¹ P+tiuy+ xawatik+, M+k+ hant+a xeime fariseotsixi warahana, kie pani haukwaimieka, M+kita mepixeiyakai hulawa. ² Manam+ta, Jesús h+xie xewit+ 'uki puyeikai ke'ane wa+kawa tiukakukuinekai 'utahawet+. ³ Jesús waruta'iwawiyax+ kehate wa+kawa mete'akumatekai kenti'anekai judia meta fariseotsixi: ''¿Tiy+we xawatik+ heriehamaneni, hawak+ nusu?'' ⁴ M+ta kaiwat+ mepumakakai. Anam+ta Jesús hetsiena putimei, herie penet+a m+ta pein+aá. ⁵ M+k+ p+tiwarutah+awix+ m+k+mexi: ''¿Ke'ane xeme xewit+ nuarie yakatixa+ turu puketsa ke'ane xawata maukaweni ti'uxipit+nitsie, xeimieta xekate'iwatihana?'' ⁶ M+k+mexi mekwua 'uy+wekax+a keme mutiy+ni m+k+ yamany+nek+. ⁷ Kepauku Jesús retimatsie m+k+ 'iyamexi me muta'inieriekai '+pari mepanayehapanakai mete aye'at+ memayaxiketsie, M+k+ta '+xatsi putah+a, p+tiwarah+awet+: ⁸ ''Kepauku xeme xeta'inierienitsie kewa, rene+kit+neni, xekwua'ankayaxikeni ke'ane mete'aye'axe wa'+paritsie, x+kateta ke'ane raye'axe uta'inieriekait+ni keyuri xeme, t+t+ts+ xemuta'inierie xeneh+k+. ⁹ Kepauku ke'ane muta'ini nuanitsie, m+k+ xeme p+kaxetitah+awim+k+: 'xeime 'ik+ neuhayewiri a'+pari' m+ta anam+ peti'atewin+am+k+ xeime '+pari yak+ raye'axetsie pe'ayer+me. ¹⁰ M+ta kepauku xeme xeta'inierienitsie, xehuni meta xankayaxi kewa '+parite yak+raye'at+ meti'utsie, pa+m+m+ta kepauku ke'ane xe'uta'ini xehats+a nuanitsie, m+k+ p+xetitah+awe: 'Hamiku, hut+apait+ neukait+.' Anam+ta xeme xete'aye'at+ xenak+nikuni yunaime wah+xie 'iya kehate me'mankayaxix+ mexatsie xehamat+a. ¹¹ X+kata yunait+ 'iya kehate meyuwe'eta yuhetsiek+ yak+ mete 'aye'at+ mepayeit+rieni, ke'aneta yutatauani mik+ raye'at+ payani.'' ¹² Jesús hapa+na 'uki p+rah+awe ke'ane mita'iniekai M+k+: ''Kepauku ek+ 'ikwuai petiwanitsie ahamikuma pekwuawa'inieka yakatixa+ a'iwama yakatixa+ aparientema yakatixa+ awesinuma tuminikate, x+kate m+k+ kepauku ta'aurie memete ah+wirieni, ek+ta amamatsie pepih+ni mekuwenitsie. ¹³ M+ta kepauku ek+ petiwanitsie, kenewaruta'ini 'iya kehate hawarimetey+a, me mau'+katsaraiwat+ka, mekwua 'uk+niwawe, m+ta mekwua hauneniere, ¹⁴ M+ta 'ek+ petiyetuiriyerieni, m+k+ h+rix+a mekakany+wekax+akuni kehapa+ me'mete'akapit+ani mekuwenitsie. meta 'ek+ petiyetuiriyerieni kepauku memantanenieretsie kehate 'aix+ metekak+.'' ¹⁵ Kepauku mana xewit+ mutikatei mexatsie Jesús hamat+a mu'enax+tsie m+k+ yamany+nek+, p+titah+awix+: ''¡Aix+ ke'it+arieka ke'ane pani takwuani Kaka+yari kwueparieyatsie!'' ¹⁶ M+ta Jesús p+reh+awe: ''Heiwa xewit+ 'uki tiukawewi wa+kawa 'ikwai m+ta yuwa+kawa waruta'ini . ¹⁷ Kepauku 'ikwai 'aix+ ti'anekaitsie, M+k+ xeime