¹ Hikɨta Jesús ma pu ye miekai, mɨkɨta uki pu xei nunutsi'yari paitɨ ka hau niereme. ² Tɨri'yamama me me iwawiya: ''Rabí, ¿ ke ane tatakuri tiu yu pitɨa, ikɨ uki, sunu yeyeumama, ikɨ ka hau nieretɨ ti nuiwakɨ? ³ Jesus pɨtiu a': ''ni mɨkɨ, ni yeyeumama tatakuri me kwa te uhɨi, pɨta ti ane Kakaɨyari ken ti yuriewe ti hekɨarekɨ hetsiena. ⁴ Tame ye tete yurieka Iya ke ane ne tsi heye nɨa hapai mexi hu hekɨa. Tɨkari pamie kwa yɨwekaxɨani xewitɨ ti ta uximayata. ⁵ Mexi kwiepa ne u'yeika, ne hekɨariya nehɨkɨ kwiepatsie.'' ⁶ Mɨta Jesus ikɨ ye uta yɨka, kwie panka itsi'kama, yu aɨrikakɨ haxu pu'ta wewi, haxuta hɨxitana pe wiriexɨa. ⁷ Mɨkɨ ta, iya pɨre hɨawe: ''Ne mie, Estanque de Siloé ne ka hɨtaima (mɨkɨ ta pɨ an yɨtɨ pan yɨne 'nɨ'ari').'' Mɨkɨta me tɨa, ma nakahɨtaimaxɨ, ma kunua hau nieretɨri. ⁸ Mɨta mɨkɨ uki aurie me ma ye tekai, hipatɨ hapaɨna keke me mi xeiyakai ti wawame hapaɨ, ma maitɨkatei: ''¿ Ikɨ ka ti hɨkɨ uki mana mu ta yeixakai, ti waunetɨ? ⁹ Hipatɨ pɨ me maitɨkatei: '''mɨkɨ hɨkɨ.'' Hipatɨ ta me maitɨkatei: '' Hawaikɨ, hapaɨna ane.'' mɨta mɨkɨ pɨ painekai: ''né ne hɨkɨ.'' ¹⁰ Mɨkɨ ta pɨ me te he hɨawe: "Tamɨta, ¿a hɨxite ke tiu yu yepiexɨa?'' ¹¹ Mɨkɨta pɨ tiwaru ei': ''Uki titewatɨ Jesus haxu u' wewieka ne hɨxita ne tsi hau ka wiri, pɨta nera hɨawe: 'Nemie Siloé mɨta nehanaka hɨtaima.' Mɨta muwa ne hantɨa, ne hanaka hɨtaimaxi mɨta ne hau nieretɨ ne hatɨa. ¹² Mɨkɨ pɨ me te he hɨawe: ''¿Kewa ta pe yeika Mɨkɨ?'' Mɨkɨ ta pɨ tiu a': ''ne nekwa ra kumate.'' ¹³ Iyamexi mepe'ha mɨkɨ uki fariseo'tsixi wa hatsɨa. ¹⁴ Hikɨta hɨkɨtɨkai tukari memuka'uxipiwatsie kepauku Jesús haxu muwewi mɨta hɨxiteya mantayepiexɨa. ¹⁵ Mɨta, hekwamekɨ, fariseo'tsixi mɨkɨ mepita'iwawi kehapaɨ hɨxiteya antanenierekai. Mɨkɨ pɨtiwarahɨawe: "Mɨkɨ ne hɨxite'ta haxu paukahaɨritaxi, ne nehayuyehauxi, hikɨtari ne pauniere." ¹⁶ Hipatɨ fariseo'tsixi pɨ mepaitɨkatei: "Ikɨ uki kwa hɨkɨ Kakaɨyaritsie meta Mɨkɨ kwa'uta tukari temuka'uxipiwatsie."Hipatɨ'ta mepaitɨkatei: "¿Ke hapaɨtɨtɨ tewi yɨwe tatakúri tiyupitɨatɨ tiuyemateni katihekɨakame?". ¹⁷ Mɨta hekwamekɨ kwa'hauniere me pu ta iwawi: "¿kepehaine Hetsiena mieme metsi anta'nieritɨakɨ?" Uki kuahauniere pu ta yɨ: "Timaikame hɨkɨ" ¹⁸ Hikɨta judío'tsixi akuxi yu'ri mekwate'eriekai mɨkɨ tsie kename kahaunierekai, mɨta kename haunieretɨ ayakai, mɨta akuxi yeyeuyama me waru'ta kwewi keane iya haunieretɨ mayakai. ¹⁹ Iyamexi yeyeumama me wa ru'ta iwawi: "¿Ikɨ xe niwe tihɨkɨ aku xeme ye xemaitɨkatei kename kahaunieretɨ utinuiwaxɨ? ¿Ke hapaɨ'ta tamɨ mɨkɨ pauniere?" ²⁰ Mɨta yeukate pɨ me te waru'ei: "Tametsɨ tete nakumate kename ikɨ hɨkɨ ta niwe mɨta siere kahaunieretɨ utinuiwaxi. ²¹ ketiu hikɨ pauniere, tame