SOSIAU ARARI , PARARIA WE HENTANGTANANG ¹ Harawawei Yesus meti ro manu wau Ya mehoro weruru horare. ² Hinyontarai hempurai hengkikuira soru hereima pamora Ya cata ho wanei meho wara hinyontarai pitau wau heroha ro weruru wawei horare. ³ Pea anyawa sosiau we nimpi purai we soru."Cento we tentanang pehi ya tentanang. ⁴ Ro hawe tentanang piwe canang wau kami peha huro rayang wau horare, andowa hesapo ma herangna kai. ⁵ Kami wau eha huroro nuwe paranding ro nuwe kapuyawa. ⁶ Ramo otepiramamo pitantanang werangwau mayo wa weoa wapaita toyanao maha. ⁷ kami wau eha hua ro we papea we asasinai. ⁸ Wara kami peha huroro kapuya we wora baba we bong nehai 100 kali lipat nehai 60 kali lipat. Wara nehai 30 kali lipat ⁹ Matei we tarakabrei pa mora taraho! YESUS CENYAU RORO TATO KAKERA ¹⁰ Poi aninyau Yesus hendama herutangwei, pinehai conamo totowe soru ro tato kakera Yesus hinyani kota neta herombata, hewawi. Hesaneangdamo bapaina here hengkoi taweri. ¹¹ Yesus teto ew soru maneta ro au oduta paya ongdeho ainina karajang rora,ro soru imba paya ro soruwa. ¹² hinyontarai we henupanang hero hahuarapi ceduta rayangwe wora cedutapi (nepiawa).Ramo matei ne ehawa ramo ceduta kotei. ¹³ Topenang paina yau etato we soru ro tato kakera hendehowa tutu we hentaraho wa soru hentarahowa kota hesaneahowa. ¹⁴ Ro soru pararia Nubuat Yesaya we pea cento tantoru tantaraho ramo tarona we tasaneahowa we tandeho ramo tarona we tandehowa. ¹⁵ Rakia hinyontarai tau hentarahowa henuharari hengkawu kepana hendekami. Wara imba hendeho ro hendekami rahi, hembe hentarakambrei mora hentaraho rahi. Hesane hahuara soru ro hesane raro mora interi hentaweri hereima cona soru hempanang. Yesaya 6 : 9 - 10. ¹⁶ We werekami yeho hahuara mora ceduta we wora, we wetarakambrei taraho hahuara mora ceduta we mahi. ¹⁷ Yau epa we mahi newe au hinyontarai nabi-nabi we here hendeho pinehai mintandehopa ramo hendehowa,wara we hasene hentaraho ramo hentarahowa. ANYAU RO TATO KAKERA PARARIA WE HENTANTANANG ¹⁸ Tarasoe piahai hempa kakera parari we hentantanang yang. ¹⁹ Inte hinyontarai wau hentaraho andera karajang rora ramo hesane ahowa paina webai, we cemamunai yama ceruraha pitantanang roro hinyontarai yampi hesane raro. Anei hinyontarai we yayana kami newau ro rayang horare. ²⁰ Nehai hendayana roro rahora we paranding, nimpi soru herona hesane rarong kararihi. ²¹ Beba ramo neoaha ro mantauniwa paina coha maituiwa, coha katehaki. Hawe rama mananu we amamuna i hendama henyinyayang tutura andera we wora wau mora tebari (tebatah). ²² Aiboi kami we huro papea we asasinai soru wo hentaraho andera wau to ramo parirari nunei tutura piwe tane, tutu angkakari conamo andera we wora wau we bongwa. ²³ Ramo hinyontarai we hendaya aiboi ro kapuya we wora, nimpi soru henyontarai we hentaraho andera hesane kakepana.I anci we bong pitaraipa.nehai 100 x lipat nehai 60 x lipat nehai 30 x lipat. TATO KAKERA PARARIA NANIMPUNG MANAHANGBA KOTA GANDUM ²⁴ Yesus pea anyau tato kakera we ehawau we soru cento "karajang rora anci hempa kakerai pararia hinyontarai we hentantanang we wora wau roro romi (ladang Tuhan). ²⁵ Ramo nimpiwo hinyontaraine heramamunai hendama hendayana nanimpung kami roro gandum wau ne horai-horaiwau wara henda. ²⁶ Aikami wau baba mahi, tayai mahi mora interi nanimpung wawei teai tato. ²⁷ Impaina wene rominei yama cutana cento! Au tuanang aiboi wampa ete auwae,roro nemu romi wanei. Wara nanimpung wane rampi nehama. ²⁸ I pea we soru, we bai cona, mora mananu mamarang hempaya wei muaya ete imbae antanda antampaha nanimpung wang antangkikuira waruhae. ²⁹ Ramo mananu rawawei cento "woraki mintampandura nanimpung imbe mintangko gandum wane kota rahi. ³⁰ Ainamo humbaba kuira kiaoo hawe hengko aibomu wanei. Hawe hengko aibomu wanei "Yau, epaya we we hentantanang wane soru.Retenang mo