¹ Enyuma zaho lwali lusiku lukulu lwa Bayahudi Yesu azamukira eYerusalemu . ² Aliko e Yerusalemu hofi n'olunvi lw'embuzi, haliri eriba bahamagala omu chihebrania Betesaida lyaliherhe nyunvi erhano, ³ Kw'ezonyunvi halilyamire, luganjo lunene lw'abalwala. Empumi, ebirema, abahunzize, baliri balindira okw'amenji gachishaganya; ⁴ bulala malayika ayandagalaga, bichanji oku bindi omw'iriba, anashaganya amenji; n'olala wachikabulamo waburhanzi mw'ago menji anafuma ngasi bulwala . ⁵ Ahola halir'omulume muguma w'omulwala myaka makumi masharhu na munane . ⁶ Yesu amubon'alyamire , anamenyere oku ali mulwala w'esiku zinene, amubwira: walonz'ofume? ⁷ Ola mulwala omushubiza Nahano, nta ngwerh'omuntu wakandubika omw'iriba, nk'amenji gamashaganywa amango nakajiremo, uwindi achidubikamo embere zani . ⁸ Yesu amubwira, nyumanga orhole obuliri bwawe, olambangire. ⁹ Honaho, oy'omuntu afuma, arhola obuliri bwage agenda. ¹⁰ Lwali lusiku lwe Sabato. Abayahudi babwira ola bafumyaga: 0lwe Sabato, orhayemererwe okuheka obuliri bwawe. ¹¹ Abashubiza, owafumyag'abwirire: rhola obuliri bwawe olambangire. ¹² Bamubaza yend'oyo muntu wakubwiraga rhola obuliri bwawe olambagire? ¹³ Alik'owafumaga arhalimenyere alinde, bulala Yesu alihirimire omu lubaga lwaliri ahola. ¹⁴ Amango Yesu amubuganaga omu Kanyamuzinda, amubwira, lolaga wafumire, orhachikolag'ebyaha. Omukuyubaha oku nji byakakuyinjira ebidarhabere. ¹⁵ Oy'omuntu, agenda kubwira Abayahudi: Yesu ye wafumyaga. ¹⁶ Checharhumaga Abayahudi bahiga Yesu bulal'ajiraga eby'olusiku lwe Sabato. ¹⁷ Aliko, Yesu abashubiza: Darha achiri akola kugera buno, nani nankola. ¹⁸ Enyanya z'ebwo, Abayahudi balonza kandi okumuyirha, arhali mpokwenge arhakengaga olusiku ly'esabato konine, chi bulala ahamagalaga Nyamuzinda Eshe n'okuchijira mpu yenine ali Nyamuzinda. ¹⁹ Yesu ashubibabwira, okuli, okuli, bambwirire, Omugala ntach'akachijira yenine, ajir'echarhenga kw'Eshe, na byosh'Eshe ajira naye abijira intyo ntyo. ²⁰ Bulal'Eshe asima omugala, n'okumuyereka byosh'ajira, yenamuyereka orhwasi rhunene kulusha orhu, y'omugala nsomerwa. ²¹ Nkakula Eshe aful'abafu, anahane akalamo naty'omugala anahan'akalamo oku yalonzeze. ²² Eshe ntaye yechir'olubanja, aliko ahanire gasi lubanja oku mugala, ²³ yingasi muntu akazikeng'omugala, nka kulal'akenga Eshe, orhakeng'omugala anarheg'Eshe wamurhumaga. ²⁴ Okuli, okuli, mbabwirire, oyunviriza emyazi yani n'okuyemera owantumaga, aherhe akalamo k'esikun'amango, arhakanaja okulubanja. Aliko arhengere omu lufu aj'omu kalamo. ²⁵ Okuli okuli mbabwirire ebichanji byayinjire banamalire inja, abafire beyunve omulenge gw'omugala wa Nyamuzinda, n'abeguyunve belame. ²⁶ Bulala oku Darha ajir'akalamo mu yenyine nty'o akaher'omugala mpu abe nakalamo muyenyine. ²⁷ Anamuher'obuhashe boguch'olubanja bulal'alimwana w'omuntu. ²⁸ Murhasomerwaga n'ebyo, bulala agachanji kayinjire ok'wabali omushinda njibayunva omulenge gwage na njibanafuka. ²⁹ Boshi bajirir'ebinja njibafukira obugumaguma aliko abanyankola amaligo njibafukir'oku lubanja. ³⁰ Ntacho nakajir'oku nyenine nko kunyunvirhe nach'olubanja, n'olubanja lwani luli lw'okuli bula ntalonza obulonza bwani ch'obulonza bw'owantumaga. ³¹ Nka nyono nye chihanire obuhamirizi nyenine, obuhamirizi bwani burhali bw'okuli. ³² Hali owundi oherhe w'alerha obuhamirizi bwani na ndangalire okobuhamiriza bwage oku nyono buli bw'okuli. ³³ Mwali murhumir'emwa Yohana naye alerhaga obuhamirizi bw'okunali. ³⁴ Oku nyono arhali emw'omuntu yi ntola obuhamirizi aliko nderhere ntya bw'okunali chi nderha ntya mpu li muchunguka. ³⁵ Yohana aliri tara lichana n'okukoleza, mwanali mulilonzeze omu kachanji omu bulangashane bwage. ³⁶ Nyono ngwerhe obuhamiriza bw'okuli oku bwa Yohana. Bulal'ebijiro Darha antumaga mpu mbinjire, ebyo bijiro byonine bi mperhe najira, bihamiriz'oku Darha yi wantumaga. ³⁷ Na Darha wantumaga yenine anahan'obuhamiriza bwage ku nyono. Murhasag'iyunva omulenge gwage, murhasagi bona amesho gage. ³⁸ N'omwazi gwage gurhali mu bwabo, bulala murhayemerag'eyarhumaga. ³⁹ Munabaz'amandiko bulala munalangalire okubona mw'akalamo k'esiku n'amango, n'obo amandiko malerha obuhamiriza kuli nyono. ⁴⁰ Murhalonzize okuyinj'emwani lyo muba n'akalamo. ⁴¹ Ntarhol'obukuze bwani emwa bantu. ⁴² Aliko menyere oku murhagwerhe obuzigire bwa Nyamuzinda mu mwabo, ⁴³ Nayinjire omuzino lya Darha, murhanyankiriraga, aliko owundi akayinja omuzino lyage ndi mwamuyankirira. ⁴⁴ Gurhe mwakayemera, mwemuli mwahanana obukuze baguma oku bandi murhanalonza obukuze burhenga emwa Darha yenine. ⁴⁵ Murhakengeraga oku nyono ndi nabalega e mbere za Darha, owabalega ali Musa, oyola mwahirire m'obulangalire bwenyu omuye. ⁴⁶ Bulala oku yunva mwakayemerere Musa, mwakanyemerere konako bulala ayandikire ebindolere. ⁴⁷ Aliko, murhayemerere amandiko gage, gurhe mwakayemera emyazi yani?