22
1
येसुमी आनायो मे़म्द:लाई कथादी मो़:तामे,
2
परुदीम् पाईमाखोलाई कङ् हङ्नुङ् थाम्ने झाम्, गे़म्चामी आतावाके लालु़खा खाउमा झु़म्स्ता।
3
को़दीङ् खाउमादी ळा:ना मु़रु़द:लाई ब्रे:चो दा:सो आवा:लीद फ्लीता:मी, खेदायो मे़म्द:मी राचोम् ग्वा मापामेवा।
4
"आनायो मे़म्चामी आकङ्मे वा:लीद:लाई ओ़खो़ दा:सो फ्लीता:मी, "ळा:ना मु़रु़द:लाई मो़:ने, 'को:ने, गु अके खाउमा झु़म्स्तीम् ब:, अके बीङ्द नुङ् मु:आ पसुद सा:ना ब:मे, को़दीङ् हप्पे थोक्द झु़म्सीना ब:मे, लालु़खा खाउमादी राने'।"
5
"खेदायो मे़म्द:मी वास्ता ङ मापाथु़ कङ् आघे़:राला, आकङ्मे आबे़पार्ला लाता।
6
रईदु़म्ळाद:मी चाईं मे़म्के वा:लीद:लाई सीसोमाम् मे़म्द:नुङ् मारीम्ळा बे़बहार् पाम्तामे, को़दीङ् मे़म्द:लाई सा:तामे।
7
मेत्तीको़ हङ्के आसोक्सो बोक्ता, को़दीङ् आसे:नाद फ्लीता:मीको़ मे़म् सा:आद:लाई पीलुक्ची पाप्ता:मी, को़दीङ् मे़म्द:के आनी सहर् चो़:तीगीप्ता:मी।
8
"मेत्तीको़ मे़म्चामी आवा:लीद:लाई मो़ता:मी, 'लालु़खा खाउमा झु़म्सीना ब:', खेदायो ळा:नाद जु़प्ळा मादु़म्मेवा।
9
ए़म्चामी गो़नी लाम्भेक् लाने, को़दीङ् गेसोलाई थी:नी, मे़म्द:लाई लालु़खा खाउमादी ळा:तीने।'
10
मेत्तीको़ मे़म् वा:लीद लाम्दी लाम्तामेको़ थी:नाद हप्पेलाई, दुस्ट नुङ् रीम्ळा, नीम्फोलाई खु़प्तामे, को़दीङ् लालु़खा खीम् बो:तीद:मी भरेदु़म्ता।
11
गे़ना हङ् बो:तीद:लाई को:चो दा:सो आ:घोला ओ:ता, मेत्तीको़ मे़म्चामी लालु़खादी फीस्चोम् वा: माफी:सीआ कङ् मु़रु़लाई ताप्ता।
12
मे़म्चामी मे़म्लाई हीलो पाप्ता, 'वार्चा लालु़खादी फीस्चोम् वा: माफीस्थु़ गो़ गेक्सो़ एके आ:घोला ओ:ते?' मे़म्चामी मारायो दा:ने माचापावा।
13
"मेत्तीको़ हङ्मी सेवा पाआद:लाई मो़ता:मी, "मे़म्के आगु़-आखु़ली चुक्सोमाम् आ:तोला तु़कु़म्चीमादी घ्रप्तीने। मेके मु़रु़द ङङ्मे को़दीङ् ख्लु़ सीर्दीमे।
14
माराङ्खेदा ब्रे:नाद हक्सीङ् ब:मे, खेदायो यो़नाद दो़खो़ ब:मे।
15
मेत्तीको़ फरीसीद लासोमाम् आम्द:केङ् लो:दी आम्द:लाई गेक्सो़ हान्चो दा:सो लो: पाम्तामे।
16
मे़म्द:मी आनी चे:लाद:लाई हेरोदी खलक्दीम् मु़रु़द:नुङ् आम्द:केदी फ्ली:तामे। मे़म्द:मी दा:तामे, "ए गुरु, गुकु जोक्का, गो़नी आजे ब:नी, पर्मेस्वर्के आजेके लो: चे़न्दीनी, को़दीङ् गो़नी सु़दीङ् यो माङी:नी, माराङ्खेदा गो़नी मु़रु़द:के कु़ली को:सोमाम् ते मापानी।"
17
ए़म्चामी गुकुलाई मो़:कीनी, कईसर्लाई तीरो चो:चो रीम्ळा दु़म् खी मा:दु़म्?"
18
खेदायो येसुमी मे़म्द:के जाल् था: तासोमाम् मो़:तामे, "ढोंगीद, गो़नी गुलाई माराङ् जाँचे पाईनी?
19
तीरो चो:चोम् खोपीलुङ् गुलाई कोईसो़ पा:तीनी।" को़दीङ् मे़म्द:मी आम्द:केदी कङ् खोपीलुङ् रा:तामे।
20
आम्द:मी मे़म्द:लाई मो़:तामे, "ए़म् युक्सा सु़के हो, को़दीङ् सु़के नीङ् खोपेपाना ब:?"
