¹ Olusiku lurhanzi lw'eboso, Mariya Magadalena alamukira ebwa shinda mu chera burhazi kucha, abugana bakulire ebale oku shinda. ² Alibirhira emunda Simoni Petero ali bombi n'ola windi mwigiriza wa Yesu arhonyaga, aba bwira, eri: Babishwire Nahano, rhurhamenyere aha bamuhebere. ³ Na ntyo Petero anachigenda bombin'ola windi mwigiriza baj'ebwa shinda. ⁴ Bagendaga balibirha bombi: Olawindi mwigirizwa ye wali doba kulusha Petero, amujembere, ahika wa burhanzi oku shinda. ⁵ Afukama, abon'amasu emishangi yaliri oku daho, nantyo arhajagamo. ⁶ Na ntyo Simoni Petero, naye ayinja ntyo ntyo, amu kulikire, aja omu shinda; abona ebitambara bibi oku daho, ⁷ n'omwenda bali bafunikire mw'erhwe. Ogwo mwenda gurhali haguma n'ebitambara, chi gwaliri guzingirwe hago hago. ⁸ Ly'ola wundi mwigirizwa warhagangahika aha bwa shinda naye ajamo. Achibonera, ayemera. ⁹ Bulala barhali basagi yunva oku amandiko gaderhere oku ali kwanene afuke omu bafu. ¹⁰ Okuhandi abigirizwa bage bashubira eka. ¹¹ Aliko Mariya yewe ali ayimangire ahabwa shinda, anali agwerhe alaka; Na ntyo anachiri alaka, ayunama, alola omu shinda, ¹² abona ba Malayika babiri bayumangire mbere, emyambalo myeru bana mubwira aha bali bahambire omubiri gwa yesu, muguma ebwa rhwe, owindi ebwa magulu. ¹³ Banachimu bwira mpu: We mukazi bichi ebyo walakira? Naye ashuza eri: Bulala bahekere Nahano wani, ntanamenyere ngahe bamuhebere. ¹⁴ N'amango anamalaga derha ntyo, ahindamuka, abona Yesu ayimangire, arha na menyaga oku Yesu. ¹⁵ Yesu amudosa: Eri we Mukazi, bichi ebyo walakira? Nde walonza? Yewe, amenya mpu mulanzi w'eshwa, amu bwira, eri: Yagirwa, akaba we wamuhekere, ombwire ngahe wamuhebere,nf'emurhola. ¹⁶ Yesu amubwira: Mariya. Mariya amu menya, amu bwira omuchiheburaniya, eri: Rabusu, Kwo kuderha: Mwigiriza. ¹⁷ Yesu amubwira: Orhampumagako, bula ntazirheremera emwa Darha. Chi ojage emunda bene werhu bali, obabwire ku narharemire emwa Nyamuzinda nani na Nyamuzinda wenyu. ¹⁸ Mariya Magadalena ana chigendera abwira abigirizwa oku abwene Nahano n'oku amu bwirire ebyo binwa. ¹⁹ Na ntyo egolo ly'olo lusiku lurhanzi lw'eboso lyenelyo, omu bigirizwa ey'enyunvi zoshi zalizichingirwe eri kuyoboha Abayudi kurhuma. Yesu ababonekera, abayimanga omu kagarhi, aba bwira: Omurhula gube nenyu. ²⁰ Eri aderha ntyo, abayereka enfune n'olubavu. Abigirizwa basima bwene eri babona Nahano. ²¹ Ashube babwira, eri omurhula gube nenyu, nk'oku Darha antumanga, nani mbarhumirhe. ²² Eri aba amaderha ntyo, aba buhira omuka, aba bwira: Yankirira Muka ochesibwe. ²³ Abamwa kulire ebyaha, babikulirwe, n'aba mwabirekere, babiyorhane. ²⁴ Chi Tomasi yewe, muguma wabala ekumi na babiri, oderhwa chihosha, arhali haguma n'ababo eri Yesu ayinja. ²⁵ Abandi bigirizwa bamubwira, mpu: Rhwabwene Nahano. Naye alahira, eri: Nkaba ntabwene ebirhule y'ela migera omu fune zage, nkaba nta fundire omudoke gwani omu bibande by'emisumari na nkaba nta humire nyenine omu lubavu lwage, ntayemera. ²⁶ Eri kugera siku munane, abigirizwa bali kandi omunju na Tomasi haguma nabo. Yesu abonekana eri n'enyunvi zoshi si chingirwe abayimanga ahakarhi, eri: Omurhula gube nenyu. ²⁷ Anachibwira Tomasi, eri: Funda amudoke gwawe omu: Lola enfune zani; lerha okuboko kwawe, okuhire omulubavu lwani; orhana chibaga mubula buyemere, chi obe mwemezi. ²⁸ Tomasi ashuza, eri: Nahano, Nyamuzinda wani. ²⁹ Yesu amubwira, eri: Oyemere bula wabwene. Bali bany'eragi abayemera barhanabwene. ³⁰ Yesu ajirire ebindi bimanyiso binene embere z'abigirizwa bage birhayandikirwe mw'echi chitabu. ³¹ Ebila bye byayandikirwe mpu yimuyemera oku Yesu ye Kristu, Mwene Namahanga, na mukayemera, mpu mubona obuzine oku zino lyage.