tekwa te akumate, siere'ta ke'ane hɨxiteya pantanieritɨa, tekwa ixexeiya. Mɨkɨ xeutaiwawiya. Ariri mɨkɨ kaneuyumarieka. Mikɨri yu saɨta yu hetsie kaniu'weni. ²² Ikɨ yaukate yemeputiyɨ judío'tsixi mewa'reutexietɨ. Judío'tsixi kepai mete'uyutixatɨakai xɨka xewitɨ itaxatake kename Jesús hɨkɨtɨkai Cristo, mɨkɨ wa ye hɨiyanikekai niuki wayutixaxatá. ²³ Ya umieme, yaukate me pu ti yɨ: "Mɨkɨ ari pauyumarie. Mɨkɨ xeutaiwawiya." ²⁴ Ya umieme hutarieka, mɨkɨ me pu ta hɨawixi uki heerie manetɨariekai mɨta pɨ me te he hɨawe: "Kakaɨyari temawiya kene yetuirieka. Tame tete akumateri kename ikɨ uki tatakúri tiyupitɨa." ²⁵ Mɨta mɨkɨ uki pɨ tiu'a: "Ne ne'kwarakumate xɨka Ikɨ tatakúri tiyupitɨaka. Hɨrixia ne ra kumate: kename ne ne'kahaunierekai, hikɨtari ne niere." ²⁶ Mɨta mɨkɨ pɨ me te he hɨawe: "¿Ke me tsi uyuri? ¿Kehapai Mɨkɨ a hɨxite panta yepi? ²⁷ Mɨkɨ pɨ ti wa ru'ei: ¡Yene xe tiu tahɨawixɨ'ri, xe kwa u enana'ta! ¿Ketiu tawa'ri xepei enieku? ¿Xeme siere sunu tɨriyamama xepau kɨniku? ²⁸ Iyame tsɨ mete itama mɨta pɨ me te itahɨawixi: "Ekɨ pe hɨkɨ nunuyarieya*, tame'ta pɨta tehɨkɨtexi Moisés tɨriyamama. ²⁹ Tame tete akumate kename Kakaɨyari Moisés uta'hɨawixɨ, mɨta ikɨ uki'tsie, tame tekwa te akumate ken'rane. ³⁰ Ikɨ uki pɨ ti waruéi mita pɨ ti warahɨawe: "Ikɨ kari ye ti ane, xeme xe kwa te aku mate kewa me kiekame Iya, yatɨtɨ ne hɨxite Iya ran ta yepi. ³¹ Tame tete akumate kename Kakaɨyari kwa wa eni'e tatakuri mete yu pitɨa, xɨka xewitɨ'ta kakaɨyari hau enieka matɨa yetikamie ken reuyehɨwa, Mɨkɨ pi enie. ³² Kwie mu yu katsutɨa tsie pai, hawai pɨ kwa re yu'eniewe kename xewitɨ hanta nieritɨa ka hauniereme mutinuiwaxɨ tsiepai. ³³ Xɨka iku uki Kakaɨyari tsie ka ayenenike, Mɨkɨ tsi kwa ti yuriewenike." ³⁴ Iyamexi pɨ me te'iei pɨ mete hehɨawetɨ: "Ekɨ pe mu tinuiwaxɨ tatakúri hetsie yeme, ¿kename'ta pe ta ti ɨkitɨa tame?." Mɨta iyamexi takwa me pen yehɨa. ³⁵ Jesús tiuta marieka kename waya hɨiyakai tiwa tixaxatsiwa'tsie ikaxeiya'ká pɨre hɨawe: ''¿Yuri peti'erie Tewi Nu'ayatsie ?'' ³⁶ Mɨkɨta pɨputayɨ ''¿Ke'ane hɨkɨ, ukiyari, mɨta ne yuri neti ta'erieni Hetsiena ³⁷ Jesús pɨre'hɨwe: ''Ekɨri pepi'xexeiya, Mɨkɨ hɨkɨ a'hamatɨa tikuxa'ta.'' ³⁸ Mɨkɨ tewi pɨputayɨ: ''Ukiyari, yuri neti'erie,'' mɨta peyexeiyakay. ³⁹ Jesús pɨputayɨ: Ne aixɨ neraka yurie'yurienike ne'peyatɨa, ke'hate iya makwa hau ne'niere me nierekɨ mɨta hipatɨ me mau neneniere me man kɨpitɨarieni." ⁴⁰ Yapatɨ fariseo'tsixi me yukanieritɨa'kai Hamatɨana, me pu'enana mɨkɨ mepe iwawiya: ''¿Tame siere tete akɨkɨpe?'' ⁴¹ Jesús pɨti warahɨawe: ''xɨkate xeme xe akɨ'kɨpenike tatakuri xekwa heixeiyanike, hikɨta pɨxe'maitɨka: tamé tepau'neniere ya'umieme xe tatakuri kua'haukuyeika.