¹ Roha yeimpi, mananu Herodes, ro nura wawei, taraho Yesus hanong bau. ² I pea ha huara we ne mananu-mananu wau soru wau soru. " A nei Yohanes we cona hinyontarai hengkura. Ia tewaha ro wehengkaya henu rabuyang, tope wawei pino piwe cona tandeho rotandekami nimpi roroi. RARA KAIYA YOHANES CONAWE HENGKURA ³ Wo, herodes tepu yohanis , cawuti, hempapari to bui tutu herodes na Filipus, wawingni herodesra wawini pina. ⁴ Wo, yohanis piang pea weroana weito " Imba we mahi haro auwa we nemu herodes ⁵ Herodes hane we miung yohanes Matei we hinyong tarai we hempurai tutu hereng to Yohanis wo Nabi ⁶ Topenang damo rakia herodes ne hawe herawini roro wau rama herodes angtu wawing meai ro tani aropong doro wau manu Herodes hanerarong merising. ⁷ Ipaina piora cona pitau wau we wawingpai. ⁸ wawing bawei hinyani sekaka ceirora, wawing weimpi teto cento,' onaweyau ro peno ninto Yohanes cona hengkura ro ro kasisai. ⁹ Mananu hanesisaei, wiori,' ramo papora wau wina mora, interi hinyontarei we herampi kotei i'' pea manu piwawei herona. ¹⁰ I cetatong soru hemperang babahu Yohanes rukami robui, ¹¹ Yohanes rukami hengkouto karusai wauarau, heronei wawingda wawei wara kiou hera hinyani a. ¹² Mora Yohanes waua herata, mora interi hengda hempaya we Yesus. ¹³ Interi Yesus taraho pinimpi sunei taweri ro wa too rabuyang be mana nopi mehara, interi hentaraho topai hendama henongtei hinyontarai hendari. ¹⁴ Wra inte Yesus meti, inte yenamoo hinyontarai hembe marangdang wara hesaneho hosoru weweria wesoru tuturo cona, hempanang roro henehuhi. ¹⁵ Roro hapai kio dowito poianyau wau hendai hera Yesus ahirento rahora neipi menanopi cedowi kikeuto otatang hinyontarai tau ne hendato kampung-kampung manu herengta wayani roweang pehe-hembi wo wea tau soru ¹⁶ Topenangdamo, Yesus peawe soru, soru hendawa, mintorona roweang peha we soru. ¹⁷ Hempa wei ronimpi tantoru tane piehawa wara cung boring kota ciang boru ¹⁸ I pea cento mintangko hera yau to nima. ¹⁹ Mora interi cetatang hinyontarai tau wau hemaho nanimpung bauy wawo, inte kio cung boring bau kota ciang boru wau, inte powaha rekami yeto wawongdai cewara wara piobabahu roti boring bau kota ciang boru wau tpe wau wei mora inte conawene poianyau wauru, kota hinyontarai hempurai ²⁰ Herang hengkai hemohi, mora inte hempangdura we ho wau ho, nawang hauraha boru ciz karanjang 120 nuh. ²¹ Wara we herambau hembe 5000 mawang wara heratora wawing kota poi pewamo. YESUS BERJALAN DIATAS AIR ²² Yesus cetatang nepoi anyau soru heretaho wanei hemararu. wara hengda pampong to mare hawaru cohi awaru. Inte cetatang hinyontarai tau hembawura ²³ Inteto,'' Yesus cetatang soru hemba wura mantau cata mehari to tawui wawei ae somi kiaoo dowi topaina miehari yoro ²⁴ Ainanto romo wa wei yatarumbai waruha wonde wau wei yatarumbai waruha wonde wau tarowa yoyarei wo wanang bawei ²⁵ Inte jam pe boati, rorowi waweipi yaro hahi wawo hera soruma. ²⁶ Yesus ne poi wawo hera soruma hema aba, hesahau wara herengto ori'' mora inte hesahauba wo hematai. ²⁷ Ainanto ramo Yesus teto kota mantau soru, cento, mintamatai, mintasane paya, Yauning. Mintamataiwa ²⁸ Inte Petrus tetowei, Yesus aunane au namora hohau we yau eraro hahi nei wawong hera aumantau. ²⁹ Yesus teto, '' ruama! inte Petrus wia ro wawawei, ciarohahinei wawo hera Yesus a. ³⁰ Ramo Yenaho wanang bawei, i' metai paina meruto, hehau Yesus ruwahayau ³¹ Yesus cawang tuwa warang haropiara yuwaharei wara teto,'' mintowe henuina ro hesaneraro babawa, mintope mingta matai hoha yama?'' ³² Inte herataho wanei wanang bawei ya yiara tato. ³³ Inte we herapi ro wanei hesomi Yesus wa hengtato herento, '' Au nataraii to! '' auwo Allah nepoi ciau. YESUS CONA WEHESUHI HEMPANG ³⁴ Inte herapaia hesuro nugenesaret. ³⁵ Hinyongtarai hahuara warinu hempaya hahuara warinu rawaweikiai wara hengko hinyontarai tau we hesuhi wau soru hera Yesus. ³⁶ Hempa kama we Yesus, i angtangdama angtang, kiria rurana nemu hasung pai ete imbae. Hinyontarai tau we herongtuta ne hasung bawei hempanang.