¹ Nu reiy’ mouw i tu Yesus si kimelang maledong eng Galilea, karengan Nisia si so’o tetap mena’ witu e Yudea, karengan maname se tou-tou Yahudi se me’inakut mewewunu’-Nisia. ² Eng katoroan ni’itu en tawi mouw e nendo wangko’ ne tou Yahudi, nyi’a i ti’i e nendo wangko’ Pondok Daun. ³ Takar pokeiy ne patuari-patuari ni Yesus wia-Nisia : “ Mae mouw wia nyi’i wo mea waki Yudea, rio se murid-murid-Mu kangkasi se lumoo’ em pasiwosiwon-pasiwosiwon en tuanan-Nula. ⁴ Karengan reiy’ siesa tou tu’u si masiwo wo’o sapa witu en tampa neiy i kakirong, sa sia pa’ar paakunela witu en sinaru ne ka’asa’an. Sawona’ koo sumiwo eng kapualitan-kapualitan tuana, i papa’ato mola en tetoumu wia eng kaoatan.” ⁵ Karengan se patuari-patuari-Na sandiri tu’u se reiy’ ma’eman wia-Nisia. ⁶ Takar wingkot ni Yesus wia nisea : “ Nedo-Ku reiy’pe’ neiy i ka’ayo, ta’an i wee nikouw salalu wawean edo. ⁷ Kaoatan e reiy’ mete’u rumi’iris nikouw, , ta’an nisia si rumi’iris Niaku, karengan Niaku ku simairi en tanume nisia, kaa em pepa’ayangen-pepa’ayangenna lewo’. ⁸ Mea mouw koo witu em pelesir iti’i. Niaku ku reiy’pe’ minea witu, karengan e nedo-Ku reiy’pe’ lekep.” ⁹ Tuana mouw em pokeiy-Na wia nisea, wo Sia tu’u mena’ waki Galilea. ¹⁰ Ta’an se patuari-patuari ni Yesus nu minae mouw waki pelesir i ti’i, Sia tu’un si minea kangkasi witu, reiy’ minakaredeiy ta’an memene-menes. ¹¹ Tou-tou Yahudi se simero Nisia witu em pelesir i ti’i wo lumila’ : “ Wisa re’en Sia?” ¹² Wo e laker lininga en tetena’an witu e nelet ne tou kelaker en tanume Nisia. Wawean se limila’ : “ Sia sitou le’os.” Wawean kangkasi se limila’ : “ Reiy’, Sia si maseipla se rakyat.” ¹³ Ta’an reiy’la siesa tou tu’un si berani limila’ makaredeiy en tanume Nisia karengan meide’ wia se tou-tou Yahudi. ¹⁴ Witu en toro em pelesir i ti’i kasuatan e memeepe’, Yesus si ghimorem witu em Bait ni Empung laa o mee teturu’ witu. ¹⁵ Takar ma’erangouw se tou-tou Yahudi wo lumila’ : “ Kumura re’en sitou yi’i sia makapunyala e najaran tuana sa reiy’ mina’ajar!” ¹⁶ Wingkot ni Yesus wia nisea : “ Najaran-Ku reiy’ asal witu en tetou-Ku sandiri, ta’an waki Nisia si timoke momi Niaku. ¹⁷ Seiy i te si pa’ar matuanala eng kepa’aran-Na, sia si laa mete’u andi e najaran-Ku yi’i asal waki si Empung, andi Niaku mengila-ngila’ witu en tetou-Ku sandiri. ¹⁸ Seiy i te si mengila-ngila’ witu en touna sandiri, sia si masero e normat i wee en tetouna sandiri, ta’an seiy i te si masero e normat i wee Nisia si timoke nisia, sia si ulit wo reiy’la ka reiy’ulitan wia nisia. ¹⁹ Reiy’ ku’a ka si Musa si minee mola e nukum Taurat wia nikoo? Ta’an reiy’ siesa tou tu’u witu e nelet miouw si timuanala e nukum Taurat i ti’i. Ka’a kouw me’inakut mewewunu’ Niaku?” ²⁰ Se tou kelaker i ti’i miningkot : “ Nikoo koo sinelaran ni Setang; seiy re’en si me’inakut mewewunu’ Nikoo?” ²¹ Wingkot ni Yesus wia nisea : “ E nesa i te pasiwo-siwon en tinuana-Kula wo kouw nu waya kouw ma’erangouw. ²² Jadi: Musa si timetapla rio kouw makasunat – e nulitena en sunat i ti’i reiy’ asal waki si Musa, ta’an waki se nene moyang ta – wo nikouw kouw masunat tou witu e nendo Sabat! ²³ Sawona’ siesa tou maka’ato sunat witu e nendo Sabat, rio te’a lumangkoiy e nukum ni Musa, Ka’a kouw meupi’ wia-Niaku, karengan Niaku ku lime’osela e minapekasa nouwak ni esa nga tou witu e nendo Sabat. ²⁴ Te’a mouw maakimla i ki’it sapa em paloo’on, ta’an akimenola ampit e nadil.” ²⁵ Pirala tou Yerusalem limila’:” Reiy’ ku’a Nisia yi’i si pewewunu’un nea? ²⁶ Wo loo’onouw, Sia si mesesusuiy waya’an em pa’ar wo nisea se reiy’ meila’la sapa-sapa wia-Nisia. Wo’o ku’a re’en se pa’aka-aka’an ta se uli-ulit mete’u mouw, kaa Nisia mouw si Kristus? ²⁷ Ta’an tanume sitou yi’i kete’uan ta waki wisa e nasal-Na, ta’an sakawisa si Krstus meiy, reiy’la siesa tou tu’u si mete’u waki wisa e nasal-Na.” ²⁸ E nedo si Yesus mawee teturu’ witu em Bait ni Empung, Sia maaleiy : “ Memang Niaku ku kasine’uan niouw wo nikouw kouw mete’u waki wisa e nasal-Ku; ta’an Niaku ku mineiy reiy’ kaa eng kepa’aran-Ku nuesa, ta’an Niaku ku neiy i tokemi ni Nisia nu ulit si reiy’ kasine’uan niouw. ²⁹ Niaku ku sumine’u Nisia, karengan Niaku kumineiy waki Nisia wo Nisia mouw si timoke Niaku.” ³⁰ Nisea se me’inakut mesesikop Nisia, ta’an reiy’la siesa tou tu’u si limeler Nisia, karengan e nedo-Na reiy’pe’ neiy i ka’ayo. ³¹ Ta’an witu e nelet ne tou kelaker i ti’i wawean kelaker se ma’eman wia-Nisia wo nisea se limila’ : “ Sakawisa si Kristus meiy, wo’o wona’ re’en Sia laa sumiwola e lebe laker mujizat ta’an en siniwo-Na mola yi’i?” ³² Tou-tou Farisi se liminga se tou kelaker matena’la eng kapualitan-kapualitan i ti’i en tanume Nisia, wo kaa e ni’itu se imam-imam kepala wo se tou-tou Farisi rimeo se tumetayur-tumetayur em Bait ni Empung kaa laa mesesikop-Nisia . ³³ Takar pokeiy ni Yesus : “ Noki’ mokan e nedo Niaku wia mewali-wali nikouw wo nu reiy’ mouw i tu Niaku ku laa mea wia Nisia si timoke mouw Niaku. ³⁴ Nikouw kouw laa sumero Niaku, ta’an reiy’ laa maatoan ampit Niaku, karengan kouw reiy’ mete’u meiy witu en tampa wisa Niaku witu.” ³⁵ Tou-tou Yahudi i ti’i limila’ siesa wia se walina : “ Waki wisa ku’a re’en e la’an-Na, i ka’ayo kita ta reiy’ mete’u maatoan ampit Nisia? Wawean re’en e maksud-Na kaa mea wia nisea se maana’ waki pasengkotan, witu e nelet ne tou Yunani, kaa mewewee teturu’ se tou Yunani? ³⁶ Sapa re’en e maksud lelila’an e neiy i totor-Nala yi’i : Nikouw kouw laa sumero Niaku, ta’an nikouw kouw reiy’ laa maatoan ampit Niaku, wo: Nikouw kouw reiy’ mete’u meiy witu en tampa wisa Niaku witu?” ³⁷ Wo witu e nendo kesampetan, nyi’a i ti’i witu en tokana em pelesir i ti’i, Yesus si rimedeiy wo maaleiy : “ Seiy i te si re’o, le’osouw sia meiy wia-Niaku wo kumoo’! ³⁸ Seiy i te si ma’eman wia-Niaku, tanu neiy i lila’la ni Kitab Suci: Waki eng gorem natena e laa sumo’oso’ en so’oso’an-so’oso’an rano patou-touan.” ³⁹ Neiy i maksud-Nala nyi’a mouw e Roh laa ka’atoan ne ma’eman wia-Nisia; karengan e Roh i ti’i reiy’pe’ mineiy, karengan si Yesus si reiy’pe’ neiy i muliala. ⁴⁰ Pirala tou witu e nelet ne tou kelaker, se limingala e lelila’an-lelila’an i ti’i, limila’ : “ Sia yi’i uli-ulit nabi si laa meiy.” ⁴¹ Se walina limila’ : “ Sia yi’i si Mesias.” Ta’an se walina kasi se limila’ : “ Reiy’, Mesias si reiy’ waki Galilea o meiy! ⁴² Karengan eng Kitab Suci limila’la, kaa si Mesias si asal waki see’ ni Daud wo waki wanua Betlehem, en tampa paana’an ni Daud ketare.” ⁴³ Takar lumentutouw em pesali’si’an witu e nelet ne tou kelaker karengan Nisia. ⁴⁴ Pirala tou witu e nelet nea pa’ar mesesikop Nisia, ta’an reiy’la siesa tou tu’u si berani lumeler-Nisia. ⁴⁵ Takar se tumetayur-tumetayur i ti’i mea wia se imam-imam kepala wo se tou-tou Farisi, se limila’ wia nisea : “ Ka’a kouw reiy’ minalimi-Nisia?” ⁴⁶ Wingkot ne tumetayur-tumetayur i ti’i : “ Reiy’pe’ ma’an mekasa siesa nga touan lumila’ tanu sitou i ti’i !” ⁴⁷ Wingkot ne tou-tou Farisi i ti’i wia nisea : “ Sapa ku’a nikouw kangkasi kouw neiy i seipla? ⁴⁸ Wawean re’en siesa tou witu e nelet ne pa’aka’aka’an-pa’aka’aka’an se ma’eman wia-Nisia, ka’apa siesa tou witu e nelet ne tou-tou Farisi? ⁴⁹ Ta’an se tou kelaker yi’i se reiy’ makasine’u e nukum Taurat, i kakutokola sea!” ⁵⁰ Nikodemus, siesa wia nisea, eng ketarean si mineiy mola wia-Nisia, limila’ wia nisea : ⁵¹ “ Sapa ku’a e nukum Taurat ta meukum siesa tou, nu reiy’pe’ sia lininga wo nu reiy’pe se tou mete’ula sapa en siniwo-Na mola?” ⁵² Wingkot nea : “ Sapa ku’a nikoo kangkasi koo tou eng Galilea? Kumisinola eng Kitab Suci wo nikoo koo laa mete’u kaa reiy’la nabi waki Galilea o meiy.” ⁵³ Laa o sea mareng, siesa o siesa waki walena,