¹ Interi, Yesusi teto hinyontarei tau wau sorua kota nepoi anyau wou soru, ² " hinyontarei Taurati kota hinyontarei Farisi wau soru hemahoro Musa ne kadera wawei. ³ Hopi wawei impi, pitau wawei, we hempayaya herouma, mintaroneiki, kata piwewe cona hosoru poyaya ra, ramo herona pararia wa. ⁴ Soru hengkare karariha wau baba wou we mayambati interi herona wataro hinyontarei eha wou hembaratara wou. ramo interi, soru mehari imbe henuharari wre heronapiraro hembarakikea wou wa. ⁵ Soru herona pitau wawei manu hinyontarei wou hendeho soru. Soru herong pampamua weiwe taantuang bou pa, wara herasunaz hasung baba tanumbai rahawa. ⁶ Soru hemarandisina rahora we we wora ro ani mamarang. Ro manurarong we tantuang rowou, ⁷ Rahora we hentuang, ro rahora kasawasa tau, wara hempayai we Rabi ro hinyuntarei wou soru. ⁸ Ramo interi, au imbe hesano au rabi hopino katu bohiri nemu Kuru wawei, wara au mintambe neta kwira. ⁹ Imbe hesanoa matei pampinoma wa we tamamui ro nunei ning wara Tamamui katu bohi, ancino yo rora rahei. ¹⁰ Au imbeba herahanoa au mananu wara Mananu bohirpi, anci Kristusi. ¹¹ Ramo, we baba ro mintorehi, anci ya coung mintoru. ¹² Matei ci wewura nutarei ne wara heraekakepani koyta matei ci yia nutarei wou pa imbe henduwahari tayeipa ¹³ Au koaparahi, paya-paya Taurati kota hinyontarei Farisi, hinyontarei we hereisahari! Au huiaturaroi rora raheipa hopino mantau au mehari imbe huatorarompui yawa, wara ewarapikara soru we ye henda hesua roiya. ¹⁴ Au koaparahi, paya-paya Taurati kota Farisi, hinyontarei we hereisahari! au toana manu kabom kota tutu tuang aisahari we tanumbai. hopi wawei, au ingkei ko marumat wewe mamba wiri. ¹⁵ Au koaparahi, paya-paya Taurati kota hinyontarei Farisi, hinyonytarei we hereisahari! au ruawarya rawanang kota wondere wara ko hinyontarei mintasua to agama nem bou. Kota, interi i piampi peraria mintorehi, au onei pararia we poi antang pampang, boru wiri hopi ro mantau au. ¹⁶ Au koaparahi, hinyontarei mananu hendekabe, we mintapaya,'matei pyora topeno Manu Allah rahei, waweimo ne piehawa. Ramo interi, matei anci pyora topeno emasi Manu Allah weipa.' ¹⁷ Au, we bontata kota rengkabe pa? piheinci babane, emas ete Manu Allah we comwora we emas waweipa? ¹⁸ Kota, 'matei ci pora topeno arompong rowou, pora wawei ne piehawa, ramo interi, mateici pora topeno piwetaronawou ro aropong apong wou, iwo hengkarehi tutu pora nembou.' ¹⁹ We au hinyontarei hendekabe! Pihanci babane, piwetarona wou ro aropong rowou we compi we wora we piwe tarona wu? ²⁰ Interi, mateici piora topeno, romanu raro we tasomi weiwou, piora topino manu manu rarong we tasomi roiwawei tutu pitau we ro wawondei wou. ²¹ Kota, manteici piora topeno Manu Allah, piora topeno Manu Allah kota i we yoro aisira ro rarongbou. ²² Kota, mateici piora topino rorarahei, piora topino Kadera Allah, kota I we mehoro wawoangpa. ²³ Au koapirahi, we paya-paya Taurati kata hinyontarei Farisi, hinyontarei we hereisahari! Au onapi houra hawaru ro nempi romiwou, ro piweoungwou, ramo interi hensaneparandenya piwawei we mamba ro marumat taurat wou, eino tarombara, tasaneho tantoru, kota iman. Pi mancau nimpi we conamo onaparari nunsa porandenya pieharane. ²⁴ Au mananu we rekabe, we omberya emaning baou wara toana unta wawei! ²⁵ Au koaparahi, we paya-paya Taurati kota hinyontarei Farisi, hinyontarei we hereisahari! Imbe, au roipira nyopkou wondi wou kota parwahi wondi nembou, romo ro rarombau conu tutu heranyung paposara, kota mamuni. ²⁶ Au hinyontarei Farisi we hendekabe! roipira pampong nemu nyopkou, kota parwahi rarompa pa, interi roipira cokop kota parwahi rowonbou manu rarombou kakawuri. ²⁷ Au koaparahi, we hinyontarei Taurati kota hinyontarei Farisi, hinyontarei we hereisahari! Hopi, au porariapi ayata we hesima kutwa buha ro horare wondi wou we tanderuara mo wora, ramo interi rarong wawei conu tutu wekaya nehina kota kwira mo hemborawa. ²⁸ Waweipi tato pararia au hinyontarei hendeho au mo wora, ramo interi ro hanemrarong wou conu tutu askakari, aisahari kota mamuni. ²⁹ Au koapirahi, we hinyontarai raurari kota, hinyontarei Farisi hinyontarai, hinyontarei we kereisahari! Hopio au mintoronu wyata hinyontarai nabi kota hengko wanuha keasaneawawo wou we herong sasarwan, ³⁰ Wara pea, wa piyang antambora ro hampi we antatapumi orya, antoru umbe antangho hawaru kota soru ro rumang roro we hinyontarai nabi pa soru. ³¹ Tutu wawei, au poya kama-mana we huntarai wou mehari hopi au poi ro soru ro hunyuntarai we hemung Nabi wou soru. ³² Inte, pararia ropi wou we tamui orya wau soru. ³³ Au, ara ai wawuna araya manuna pineh we au manu pikara nuntarai wou waruha marumat antang pampang wanei? ³⁴ Ho piwawei pi, minta para mataki, yau yeitatana nabi, hinyontarai pandai kota papaya-paya Taurati we au ma. Botonehi ro soru ingkai mung soru kota henghare ro aitaba wang, botoneha we mung soru ro mana tuang wang, wara onyinya yana boto neha ro bendar to bendar wang, ³⁵ manu hunyuntarei touwou hene rumang we wora wou tawuwa ro nunei ingkai ramo we herauma,wiri ro Habel rumang nembou poi berekhya, wa au mung ro manu rarong Allah kota rarong bou. ³⁶ Pining pararia, yau epaya pa hera au mantu hopi pitau ning ingkai rama nung we ratopong wama." Marumat We Yerusalem ³⁷ " Aro Yerusalemi, Yerusalemi, we hemung hinyontarai nabi mintaso we hereitatana woi soru ro paranding herei ya. Yau yeidu kia epandura ne poi wou kwira pararia manghoi hinyaupehi pendura au rumbou soru ro warape wou wawa, ramo hunsarari. ³⁸ Poramatahi, nemu manu wou hemba wurei we au wara wena hopi. ³⁹ Ramo, yau epaya herauma hopino ningpi, au imbe renso yau wa kiao au poya "We yama tutura wewara ro ehanou ne.