¹ M+k+ meyunait+ meteyu'wiwiyamete impuestos hipat+ siere tatakuri mete hexeiyakai mepak+kakai Jesus hats+a me'i enienike kemainekai. ² Meta'enanakai fariseotsixi m+ta siere te'ut+wamete meteyu'wawiriet+wekai p+ me'utiyuat+: "Ik+ uki wanake'erie ke ane tatakuri memexeiya m+ta wa'hamat+a tikwa'a". ³ Jesus wara'h+awekai +xatsik+, p+putay+: ⁴ "¿Ke ane xeme x+ka, 100 muxatsi ware'xeiyat+ m+ta xeime x+ka hauyah+ani, m+k+ muxatsi 99 wakwe eirieni yauta, m+ta manku'weiya iya mauyewe kepaukurike mika'xeiya? ⁵ M+ta mika'xeiyatsie, m+k+ piti't+ni yu'katust+a m+ta yuka'temawieni. ⁶ Kepauku yu kie yemie, yu iwama wakuxe+rieni auriena mematet+ka p+tiwara'h+awet+: 'Xekeneyu temamawieka nehamat+a, nemikaxeik+ ne muxa aku mauyawekai.' ⁷ Ne nexera h+awe masi, temawiya pe'xuawe ta heima kepauku mayuya erieni iya tatakuri rexeiya, keyuri 99 te+teri aix+ mete'u iyari mekwa heiyah+wa meyuta murukwit+ani. ⁸ M+ta, ¿xewit+ ukaratsi hexeiyat+ tumini tamama'ta monedas de plata, x+ka xeime hauya'h+ani tumini, katitaiya tik+xeme, yu kita waya'itieni, m+ta miti'wauni yu mait+ kepaukurike mikaxeiya? ⁹ Ke pauku mikaxeiya, m+k+ yu iwama meyunaime watah+awe auriena mematet+ka, p+ tiwara'h+awet+ xekene'yu temama'wieka ne hamat+a, ne'pikaxei ne tumini nemeiya'h+akai. ¹⁰ P+nexexa'h+awe Ne xeme, temawiya pexuawe akeritsixi wah+xie kaka+yari h+rie ke pauku xewit+ tatakuri rexeiyat+ yuta'murukwit+ani". ¹¹ M+ta, Jesus p+'putay+: "Xewit+ uki yuhutame yuniwema warexeiyakai, ¹² m+k+ yak+yumate yu ya'u p+rah+awe: 'Yau'a, keneteya tuiri ketipat+ ne hetsie timieme .' P+ tiuy+ tiwaru'ta pit+a pini. ¹³ M+ta tukari kareu'tewikaku, yak+ mauyu'mate naime tiuku'xe+rieka kaneyani tewapait+, m+ta hauerirt+ yu tumini kanet'x+t+ani, tinanet+ hau eriet+, xeik+a haueriet+ tumini x+t+at+ kaheyuta'eriwat+. ¹⁴ M+ta kepauku yu tumini nai muti'x+t+a, haka putawe mana kewa'meyeikakai, m+ta m+k+ xeuya h+at+ pat+a hawari tiy+anet+. ¹⁶ M+k+ pet+a xeime hats+a uximayatsika kwaunet+ mana kewa meyeikakai'tsie, m+ta m+k+ pein+a yauta m+k+ tuixuri ti'ware mikwanik+. ¹⁵ M+k+ tuixuri wa ikwai xeu kwaim+k+kai m+ta ni xewit+ kwatiya'tuiriekai m+k+ ikwai. ¹⁷ M+ta kepauku temaik+ maye'eri p+ putay+: '¡Kmeyupat+ te'uximayatamete ne ya'u ware´hexeiya m+k+ metehe'xeiya wa+kawa ikwai, ne'ta a'ne muyeika, hakak+ nem+ximet+! ¹⁸ Nenanku'keni neneya mie ne ya'u hats+a, m+ta neteheita'hawe: "Yau'a, tatakuri netiu'ne pit+a taheima timiemek+ yaxeik+a a hepa+sta. ¹⁹ Ne'ri a niwe neh+k+t+ni ne'kaney+we; p+ta ti'uximayatame kenena'yeit+a". ²⁰ M+k+ temaik+ pet+a m+ta puta'a yu ya'u hats+a. M+k+ akuxi tewa'pait+ amiekaku, ya'uya pixei, m+ta peka'nenimat+ya , mex+iwa pet+a, m+ta pe'wiyat+ya siere pi itsi. ²¹ Nua'ya p+reh+awe: 'Yau'a tatakuri netiunepit+a taheima timiemek+ yaxeik+a a'hepa+sta. Ne aix+ nekwa tiuka'iyari a niwe neh+k+t+ni nekwa y+we.' ²² M+k+ Yau'kame p+'tiwarah+awe yu n+arima: 'Mex+iwa xeketenaye'pini kemari masi aix+ ti'anene, xeketena'kapit+a, m+ta anillo xekeneuka'maniri mamayatsie, kakaitsie xeke'neutiket+a. ²³ M+ta siere pixeru masi waiya xekenehaniyu xekeneumi'a. ¡Fiesta te'wewieni! ²⁴ M+k+ ne niwe kaniu'm+kait+ni, hik+ta payaniere. Kaneuya wekait+ni, hik+ta kaniuka'xeiyarieni'. M+k+ menitsut+ani fiesta. ²⁵ M+k+ta nu'aya mauyu'mate niumawekait+ni yauta te'uximayakait+ni. Mexi ta'aximekai yu kie, m+k+ kaniu'enieni kwikari m+ta neiya. ²⁶ M+k+ xeime niutah+awe n+aritsixi niuta'iwauni ketiy+anekai. ²⁷ M+k+ n+'ari reh+awe a'iwa kananuani yu kie m+ta a'yau pixeru masi waiya kaniumieni, m+k+ ma'nuak+ aix+anet+'. ²⁸ M+k+ nu'aya mauyu'mate kaniuyaha'ani, kita kwahauta'ha, yau'ya waya'yaka, pitaini. ²⁹ M+ta m+k+ nu'aya mauyu'mate puta'a p+reh+awe yu ya'u: 'Neuxei, muixa witari ne nepatikeka a'hetsie miemek+, ne'nekwa u'neta ima kepenti'n+akai, yeti anek+ ek+ heiwamie kapura pekwanetsi'umi ne'nekatemawinik+ ne hamikuma wahamat+ak+, ³⁰ m+k+ta kepauku a niwe, ke ane tumini metix+t+'a ukari watsata, pixeru masi waiya pemimi'iri'. ³¹ Yau'yata p+re'hawe: 'Ne'niwe, ek+ nehamat+ pemuka, tita 'nerexeiya nait+ a'hetisie timieme. ³² M+ta paya'a tahepa+sta teyutemama'wieka Fiesta tewewie'ka, m+k+ts+ a'iwa mum+kai, hik+ta payeniere; m+k+ pauya'wekai hik+ta pukaxeiyerie"'.