¹ Jesús hapa+nata p+ti'warutah+awix+ yu t+riyama: ¨Heiwa xewit+ tewi puyeikakai xikut+t+, m+k+ta xeime pexeiyakai ti'in+n+atame tuminieya +wiyakai, m+k+ta, p+tiu'xanet+arie kename ti+wiriwame retax+t+aximekai pinieya. ² Yaumieme kutsikame ti'+wiyame puta'+awix+ p+reh+awe: '¿Ketitak+ ik+ yeneti'ena, ek+ a hepa+sta? kenenéyatuiri naime in+ari kepetikamie, ana'yayaní ek+ri pekuanetita'+wirieni.' ³ M+k+ ti'+wiyame yuk+mana p+rayu'h+awekai: ¨¿Keri'neyiní ik+ ne ukiyari netsi kunawairiwa uximayatsika neti +wiriwame't+kai? Ne t+r+kariya wa+ka nekwa hexeiya ineme ne mayaní, hapa+na neyutewiya tiwawame neh+k+t+ni. ⁴ Ne nerakumate kehapa+ netikayani, kepauku ne uximayatsika ne nawaiyarieni neti +wiyame't+kai, teuteri menesta nake'erienik+ yu kie,' ⁵ Umaniere ti+wiyamet+kai waruta h+awix+ yu xaxuime mete'apikai ukiyarieya hats+a, m+k+ pita'iwawiyax+ manyakatei: ¨¿Kepá'perapine ne ukiyari hats+a?¨ ⁶ M+k+ta p+putay+: 'Cien merirayari haceiti'. M+k+ta p+re eiya: 'tsipa kepa+met+ makauxa na hurieka keneukani yapaukuta keneu'wapa cicuenta keneu'ut+a.' ⁷ Umaniere ti'+wiyamet+kai tawaritá xeime p+rahiuawe. ¿kepa+meme'tá perapine ek+? m+k+ta p+putay+: cien kiriwayari harina.' m+k+ta titah+awix+: a xapa kena hurieka keneu'ut+a ochenta.' ⁸ M+k+ tuminikame aix+ reikaxeiriet+ya yetikat+ak+ iya aix+kuatiu'+wiyakai waritana timaiwemek+ tikayakai'k+ yurik+ paleku makuatekahu ana kwiepa metama me te maiwawet+'tá mapayuyeit+wa ipame wa hepa+sta iya aix+ mete'u'iyari me kwatekahu hapa+. ⁹ Ya umieme p+nexera'h+awe: xekene kuparuwaka tumini xemauxeiya ana kwiepa parewiya xekena'yeit+a ipame wa'hepa+sta wa'hamikuma xemak+nek+. kepauku ek+ pekumaweretsie, m+k+ paleku mamatsi hankwewieni kiekari tsikuayuwetsie. ¹⁰ Keane aix+ tikamie yak+ ti'paumemetsie, ya yeixeik+atá aix+ tikayani ti wa+kawametsie, keanetá aix+ kuatikamie yak+ tipa+memetsie, ya xeik+ata aix+ kuatikayani tiwa+kawametxie. ¹¹ Xeme x+ka aix+ xekatekak+ne xekuparuwat+ tumini carekanakemek+, ¿keane'aku xetiyatuirieni iya masi wa+kawa raya'ar+kame? ¹² X+ka xeme paleku xekuatekak+ hipame wa tuminitsie, ¿keane xeyatuirieni tumini heyemek+ xehetsie mieme? ¹³ Ni'xewit+ n+'arí kway+we yuhutame yu'ukiyarit+aka, x+ka tiuta'in+ata, xeime tixane'erieni xeimetá aix+ titi'eriya, ya t+ni xeime hepa+sta aix+ tikayani xeimeta ti'uxieni. Xeme xekway+we aix+ xetekak+ne kaka+yari hats+a, tumini hepa+sta'tá hapa+na. ¹⁴ M+k+ta fariseutsixi memu'enanatsie, me pitinanaima m+k+ tumini yamakua'tekueriyakai. ¹⁵ M+k+ta Jesús p+tiwarah+awe: ¨Xeme aix+ xeteka'hukamé xepayuyeit+a te+teri wa h+xie, m+k+ta Kaka+yari xe iyari pakumate. tita iya raya'at+ tih+k+ te+teri wahepa+sta kaka+yari h+xietá karaya'at+ ti'h+k+. ¹⁶ Marihitsika kaka+yari mi yatua temaikate kemente u'utá kuxi yu kuxatakai kepauku nuariké Juan ti+yame. mana