¹ Haliri mulume muguma mulwala, Lazaro we Betaniya w'omu chishagala ch'emwabo Mariya n'omulumuna Marita . ² Oyo Mariya y'olala washigaga Nahano amavurha g'amalashi n'okumushangula amagulu n'enviri zage na mwenewabo Lazaro y'ewaliri mulwala . ³ Balibabo barhuma, babwire Yesu: Nahano, Lolaga osima alwalire. ⁴ Abere ayunva ntyo Yesu aderha: Obo bulwala burhali bw'olufu; s'aliko buli bw'obukuze bwa Nyamuzinda yi mugala wa Nyamuzinda akuzibwa kuger'okulo . ⁵ Nabo Yesu alisimire Marita n'omuluna na Lazaro. ⁶ Amango ayunva ku Lazaro alwalire, ageza zindi siku ebiri ahola aliri. ⁷ Okubwindi abwira abigirizwa bage mpu : Rhugende e Yudeya . ⁸ Abigirizwa bage bamubwira, mwigiriza harhazigera siku Abayahudi balonzaga oku kuband'amabale, kurhe washubira eYudeya! ⁹ Yesu abashuza, kw'omulusiku esaa zirhaba ekumi n'ebiri? Ogenda ezuba arhasirhala bulal'ali abona obuche bw'egulu . ¹⁰ S'aliko ogenda budufu yesirhala bulal'obuche burhamuliko. ¹¹ Eyamala babwira ntyo, ashubi derha: Lazaro, mwira werhu aliro s'aliko n'ajimuchula. ¹² Abigirizwa bamubwira, Nahano, nkaba alyamire, afuma. ¹³ Yesu aderhaga enyanya y'olufu lwage, s'aliko bwowe bamenya okwadere enyanya z'ero ly'okurhamuka. ¹⁴ Lero Yesu ababwira buzira kubabisha: Lazaro afire . ¹⁵ Nasimire buno ntaliriyo yimuyemera, nantyo, rhuj'emundali ; ¹⁶ Tomasi naye ohamagalwa Didimu abwira ababo bigirizwa, nerhu rhujeyo, rhufe haguma naye . ¹⁷ Amango Yesu ahikagayo ashimana Lazaro ali siku ene ahambirwe. ¹⁸ Kurhenga e Betaniya kuhika e Yerusalemu ziri sitadi ekumi n'erhano zonine. ¹⁹ Abayahudi banene baliyunjwire ahamwabo. ²⁰ Marita na Mariya kubarhuliriza okulufu lwa mwene wabo. Amango Marita babwira oku Yesu ayinjire, ajimulinga na Mariya ayorha ayikire omu nju . ²¹ Marita abwira Yesu: Nahano nkawaliri hano singa musheja werhu arhafaga . ²² S'aliko menyere oku nabuno ngasi choshi wanka huna Nyamuzinda ana kuhacho. ²³ Yesu amubwira musheja wenyu afuka. ²⁴ Marita amushubiza nyono menyire okunja fuka olusiku lw'okufuka kw'obuzinda, ²⁵ Yesu amubwira: Nyono nye bufuke n'akalamo, ngasi yeshi onyemerere analama chiro akafa. ²⁶ Na ngasi w'alama n'okunyemera arhangafa; k'oyemerere ? ²⁷ Amubwira: N'echi Waliha nyemerere oku w'oyo w'eKristu, Mugala wa Nyamuzinda walikwanene okuyinja omugulu . ²⁸ Amalire derha ntyo, agenda n'okuhamagala Mariya omu mahwe n'okumubwira Mwigiriza alihano yakundosa . ²⁹ Amango Mariya ayunvaga, ayumuka honaho n'okuja emund'ali . ³⁰ Eri Yesu ab'arhazija omu chishagala, aliko aliri aha Marita amubuganaga. ³¹ Abayahudi baliri na Mariya omu nju n'okumurhuliriza, babona ayumanga duba duba n'okuhuluka, bamukulikira, baderha: Aj'okushinda, kulaka. ³² Erhi