¹ Nyuma lyaho, Yesu agera omu Galilaya yoshi bulala arhalilonzeze okuber'e Yudeya, bulala Abayahudi baligwerhe balonza okumuyirha. ² N'obo olusiku lukulu lw'Abayahudi lusiku lukulu lwa Kanyamuzinda lwaliri hofi. ³ Benebabo, bamubwira rheng'ahano oje Yudeya, lyo abigirizwa bawe babona ibi oliwajira. ⁴ Ntaye okol'omubwibisho nk'alonzeze abonekane. Okakola ebi, ochiyerekane wenin'oku bantu. ⁵ Bulala bene wabo barhamuyemeraga, ⁶ Yesu ababwira: akasanzi kani karhayinja, aliko akasanzi kenyu kaliho. ⁷ Egulu lirhakabagaya, nyono lyangayire bulala ndi nahamiriza okw'ebijiro byabo bibihire. ⁸ Mwabo, mujage oku lusiku lukulu, si nyono ntajako, bula akasanzi kani karhaza kuhikirira. ⁹ Enyuma ly'okubabwira ebyo, aber'e Galilaya. ¹⁰ Amango bene wabo bajaga oku lusiku lukulu, naye azamukir'ayo arhali okumugaragaro aliko okubwibisho. ¹¹ Abayahudi bamulonza oku lusiku lukulu baderha: ngah'ali? ¹² Omu chigusho cha bantu mwali obukebwe enyanya zage, baguma baderha mpu ali muntu mwinja abandi baderha mpu nanga yaheza abantu banene. ¹³ Nta muntu walamaga amuderhera n'obwalangale bulala baliyubahir'Abayahudi. ¹⁴ Omu kagarhi k'olusiku lukulu, Yesu azamukira omu Kanyamuzinda ayingiriza. Abayahudi basomerwa, ¹⁵ baderha mpu ayinji amandiko nabo arhasomaga? ¹⁶ Yesu abashubiza ababwira: enyigirizo mperhe zirhali zani, aliko ziri z'owantumanga. ¹⁷ Nk'omuntu alonza okujira obulonza bwage, nj'amany'akabala enyingirizo zani ziri emwa Nyamuzinda, changwa nderha oku mukulu wani. ¹⁸ Omuntu akaderha n'owabo eri ali achilonzeza obukuze. S'aliko owaderhera owantumaga oy'ali w'okuli na nta bubi bumulimo. ¹⁹ Ka Musa arhabahag'amarhegeko? na ntaye mu mwabo wamakulikize? Gurhe mulimwalonza okunyirha? ²⁰ Olubaga lwa mushubiza mpu oherhe omuzimu, nde walonza okukuhirha. ²¹ Yesu abashubiza: Najirir'omukolo mweshi mwasomerwa. ²² Musa abahere oku kembulwa eri birhanarhengere oku Musa aliko oku bashokuliza, munali mwakembula omulume omu lusiku lwe Sabato! ²³ Akaba omulume okembulwa olusiku lwe Sabato, mpu lyo erhegeko lya Musa lirhavunika, bichi mushimbire oku nafumize omuntu mugumaguma olusiku lwe Sabato. ²⁴ Murhachaga olubanja omukulola chi muluche omu kuli. ²⁵ Baguma omu b'e Yerusalemu, k'arhali oyu ye balonzaga kuyirha? ²⁶ Jaga walola oku ali achiderhera entalagire na ntacho bamubwira, obwo abakulu barhamanyire oku ye Kristu. ²⁷ Bunola, oyula rhuyinji ahaba aliko amango Kristo njayinja ntaye nji wamenya ahali. ²⁸ Ahola Yesu ayigiriza embuga lya Kanyamuzinda anaderha: Muyinji mweshi. munayinji ndi wangahe! Ntayinjaga Okubwani nyenine, owantumaga ali w'okuli, murhanamuyinji. ²⁹ Nyono, mumenyere; bulala narhengaga omu kagarhi kage. ³⁰ Balonza okumufarha, na ntaye wamuhumireko, bulala ebichanji birhaliza kuhika. ³¹ Bantu banene olubaga bamuyemera baderha: amango Kristu njayinja, karhakajira ebirhangazo kuguma n'oyula? ³² Bafarisayo bayunva olubaga luli lwalunduma emyanya z'ebi bintu. Aliko abakulu b'Abadahwa na Bafarisayo barhuma abaganda kumufarha. ³³ Yesu aderha: ndi haguma nenyu bichanji bigeke, kandi nanagaluka emw'owantumaga. ³⁴ Nji mwanshonda murhanabona. ³⁵ Kw'ebyola, Abayahudi baderha bonine oku bonine: Ngahe aja rhubule kumubona? Ka nj'aja ahagarhi kabalala baherere omu bapagani, ka nj'ayigiriza abapagani? ³⁶ K'okuderha kurhe ogu mwazi: Nji mwanshonda murhanabona, murhakahika emunda naja? ³⁷ Mw'olw'olusiku, lukulu lwo busime, Yesu ayimanga, ayakuza n'omulenge gunene: Ngasi yeshi oli nyorha ayinje emwani anywe. ³⁸ Nkw'okw'amandiko maderhere, onyemerere amenji g'akalamo nji mahulula omukagarhi kage. ³⁹ Aderhaga ebyo oku Muka Mweru, nji mwamuyankirira enyuma z'okuyemera, bulala Muka arhaza kuyinja bulala Yesu arhaliza kuzibwa. ⁴⁰ Bantu baguma bamaliyunva 0gwo mwazi baderha: kubinali oyu ali mulebi. Abandi baderha: Oyula ye Kristu. ⁴¹ Abandi kandi baderha k'e Galilaya yi Kristo akarhenga? ⁴² Ka Amandiko garhaderhere oku Yesu Kristu nji arhenga omubuko bwa Daudi, omu chishagala ch'e Bethelehemu? ⁴³ Ago mango, olubaga lwalyana eri ye rhumire. ⁴⁴ Baguma balonza okumufarha, aliko nta muntu wamuheberek'okuboko. ⁴⁵ Abaganda bagaluka emwa Badahwa bakulu, n'Abafarisayo. Nabo bababaza: chirhumire murhamulerha? ⁴⁶ Abaganda bashubiza: Nta muntu okola oderhere kuguma n'oyo muntu. ⁴⁷ Abafarisayo babashubiza: ka nenyu mwashumikirwe? ⁴⁸ Kw'omu barhambo changwa omu Bafarisayo hali omuntu wamuyemerere? ⁴⁹ Aliko olubaga lurhenji erhegeko, luvumirwe. ⁵⁰ Nikodemu wayinjaga emwa Yesu obudufu, muguma wabo abadosa: ⁵¹ K' erhegeko lyerhu liyemerere okuchira omuntu olubanja buzira kuyunviriza n'okumenya eby'ajirire. ⁵² Bamushubiza: Koli mugalilaya? Osome bwinja, wabona oku e Galilaya erhankarhenga omulebi. ⁵³ Okubundi, ngasi mugum'achigalukira emwage.