21
मे़म्द:मी आम्द:लाई मो़:तामे, "कईसर्के।" मेत्तीको़ आम्द:मी मे़म्द:लाई मो़:तामे, "ए़म्चामी मारा कईसर्के हो, मे़म् कईसर्लाई गीने, को़दीङ् मारा पर्मेस्वर्के हो मे़म् पर्मेस्वर्लाई गीने।"
22
ए़म् ङीन्तामेको़ मे़म्द सीङ्लङ् दु़म्तामे, को़दीङ् आम्द:लाई प्लन्सो लाम्तामे।
23
बे़क्आद मालीङ्सीमे दा:आ सदुकीद मे़म् नाम्तीङ् आम्द:केदी राम्तामे, को़दीङ् मे़म्द:मी आम्द:लाई ए़म् लो: हीलो पाम्तामे,
24
"गुरु, मोसामी दा:ताम् ब: कोई मु़रु़ पुक्सीमा दु़म्ताको़ बे़क्ता खेदा आलआमी चाईं आवापोके आनाम्नामीलाई लालु़खा पासो आवाके बेबाचा राम्पा:चो दु़म्।
25
अक्के ग:रे चान्नी ङप्सीद बक्तामे। आङा:चामी लालु़खा पाप्ता:को़दीङ् आम् बे़क्ता, को़दीङ् पुक्सीमा दु़म्ताम्चामी आलआके लागी नाम्नामी जु़ल्वात्ता:को़ लाता।
26
मो़क्सो़ङ् माईलामी, साईलामी यो, को़दीङ् चान्नी सम्ममी मो़खो़ङ् पाम्तामे।
27
मे़म्द हप्पे बे़क्तामेको़दीङ् मे़म् मीन्चा यो बे़क्ता।
28
ए़म्चामी लीङ्सीमेना मे़म्द:दीम् मे़म् मीन्चा सु़के नाम्नामी दु़म्? माराङ्खेदा मे़म् हप्पेके नाम्नामी दु़म्ने थु़म्स्ताम् ब:।
29
येसुमी मे़म्द:लाई मो़:तामे, गो़नी ब्लम्स्तानीम् ब:, माराङ्खेदा गो़नी धर्म-सास्त्र नुङ् पर्मेस्वर्के सा: माजोङ्नी।
30
माराङ्खेदा लीङ्सीमेना मु़रु़द:मी लालु़खा मापामे, ना लालु़खा पा:तीगीमे, खेदायो मे़म्द परुदीम् परुचाद खो़म् दु़म्मे।
31
खेदायो बे़क्आद लीङ्स्चोम् लो:दी पर्मेस्वर्मी गो़नीलाई मारा दा:तामेम् ब:, मे़म् गो़नीमी तो़त्तानीम् मा:बो?
32
'गु अब्राहाम्के पर्मेस्वर्, ईस्हाक्के पर्मेस्वर् नुङ् याकुब्के पर्मेस्वर् हो।' पर्मेस्वर् बे़क्आद:के पर्मेस्वर् माआ, आसेलीद:के पर्मेस्वर् हो।"
33
ए़म् ङीन्सो भीड्द आम्द:मी चे़न्तामेम् लो:दी सीङ्लङ् दु़म्तामे।
34
आम्द:मी सदुकीलाई से़न्दामान्थी पाम्तामे दा:आ ङीन्सो फरीसीद आम्द:केदी खु़म्स्तामे।
35
मे़म्द:दीम् कङ् मुलु चे़न्आमी आम्द:लाई जाँच् पाचोम् ग्वामी आम्द:लाई हीलो पाप्ता:मी,
36
"गुरु, मुलुदी आरे पाना ङो:लो लो: गे़म् हो?"
37
आम्द:मी मे़म्लाई मो़:तामे, गो़ परम्प्रभु ईपर्मेस्वर्लाई ईके हप्पे ग्वामी, ईके हप्पे साम्मी, को़दीङ् ईके हप्पे नीवामी माया पाचो।
38
ङो:लो नुङ् आरे पाना ङाल्लाम् लो: ए़मेङ् हो।
39
आकङ्मे यो मो़खो़मेङ् ब:, गो़ ईछीमेकीलाई ईदबलाई खो़ङ् पासो माया पाचो।
40
हप्पे मुलु नुङ् पर्मेस्वर्के लो: ळक्आद:मी चे़न्चोम् आपु़म् ङ ए़म् नीक्सी आरे पाना लो: हो।"
41
फरीसीद खु़म्स्तामेम् बक्ता, मेत्तीको़ येसुमी मे़म्द:लाई कङ् लो: हीलो पाम्तामे,
42
ख्रीस्ट्के लो:दी गो़नी मारा मीम्सीनी? आम् सु़के तावा हो? मे़म्द:मी आम्द:लाई मो़:तामे, दाउद्के तावा।
43
आम्द:मी मे़म्द:लाई मो़:तामे, "मो़खो़ खेदा दाउद्लाई ळालामी चे़न्तामेको़ आम्लाई 'प्रभु' दा:सो गेक्सो़ दा:ने चाबा? आम् दा:,
44
परम्प्रभुमी अप्रभुलाई मो़:तामे, "गो़ अझुम्रोला नी:सो़, गे़नासम्म गु ईसत्तुर्द:लाई ईखु़लीब्ले़म् ग:यु़ माजुलुमी।"
45
दाउद्मी आम्लाई प्रभु दा: खेदा आम् गेक्सो़ मे़म्के आतावा दु़म् ङा?
46
सु़मीयो कङ् लो: यो ले:ने माचापावा। मे़म् नाम्तीदीङ् ओ़खो़ सु़मीयो आम्द:नुङ् लो: हीलो पाचोम् आँट् मापाउवा।