yun+'ari putan+aá p+ketiwaretah+aweke iyamexi kehate me'muta'inieriekai, 'Kwiniwari xahuni nait+ri aix+ t+'ane hik+rix+a.' ¹⁸ Yunait+ 'iyamexi meteniukatsut+ani niuki mewewiet+. mat+ari xewit+ p+katitah+awe: 'Kwié nepunanai, nepet+a nepei 'ix+arimie. panpariusi p+tetah+awi kenereuyeh+wirieka.' ¹⁹ Xewit+'ta p+putay+: 'Auxuwime paxiyari turutsixi ne'warutinanai, nepet+ata newareu 'in+tamie. panpariusi p+tetah+awi kenereuyeh+wirieka.' ²⁰ Xewit+'ta 'uki p+putay+: 'Neputine+k+x+, nekwuay+we nemeyani.' ²¹ M+k+'ta n+'ari putaá yukutsiyari hats+a p+ta reh+awe kenre'+kit+ariekai. M+ta kekame kutsikame puyehaá wa+kawa m+ta p+reh+awe yun+'ari: ' Mex+iwa nemieni kekarita huye muyehahapanetsie newarekuxe+rieka kehate hawari metey+a 'ana newaru'at+a, mekua'uk+niwawe, mekwuahauneniere m+ta itsime'+katet+.' ²² M+k+'ta n+'ari p+putay+: Kutsiyari, kepentiun+aá yeti'ane, yat+t+ta akuxi kaniuyeyaka.' ²³ Kutsiyari yu n+'ari p+rah+awe: 'Nemieni huye matayeyau'utia newa'iniemie h+pame wa+riyarika newarepit+a mekehahuni, nekita meke'utah+ne. ²⁴ Tawarii ne p+nemetitah+awe 'ek+, nixewit+ iyamexi 'ukitsi kehate mat+ari newaruta'ini mekwuate ha'in+ata ne'ikwuai.''' ²⁵ Hik+ta wa+kawa te+teri Hats+na menek+nekait+ni, m+ta M+k+ kananuani m+ta p+katiwarah+aweni m+k+mexi: ²⁶ ''X+ka'xewit+ nehats+a hauyeim+k+ni ke'ane wakwuawareukax+rie, yu'yau, yutei, yu'+ya, yuniwema, yu'iwama meta hapa+na yutukari, m+k+ kway+we Ne'nunuyari mayani. ²⁷ Ke'ane yukuruxi kwuatit+ni m+ta ne'ut+a mumieni, kwuay+we Ne'nunuyari h+k+t+ni. ²⁸ X+ka, ¿ke'ane xeme, p+reuyeh+aka kename torre tawewieni, xekate'ankayaxiwawe xeyuti'iyarit+anike kepat+ tikupine metata kepat+ reuyewetse raye'anik+? ²⁹ Hapa+nata x+ka, xekate'aye'at+wani x+kata xeka'in+ni, yunait+ kepat+ memixeiya tsut+ariekame mepitinanaimani, ³⁰ P+mehait+kait, 'Ik+'uki tiutsut+ka kwua'uy+wekax+a tiun+ni.' ³¹ ¿X+kate rey yukuh+am+k+ xeime rey hamat+ reyukuinetsie, karankayer+we yuti'iyarit+anike m+ta mexi niuki aix+ 'any+neme yumamatsie katiuh+iwe retimanik+ x+ka'aku kuy+wekareni yutamieni dies mil 'ukitsi wara'iniet+, xewit+ rey hamie vente mil 'ukitsi wara'iniet+ 'hats+ana nieret+? ³² Yakatixa+, mexi tewapai meha'hu kuyaxi, xeime pan'n+'ani m+ta ta'iwauni kehapa+ y+me 'uxipiya hexeiyat+ payani. ³³ Pa+m+ 'any+t+ kanany+neni, xeme xewit+ x+ka ka'katiuhayawa naime tita rexeiya m+k+kway+we Nenu'nuyari mayani. ³⁴ Unaá aix+'ane, x+kata 'unaá yukakariya hauyeh+ni, ¿kehapa+ta rakakani tawari? ³⁵ Tixa+tsieri kwatimieme kwietsie, ni'hapa+na siere kwita hamun+it+ani. Wapauyukawiwieni. Ke'ane mau'ena 'enak+, ke'uena.''