Yesus Iwo Tuhan Ro Ha We Boitu ¹ Inte roha yeimpi, Yesus ya ro romi gandum roha we boitu, henda kia we herontei wau soru hembariwang, paina hengkaripa bulir-bulir gandum. ² Ramo inte, hinyontarai Farisi hendeho, soru, wa hentato wei Yesus "Reso, we henda kota Au pa soru herona we matiwa we ro hawe boita nei." ³ Ramo, Yesus pea we soru, "mintaratora ro werang pai wamune piwe Daud cona wewe herontaipa soru wae ro hembariwangpa, ⁴ Copeneha ro sua to manu rarong Allah ma cang roti we herona ro we I mo herontei wau soru, wara we para Imam wau soru keto? ⁵ Imba mora, mintoru mintantaraho/mintandeho ro tato andera, pararia ha we boitu hawe tantuang tandoi wei, ambe baba we hendoro manu Allah hendahe hara hawe boitu wau ramo soru heraduta we mahi. ⁶ Ramo inte, epaya we au wewe beba hehara manu Allah anci yoro ronimpi. ⁷ Ramo, inte mintoru pia mintasane aho to mora: Yau eroa ho mintasane rarong pa wara pararia piwe mintarona we yau pawai, mintoru imbe mintarona we mahiwa pawe we heraduta we mahiwane soru wa. ⁸ Pararia, hinyontarai poi iwo Tuhan ro hawe boitu wawei." (Hawe tantuang tasahau wei wawei)." Yesus Cona We Panang Ro Hawe Boitu (Hawe Tantuang Tasahau Wei Wawei)." ⁹ Interi henda ro wama, Yesus ya ho manu we hentuang hesomi wei ro wau. ¹⁰ Yeho, hinyontarai mawang we warang cohi penanang. Interi, herutana Yesus I. Herento, "Interi mahi e we herona hinyontarai henimpang ro hawe boitu e? Herento manu herombaweria Yesus. ¹¹ Interi, teto we saru, "Ro mintoru mo matei ne domba, pehipa, pararia domba wawei suro kamb rei pehi ro hawe boitu wawei mo. Imbe cedutei ma kyou to wondie? ¹² Inte pararia hinyontarai ne tantoru imbe sei waruha domba wawei! Inte toyampi mo, tarompi we mahi ro hawe boitu." ¹³ Interi, Yesus tetowe hinyontarai wau soru, "mintarona mintambaramu pa." Hinyontarai wawei pi cona warang cohi wawei ma panang pararia warang we ehi wawu. ¹⁴ Ramo inte, hinyontarai-hinyontarai farisi herona we mahi wa henda hengkuira herona amuna wei, topneha manu hemune ne. Yesus, Mananu We Allah Nei ¹⁵ Inte, Yesus, haneaho piwe wawei, Ya waruha nu we waweipi hentapei herongtei wara cona soru hempanang, ¹⁶ Wara pea kamana we soru manu hendeho hempaya hahuare pe. ¹⁷ Piwe tonimpi manu Yukuira tatowe Yesaya pea hahuara wau: ¹⁸ "Reso, Nomananu we we Ehanehoi , ma conamo ehane rarongnei mehiwei ambe / inte Yona no we payane wata kotei, ma i ambe cenyawa we mahi we kawasa- kawasa we eha wau soru. ¹⁹ I'' ambe nuharari wa ma hehau mo imbe hinyontarai pehi taraho raupui ro yampe. ²⁰ Netuing we tekahi imbe coni tekutu wama antang we wawei meo imbe conei kea wa, kia cona we mahi wora , ²¹ inte ro hanongwau, kawasa -kawasa we ehasoru hesane cara .'' Yesaya 42:1-4 Allah Cona Paya we Yesus ²² Interi hinyontarei pehi we marawa wou hua roi we we hendekabe, kota hensua tanung, hengko soru hera Yesusi. Inte, Yesusi cona hempanang paina hinyontarei we hendekabe we husua tanung. ²³ Hinyontarei wousoru kuira hesane hahera ma heruntang, " paina I wo Daud ne poi nang ne?" ²⁴ Ramo interi, hinyontarai -hinyontarai Farisi hentaraho ma herento, "hinyontarai nei imbe cecawa pimaici-pimaici we hembe mambri ro we yukami ho soru waweiwa ." ²⁵ Yesus yeho piwe hesaneahowau inte pea we soru, "Ro rahora we hentatera herona amuna waweria we mantaung soru, hembawura ma ro bendari wa mora manu rarong we hentatera herona amuna waweria we mantaung soru imbe hendo neirung wa. ²⁶ Paina pimaici cecawa pimaici, I tetera cona amuna waweria we mantaungni impaina topeneha manu hendoro rahora wawei kia neirung? ²⁷ Wa, interi yau yecawa pimaici we hembe mambri ro we yukami, we soru, wara mateici ne poi we cecawa sorupa? Impaina, soru