¹ Okuhandi Pilato arhola Yesu n'okumushurhisa orhurhi. ² Enfola miherho zaluka echishema ch'emishaki bahira okw'irhwe lyage, n'okumuyambisa echishuli ch'omuduku; Kandi, bamushegerera. ³ Baderha: Nda musize, Mwami w'Abayahudi n'okumushurha ebigalo. ⁴ Pilato ashuba huluka; n'okubwira Abayahudi: Mulole, mbalerhey'embunga, mpu mumenye oku ntacho nabwen'okuye nka bubi. ⁵ Aho Yesu ahuluka, Ayambere echishema ch'emishaki n'echishuli ch'omuduku. Na Pilato ababwira: lola oyu muntu. ⁶ Amango Abadahwa bakulu n'enfola miherho bamubwene, bayama: Omubambe! Omubambe! Pilato ababwira: Mumurhole mwenine, n'okumubamba; Bulala nyono, nta bwene obubi bwage . ⁷ Abayahudi bamushuza : Rhuher'erhegeko, na kugerera elyo rhegeko, bikwanene afe, bulala achijirire Mugala wa Nyamuzinda. ⁸ Amango Pilato ayunva ogw'omwazi, obuba bwage bwayushuka . ⁹ Amugalula omu nju y'emanja, abaza Yesu: oli wangahe? Aliko Yesu arhamushubizaga mwazi . ¹⁰ Pilato amubwira: k'orhalonza okumbwira? K'orhamenyere oku ngwerhe obuhashe bw'okukubamba, n'obuhashe bw'okukulika? ¹¹ Yesu amushubiza: Nta buhashe wakaba nabo enyanya zani, nk'orhabuhabwaga n'owenyanya. chochirhumire owampanaga omu maboko gawe aherh'echaha chinene. ¹² Kurhenga naho, Pilato alonza kurhe akamulika. Aliko Abayahudi bayama: Okamulika, orhali mwira wa Kayizari. Bulala ngasi yeshi ochijira mwami achijira mushombanyi wa Kayizari. ¹³ Pilato ayunvirh'eyo myazi, alerha Yesu embuga; ayikala oku ntebe y'obuchamanja, n'okumuyikaza ekarubanda, ahantu bahamagala h'ebale; n'omu chihebraniya Gabbatha. ¹⁴ Lyali golo ly'okurheganya Pasaka, nka saa ya kalindarhu. Pilato abwira Abayahudi: Lola mwami wenyu. ¹⁵ Aliko bayama: kulaho, kulaho, hanikaye! Pilato abadosa: Mpanike mwami wenyu? Abadahwa bakulu baderha: Nta wundi mwami rhujira nka Kayizari. ¹⁶ Honaho amuhana anahanikwe. Barhola Yesu, bamuhanika. ¹⁷ Yesu aheka omusalaba, agera ahantu h'echihangasi, bahamagala omu chihebraniya Goligota. ¹⁸ Ahola hahanikwaga n'ebishambo bibiri haguma naye, muguma oku lunda n'olwindi owundi, na Yesu ahagarhi. ¹⁹ Pilato ajira olwandiko, aluheba oku musalaba, n'okuyandika: YESU WE NAZARETI, MWAMI WA WABAYAHUDI. ²⁰ Banene omu Bayahudi basoma olwandiko, bulala aha Yesu ahanikwaga hali hofi n'echishagala: kwali yandikirwe omu chihebraniya, omu chigiriki, n'omu chilatini . ²¹ Abadahwa bakulu b'Abayahudi babwira Pilato: Orhayandikaga mwami w'Abayahudi. Alik'oyandike okw'aderhaga: Nyono mwami w'Abayahudi. ²² Pilato aderha: Nayandikire, na nayandikire. ²³ Enfola miherho, zamalire kuhanika Yesu, barhola emishangi yage, n'okuyigaba bigabi bine, ngasi muguma chiguma. Barhol'echishuli chage chirhaliherhe buhange, chaliri cha chirezi chiguma kuhika eshishi. N'okuderha bonine: ²⁴ Rhurha chiberaga, aliko rhuchiyeshere emiderhe rhulole chaba chande. Ebyo byageraga mpu y'omwazi gw'ayandikwaga guhikirire: Bagabana emishangi yani, n'oku shurhira echishuli chani emiderhe. Lolaga eby'enfola miherho yajiraga. ²⁵ Ahaburhambi b'omusalaba gwa Yesu hali Nina, na mwenewabo Maria muka Kleopa na Mariya magadalena. ²⁶ Eri Yesu abona nina n'eburhambi bwage ola mugirizwa azigiraga, abwira nina: Mukazi lola Mugala wawe, kandi abwira omwigirizwa: tala nyoko. ²⁷ Hanaho omwigirizwa amuheka emwage. ²⁸ Enyuma w'ebyola, eri Yesu amenyere oku byoshi byahwere, aderha: Ly'amandiko mayenera, namayunva enyorha. ²⁹ Ahola halirhi endaha enyunjure omukoloo. Enfola miherho zarhola echirezi ch'okushagula chiyunjwire esifongo, bachishwekera oku chibambi bamuha mpu anywe. ³⁰ Amango Yesu amalaga kunywa omukoloo aderha: Byoshi byamahwa, ayunamisa erhwe, arhenga m'omuka. ³¹ Omu buba okw'emibiri yabera oku musalaba amango ge Sabato, bulala lwaliri lusiku lw'amarheganyo ge Sabato lunali lusiku lukulu. Abayahudi bahuna Pilato okuvuna amagulu ga babambirhwe, banakulebo. ³² Enfola miherho zayinja bavuna amagulu g'omurhanzi n'owundi walibambirwe haguma naye; ³³ babere bahika aha Yesu ali, bashimana afire barhamuvunaga amagulu , ³⁴ Aliko muguma omu Nfola miherho amushinga echumu omu lubavu, honaho harhega eshagama na menji. ³⁵ Owamubonaga yena muhamiriza, n'obuhamirizi bwage buli bw'okuli, na anameyere oku aderha okuli yi muyemera nenyu. ³⁶ Ebyo byoshi byagerere mpu ly'amandiko ngayenera, ntaliguma omu mavuha gage nji lyavunika. ³⁷ N'okuhandi amandiko gaderhere kandi, nji balola olala bashingaga echumu. ³⁸ Enyuma w'aho, Yusufu w'Arimateya aliri mugirizwa wa Yesu oku bwibisho enyanya lya Bayahudi, ahema Pilato obulengajira bw'okurhola omubiri gwa Yesu. Na Pilato ayemera. Agenda kurhola omubiri gwa Yesu. ³⁹ Nikodemu , ola wajaga emwa Yesu budufu, ayinja naye alerh'obuku buchangirwe n'omugavu gwa ngulo egana. ⁴⁰ Barhola omubiri gwa Yesu, baguboha omu bitambara, bagushiga amarashi nka kulala aBayahudi bakomeraga okuhamba. ⁴¹ N'obwo, haliri obusani aha babambiraga Yesu na mw'obo busani haliri eshinda mpyahya, erhalizaja m'omuntu. ⁴² Ahola, hobahambire Yesu, enyanya ly'amarhegayo g'Abayahudi, bulala eshinda yaliri hofi.