mintampaha nanimpung pa pampong mintarora mintasia, wara mintampandura gamdum pa roro no asiru papusipai. KARAJANG ALLAH WANEI MIOMA PARARI SAWI KAMI KOTA RAGI ³¹ Mora inte Yesus pea ro tato kakera we eha kota eha "cento" karajang rora wanei peraria sawi kami we hinyontarai hengkowi hendayana ro romi. ³² Aikami rawawei mioma waruha ai kami tau we eha wau kuira. ramo bebamo, beba hehara waruha kangkamu we ehawau. wara beba weai, andowawau hesapoma hembe henekaraini ro arawangwau. ³³ Mora inte Yesus pea hahuara, andera kakera we eha wau roro tato kakera. we soru : Karajang rora waweiwo peraria ragi. Hinyontarai wawing pehi conei apuiho adonan tepung kioo sua ho ragi wanei. ³⁴ Pitau nimpi Yesus pea we hinyontarai we hempurai roro tato kakera, wara tato kakera peha wamo imbe imba. ³⁵ Topenang pino mahi pararia piwe nabi (Mananu Mamarang). "Yau eruwahara ro tato kakera roro tato kakera yau epaya piwe heraininia roro nunei henari wau. TATO KAKERA PARARIA NANIMPUNG RORO ROMI. ³⁶ Mora inte Yesus Ya waruha hinyontarai hempurai wau soru suato manu wau apui, inte nepoi anyau wau henda hereima. Herento : Poya we antoru pararia pinehai hempaya we aninyau tato kakera we parari nanimpui roro romi. ³⁷ Wuwahara peapeno: Hinyontarai we hendayana aiboi we wora mora : Poi hinyontarai. ³⁸ Romi mora nunei, Aikami we wora mora poi-poi kerajaan wara nannimpung mora poi hinyontarai we bai (we hemamuna ). ³⁹ Iwo we canan paiwo pimaici (iblis) nang kota waramararia (aibomu) nunei carakia yiara (akhir zaman) we hendama hengkou wangsoru wo malaikat sorunang. ⁴⁰ Impaina pararia nanimpung we hempandura hesiaro antang, topenimpi ai tandehoro nunei ya yiara ropenanto. ⁴¹ Yesus cetatang Ne malaikat soru hempandura paranding sandungan wau kuirakai, kota hinyontarai we herona bai,amuna roro ne karajangwau. ⁴² Hendu hesoa to antang wanei arau. Ro nurawawei imbe aidu,wori,hesanesisaya soru. ⁴³ Interi hinyontarai we hemai wau soru hempararia o ai karare camberia ro manu mamarang karajang heneng we heronei wanei, matei we tarakam reipa taraho. KARAJANG RORA PARARIAPI PIWE TARONA PARARIA MUTIARA ⁴⁴ Karajang rora, pararia pitane tarona wata pararia amu we hengkiei herengtapura ciang pinoma (pararia pitane tantanang ro romi). ⁴⁵ Karajang rora pararia hinyontarai we hembowa pi we wora. ⁴⁶ I ceduta mutiara we hano tayai hembowa pitau henembau mora herawayang pitau yampi. KARAJANG RORA PARARIAPI AMU WE ONU TUTU CIANG ⁴⁷ Karajang rora pararia amu we hendiarei herentapura ciang. ⁴⁸ Ra kia Amu conu tutu ciang heranyus to wonde are hempandura ciang wau hesoniaho nawang we baba wara hengkia we worawawau. ⁴⁹ Paina nimpi ai inte towawei roro nunei yayiara. Hinyontarai malaikat hemati hempandura hinyontarai we hemahi. ⁵⁰ Hengkia hinyontarai we hemamuna wau soru to antang wawei arau. Roro nurawawei, aidu rama, wori, hendewawahara wa hembori. ⁵¹ Intetoe mintasane hahuara mintoruho anyau nintoe? ⁵² Inte Yesus peawe soru hinyontarai taurat we mambri bohiri kota bohiri we hembe poi anyau Yesus roro karajang rora. ⁵³ Pararia we ne manu icona pitau wau to wondi we tawa kota we waworu. HENUHARARIRA YESUS RO BENDAR WE YAROROI MAPAI ⁵⁴ Inte Yesus ya suaro bendar neng wawei cenyau roro manu hoarya hinyontarai wau hentantuma herento ruampi nehama nemu paya wewa ro nimpi ceduta piwe tandehowa. ⁵⁵ Iye neiwo poi sukang ai nang nete, we hinyani hano mariai pinan ete. Yesus kota neta simon,petrus, yakobus ,yusuf, yudas. ⁵⁶ Ete ne raro wawing pe sonangne" I hinyontarai neiwo ceduta pitau ning kuira. ⁵⁷ Soru hesane rarong apai waweria herento Yesus pea soru, teto cento soruwo Yesus tetowe soru cento hinyontarai nabi mananu mamarang pehi mo minto mintantuangwei wae. Wara tamani mananu nemuwaneipino. ⁵⁸ I cona piwe ceduta wau roro wawei kaiwa tutu hinyontarai we hendoro wawei he