tiyat+a, niuki hekua kuiepa hekua kaka+yari man+'atsie yukuxata, y u wa+kawa te+teri mepi nake'erie m+k+ niuki wa iyari ya'anemek+ kaka+yari meyu'its+kamet+at+ memu'hunik+. ¹⁷ Masi yapauku pukumaweriwe ta heima yuawi kwiepa hetsiena te matey, kaka+yari maritsikayatá kuakumawire nait+ yetiyini payuya'at+ani kemaine. ¹⁸ X+ka xewit+ uki yu +yá ukwe'erieme xeime pa+tatá hewit+ní karayuni'wiya tatakuri payeika, keáneta, iya uka yu k+na mu kwe'eiri manwit+ní ya xeik+a tatakuri tiyupit+ani. ^{21 19} Heiwa xewiyt+ yewi puyeikakai kwinie ti'xikut+t+ kemari wichi aneneme rakapinet+ puyukaté'mawiwakai wa+ka rexeiyakaik+ tukarik+ kwinie ti'anemek+ tiutikwuaiwakai. ²⁰ M+k+ta kiteniena ti'wawame tukarik+ putiyeixakai uki tixa+ karexeiyat+ titewat+ Lazaro, m+k+ yu waiyaritsie tikuyekai hipat+ muwa mepiti'yatsakai 21 M+k+ta hakak+ peikwuai'm+k+kai echiwa tikax+r+wekai ikwuai mexat+a kewa tewi xiku rati'kwa'akaitsie kuareum+ireni'hapa+ akuxitá ts+ik+ri me pitsenakai etsayatsie. ²² Paya'a tukari m+k+ tiwawame pu'm+, pankut+kie akeritsixi mepeiwimax+ kewa Abraham nuiwarieya memakanieretsie. Hapa+na uki xikut+kai pum+ pukateukie, ²³ Taipa kastiku maxuawetsie puyu xei tiukakukuit+, wamenierix+ tsie pixei Abraham tewapait+ hapa+na Lázaro yu aurie ma ateme. ²⁴ Ya umieme puta'hiwax+ p+putay+: heima keteuwewi keneneu'tinenimayata né kenaká'n+'airi iya Lázaro, uwa ne hats+a yu it+wame hapa haukahat+ame ke itanet+ani ne'nenítsie kastiku neti'h+, uwa taitsie. ²⁵ M+k+ta Abraham p+titah+awix+: Neniwe, kenaye'erí pemayenierekaitsie amamatsie pepih+i tita ti aix+t+kai a hepa+sta, m+k+ta Lázaro yaxeik+a, tita aix+'kwatiane. M+k+ta hik+ ana'í yutemawie, ek+tá petiuka'kukuine. ²⁶ Hapa+natá ik+ kuay+we kaka+yari haukatewamek+ rantanama a hats+a hapa+na ta hats+a, m+k+ kway+wenik+ kehate mamauk+nikuni kewa peme akanierit+a ni xewit+ kway+wenik+, yaxeik+a ni xewit+ kway+we manayani ta hats+a nuani kuay+we. ²⁷ M+k+ tewi xikut+kai p+putay+: 'Wa+riyarikak+ nemetsiwawirie, ¡xika p+ti'aneni! yau'á Abraham, nan'n+a m+k+ Lazaro ne yau kiekarieyatsie. ²⁸ Ne newarexeiya yu auxuwime ne iwama mana mepekutei, P+teutah+awi m+k+ yeketiwareta'h+awe uwa yetianetsie makwa'hahunik+, kewa kukuiniya me mana'kamait+k+katsie. ²⁹ M+k+tta Abraham p+titah+awix+: ¨m+k+ri me peixeiya Moises hapa+na temaikate kementeu'ut+a meripai maukahane. ¡m+k+ mey+we yemetekak+ne m+k+ kemeteu'utsiyarie!. ³⁰ M+k+ tewi xikut+kai p+putay+: 'hawaik+ yau'á Abraham, h+rix+a x+ka xewit+ hauyani wahatx+a m+kite watsata ankukeme, m+k+ meyutih+awe aix+ metekak+ne. ³¹ M+k+ta Abraham p+tita'ei: x+ka m+k+ maka hauenieka iya Moises hapa+na temaikate kementeu'ut+a, tsepa xewit+ ankukemé m+kite watsata yetiwaruta'h+awix+ yaxeik+a m+k+ yuri makua a yeit+ani kename m+k+ meke ikwe'eirieni huye tatakuri muxuawetsie