato. ⁴⁰ Humbe boru ro, romi wanei mora hengkowi ehi mora wyora. ⁴¹ Wawing boru humparepi hurehi hengkowi ehi, ehi wyora. ⁴² paina mintasanekakepana wo mintasiwaiwa hanehi mamaran yama. ⁴³ Ramo mintambetauto we nemanu yehoto hanehi diwi , deha ete we menanapi wanei yama. ⁴⁴ Towawei paina mintoru tato mintaranona mintarmang tato yamawane ro we tandehowa. MANANU WE MYAYA KOTA MANANU WE BEI ⁴⁵ '' Matei we mananu we maya tutu cong bora, we ne mananu, baba yuwahara tutu mananu nempai kiei manu herona roweang we eha soru roro hawe mahi? ⁴⁶ Mananu yang sorun heraruto we mahi we wora ro hawe hene manu baba wanei yama. cedutei ro yo yuarapi. ⁴⁷ topena tarai epaya weau, mananu baba yama yuwahara, ne mananu wau soru tutura pitau henembau. ⁴⁸ Ramo mananu bai (mananu) teto ro haneraro, mananu, hahuara te ruama. ⁴⁹ Inte yoa mananu ehawau soru, wara campi canung kota we hemaheru ; ⁵⁰ Mananu we ne mananu waweipi roro hawewe roro hawe swyaiwa, ⁵¹ Mora conei yoro kota hinyontarai we ona we hiwa iwa, weang kakari. ronura wawei, harawawei, aidu hane sisaya.