¹ Eri hayorha siku ndarhu embere za Pasaka, Yesu aja e Betaniya, emunda Lazaro arhulaga abaga. ² Bamushegera, na Marta akamurhumikira. Lazaro naye ali omu bali oku lwibo bombi naye. ³ Mariya anarhola omulengo gw'amavurha g'omugavu gw'engulo ndarhi, arhondera agashiga Yesu oku magulu anagashangula n'enviri zage; enju yoshi yajunjula akahumbo. ⁴ Yuda w'e Keriyoti, muguma w'omu bigirizwa bage, ola wali wayinjanga muhana, aderha: ⁵ Owaguzaga aga mafurha dinari bihumbi bisharhu, akaziha abakene. ⁶ Lurhali lukogo lwa bakene aderheraga ntyo, chi bula chali chishambo na bula ye wabikaga eshaho, akazagi zimba ebyalimo. ⁷ Yesu: mumuleke. Aga mafurha ali amabikire olusiku lw'okubishwa kwani. ⁸ Bula abakene, esiku zoshi muli haguma nabo, chi nyono arhali esiku zoshi mwambona. ⁹ Bayahudi banene bamenya oku hali aho, banayinja, arhali Yesu yenine arhumire, chi mpu babone na Lazaro afulaga. ¹⁰ Abajinji b'abadahwa bahiga oku yirha Lazaro naye, ¹¹ bula Bayahudi banene bakazagi baleka eri ye rhuma, bakayemera Yesu. ¹² Eri bucha, ela ngabo y'abantu bali oku lukulu bayunva oku Yesu ali omu njira y'okuja e Yerusalemu. ¹³ Bahagula amarhabi g'emirhanda, bagenda mulinga n'okuyakuza: Hozana. Agishwe oyu oyinjire oku zino lya Nyamuzinda, ye Mwami we Israeli. ¹⁴ Yesu abona omwana gw'e Punda, agushonako nk'oku byali biyandikirwe: ¹⁵ Orhayobohaga, mwali wa Sayuni; Mwami wawe oyo oyinjire, ashonere oku mwana gw'e Punda. ¹⁶ Abigirizwa bage barhayurukiraga bayunva; chi eri Yesu aba amakuzibwa, bakengera oku ebyo byali biyandikirwe enyanya zage oku bi banali bamujirira. ¹⁷ Bala boshi bali ah'akulaga Lazaro omu shinda anamufula omu bafu, bakazaga hamiriza. ¹⁸ Kwo kwanarhumire olubaga lugenda mulinga: Bula bali bayunvirhe oku ajirire echo chisomezo. ¹⁹ Obwo Abafarisayo babwirana: Ka murhabwene oku murhamugala Obu olubaga lwoshi lumushimbire. ²⁰ Omu bantu bali yinjire haramya oku lusiku lukulu, mwali Abagereki. ²¹ Banashegerera filipo wali w'e Betesayida omu Galilaya, bamubwira: Waliha, rhwankasimire nerhu okubona Yesu. ²² Filipo abwira Andreya; Andreya na Filipo baji bwira Yesu. ²³ Yesu abashuza: Amango Mwene-Omuntu akuzibwa gayinjire. ²⁴ Okuli, okuli, mbabwirire, nka embeke y'engano erharhogere omu budaka ekanafa, enayorha yonine; chi ekafa, ly'eburha mburho zinene. ²⁵ Osima akalamo kage, anakaheza; naye oshomba akalamo kage hano gulu, anakalanga omu kalamo k'esiku n'amango. ²⁶ Olonza okunshiga, anshimbe; n'ahandi, ho n'omwambali wani ayinjiba. Omuntu onshigire, Darha ayinji mukuza. ²⁷ Bunola omurhima gwani gwamafuduka. gurhe naderhaga? Darha,onchize mu gano mango. Chaba cho charhumaga mpika mu gano mango. ²⁸ Darha, kuza ezino lyawe. Omulenge gwarhenga emalunga: Nalikuzize nanachilikuza kandi. ²⁹ Engabo y'abantu yaliriho,eri eyunva, yaderha mpu kulaka; abandi: Malayika washambalaga naye. ³⁰ Yesu ashuza: Arhali nyono narhumaga ogu mulenge guyunvikane, chi mwe mwarhumaga. ³¹ Ganola go mango egulu lya chibirwa olubanja; ganola go mango omuluzi wa lino gulu akabulwa embuga. ³² Nani hano nyinamulwa, nanakululira abantu boshi emunda ndi. ³³ Aderha ntyo mpu ayerekane lufu luchi ayinjifa. ³⁴ Olubaga lwamushuza: Chi rhwayunvirhe omu Chitabu ch'Amarhegeko oku Kristu abaho esiku zoshi. Gurhe woyo ochiderhere: Ku kwanene Mwene-Omuntu ayinamulwe? Ye Nde oyo Mwene- omuntu? ³⁵ Yesu abashuza: Obulangashane burhachiri nenyu kashanji kanene. Mukazi genda bwachibona, li omwizimya guleke bagwanyanya. Ogenda omu mwizimya, arhamenya ah'ali. ³⁶ Obu muchigwerhe obulangale, yemera obulangale, li muhindamuka bana b'obulangale. Eri Yesu amala ku derha ntyo, achigendera, abaleka. ³⁷ Ali ajirire bisomerene binene omu masu gabo, barhanamuyemeraga, ³⁸ li eyi myazi y'omulebi Isaya eyenera: Nahano, nde wa yemerere emyazi yerhu? N'okuboko kwa Nahano, nde kwamenyisizwe? ³⁹ Chiro barhankanayemera, bula Isaya ashubiri derha: ⁴⁰ Amasu gabo agahunyize n'emirhima yabo ayiziba, mpu li amasu gabo galeke kubona n'emirhima yabo eleke kuyunva, li barhahindamukaga binja, li ntabafumyaga. ⁴¹ Isaya aderha ntyo eri abona erenge lya Yesu, ye wanaderhaga eri aleba ntyo. ⁴² S'aliko banene, chiro n'omu bagula, bamuyemera; chi barhakazaga chiyerekana eri kuyoboha Abafarisayo kurhuma, mpu baleke kushwekwa omu Sinagogi. ⁴³ Ntyo basima erenge lirhenga emwa abantu ahali h'erenge lirhenga emwa Namahanga. ⁴⁴ Yesu anachiyakuza n'omulenge gunene: Onyemera, arhali nyono ayemera, chi ola wantumaga, ⁴⁵ n'ombwene eri owantumaga y'abwene. ⁴⁶ Nyono bulangale najire eno gulu, mpu li ngasi onyemerere aleke bera omu mwizimya. ⁴⁷ Oyunva emyazi yani arhanayilamire, arhali nyono nye namuchira olibanja, bula ntayinjaga ch'emanja, chi mpu chinze egulu. ⁴⁸ Ongayaguza n'okurhayunva emyazi yani agwerhe owamuchira olubanja; emyazi naderhaga y'eyamuchira olubanja olusiku luzinda. ⁴⁹ Bula arhali byani naderhaga, chi Darha wantumaga ye wantegekaga eby'okuderha n'eby'oku yigiriza. ⁵⁰ Na nyinji oku erhegeko lyage liri kalamo k'esiku n'amango. emyazi nderha, oku Darha ayibwiraga kuna mbiderha.