Mariya ahika aha Yesu ali, n'oku mubona, akumbagala oku magulu gage, n'okumubwira: Nahano, achibaga waliri hano, musheja wani arhankafire. ³³ Yesu, achibona y'alaka, yewe n'abayahudi bayinjaga naye ayunva obuba omu mirhima gwabo, n'okusomerwa bwenene. ³⁴ Naye ababwira: ngahe bamuhebere? Nabo, bamubwira, yinj'olole. ³⁵ Yesu alaka. ³⁶ Enyanya z'oko, aBayahudi baderha: Lola gurhe alimusimire. ³⁷ Na baguma omubo baderha: oyu wahumulaga empumi, arhankajirire oyu muntu arhafaga? ³⁸ Yesu ashubi gayiswa yenyine, aja oku shinda. Lwali lukunda, n'ebale lirhambikirwe emalangambere. ³⁹ Yesu aderha: Mukul'ebale, Marita mwali wabo nyakufa, amubwira: Nahano, akol'abaya, zikola siku ene alimo. ⁴⁰ Yesu amubwira: Ntalikubwirire, okweyi wankayemera, wabon'obulangashane bwa Nyamuzinda? ⁴¹ Bakul'ebale. Yesu alol'enyanya, aderha: Darha, yinakukuza okubona wayunvirhe amahuno gani. ⁴² Oku nyono, nyinji ok'onanyunva ngasi mango; aliko aderhaga enyanya z'echigusho chimuzungulukire, yi bayemera oku woyo wantumaga. ⁴³ Eyamal'iderha ntyo, ayama omulenge gunene: Lazaro, rhenga! ⁴⁴ N'omufu gwarhenga, amagulu n'amaboko galishwekerwe n'emyenda, na mesho gashwekirwe n'echitambara. Yesu ababwira: Mumushwekule, munamuleke agende. ⁴⁵ ABayahudi banene baj'emunda Mariya ali n'okulola bichi Yesu ajirire, bamuyemera. ⁴⁶ Aliko baguma bali omukagarhi kabo baji bonana n'Abafarisayo, n'okujibabwira ebi Yesu ajirire. ⁴⁷ Aliko abakulu babadahwa n'Abafarisayo babuganana omukagombe, baderha: Gurhe rwajira? bulal'oyu muntu y'ajira ebisomezwe binene. ⁴⁸ Rhukaleka agendekere, boshi bamuyemera, n'aBaroma bayinja bihy'echishagala cherhu n'echihugo cherhu. ⁴⁹ Muguma wabo, Kayafa yiwali mudahwa mukulu mw'ogo mwaka, ababwira: Ntacho mwayunvirhe; ⁵⁰ murhaganizize oku buli bunguke bwerhu, muntu muguma af'enyanya w'olubaga, y'e chihugo choshi chirhahera. ⁵¹ Arhaderhaga ntyo enyanya zage yenyine; aliko aliri mudahwa mukulu mw'ogo mwaka. Alebaga oku Yesu agwarhire afir'olubaga. ⁵² Arhali olubaga lonine s'aliko n'okuhira haguma abana ba Nyamuzinda balishandere babe mubiri muguma. ⁵³ Gurhenga ol'olusiku, bajir'ehano lyo kumuyirha. ⁵⁴ Checharhumaga Yesu arhachiyerekana nkokubinali, haguma n'aBayahudi. Aliko achijir'omu chihugo chishegerere omu mpinga omu chishagala chiderwa Efraimu. Alamayo haguma n'abigirizwa bage. ⁵⁵ E Pasaka y'Abayahudi ekol'eri hofi. N'abantu banene bw'omwigulu bashoner'e Yerusalemu embere we Pasaka mpu bachichese. ⁵⁶ Balonza Yesu, baderh'omuntu n'owabo omu kanyamuzinda: Gurhe mukengerere? karhayinj'omu lusiku lukulu? ⁵⁷ Nabo abadahwa bakulu n'Abafarisayo balihanir'erhegeko oku, bakamenya ahali, baderhe, nantyo rhumugwarhe.