imbe hembe hakim we au. ²⁸ Ramo inte ro Allah ne we mahi, yau yecawa pimaici we hembe mambri , rahora Allah pia yama we mintoru. ²⁹ Wara, tope neha hinyontarai pehi suaro manu hinyontarai we piaya ma kio nepi ew roro manu wawei ramo i cawu hinyontarai wawei pampongwa? Interi menana piwe watara ro manu wawei. ³⁰ Mateici yoro kota yau wane, cerura we yau koaci yurikuira kota yau wane,umpikara waweria we huru. ³¹ Toyampimo, yau epaya we au paina sasar hinyontarai kota tato kangkania we Roh imbe peririwa. ³² Wara, mateici tetoa we mahiwa we poi (hinyontarai Mamarang)pa imbe periri, ramo mateici teto Roh kudus wamora imbe periri iwa , ro hanei to ha ramawane." AI HENDE INEI ROPE BONG WAWEI ³³ "Paina ai wanei wiora, mora bong wane tato wora , pararia ai wanei wiorawa, bongwane worawa tato. Paina ai wawei hendeinei rope bongwau. ³⁴ E, aiwawuna araya we mintamahiwa, tope neha pa we mintoru we mintambe mambri mintampaya wewe mahi? Wo ro mintasane raro, mintantato ro mintasuamu. ³⁵ Hinyontarai we herong wora hentatoa tato we wora ro we mahi, wara hinyontarei we herong we mahi wa mora hentatoa tato we mambri wou. ³⁶ Paina yau epaya we au tato we mahi wewau we hinyontarai wau hentatoa, soru wau interi hengko hene ro hawe pere ninei wanei. ³⁷ Interi we poya pa, cona wemahi wane we mintoru, ma interi piwe poyapa, ambe mintaraduta we mahiwa wane. HINYONTARAI FARISI KOTA AHLI TAURAT HEREWARA KAMANG ³⁸ Impaina ahli taurat wau soru hengkota hinyontarai Farisi wau soru hentatowe Yesus,"Guru, antoru antare antandeho ona kamang .'' ³⁹ Ramo, Yesus pea taweri we soru wa cento,"hinyontarai pampong nimpi mintoru mintamborawa mintarewara kamang.Paina imbe yona kamang pehiwe mintoruwa ramo mintandehopi kamang Yunus. ⁴⁰ Ramo,pararia Yunus wewe yoro ciang baba wawei hanengpai ro hawai botoru kota rowi wau botoru, parariapi hinyontarai Poi Mawang wanei imbe yoro ro nunei wawo hawau botoru rowiwau botoru ro nunei wawo. ⁴¹ Hinyontarai Niniwe heroha kota wewe hendoro yampi wau soru ro hawe cirya ma miung soru wau ramo soru herarokutuya hentaraho araria ro Yunus wau. Ma,mintandeho ,we beba hehara Yunus anci Yoronimpi. ⁴² Ratu we yoro selatan ambe tewaha kiota hinyontarai we hendoro yampi wau soru ro hawe cirya ma miung soru wo I yaro nunei remong waneima taraho anyau salomo. Ma mintandeho we beba hehara salomo anci yoro nimpi. PIMAICI TEWERI TO WE KAKAWURI ⁴³ "Impaina pimaici wawei meti waruha hinyontarai wawei, i ya waruha nuwewe we mare wau wara cewera nuwe manu meho aisira ro, ramo ceduta nupe hawa. ⁴⁴ Paina, i cento, au imbe etaweri to nomanu wanei, manu we emati roi wanei. Inte yasu,i ceduta manu wawei kekawuri,piampi herirarito,ma mehito. ⁴⁵ Impaina pimaici wawei ya kio hembe boitu koa we hempaya hehari, ma soru hesua hendoro ro wampi. Impaina, hinyontarai waweipi newe marawawau apaihehara we pampong wau. Impaina imbe hempararia hinyontarai pampongnimpi we hembe mambri wau soru. YESUS NE MANURARONG MANTAUNG ⁴⁶ Interi Yesus teto kota hinyontarai we hempitau wau soru rahi, wara hendeho Yesus hinyani kota neta wau soru hendama heroha ro wondiwau, ma here hentato kota Yesusi. ⁴⁷ Hinyontarai wau ehi pea we Yesusi, "Rena, hinyamui kota nemeta pe soru heroha wondiri, here hentato kota Au." ⁴⁸ Ramo,Yesus teto taweri we hinyontarai we pea hahuara wei wawei cento, "Mateici awinimne kota mateici No enetane? ⁴⁹ Ma interi yuwahara warang wau cubanyawa tatera Ne hinyontarai we herongtei wau soru, Yesus cento, "Nimpi soru No eneta sorunang ma no enetape sorunang! ⁵⁰ Impaina mateici cona hahuara Incai ne andera nepa weroro rora wanepa, I anci we eneta mawangpa ma we eneta wawing weipa kota awini nipa."